ມີພົນລະເມືອງດີ ພົບເຫັນພະພຸດທະຮູບ 3 ອົງ ໃນກະສອບກາງທາງ ທີ່ເມືອງນໍ້າບາກ! ຄາດວ່າຖືກລັກມາ 26/7/20!18

ຕາມການລາຍງານຂອງເຈົ້າໜ້າທີ່ ປ້ອງກັນຄວາມສະຫງົບ ບໍລິການປະຊາຊົນ ກຸ່ມເທດສະບານເມືອງນໍ້າບາກໃຫ້ຮູ້ວ່າ: ເວລາປະມານ 7 ໂມງເຊົ້າ ຂອງວັນທີ 26 ກໍລະກົດ 2018 ນີ້ ໄດ້ມີພົນລະເມືອງດີເຂົ້າມາແຈ້ງກັບເຈົ້າໜ້າທີ່ວ່າ ຕົນເອງໄດ້ພົບເຫັນພະພຸດທະຮູບ 3 ອົງ ທີ່ຊຸກເຊື່ອງໄວແຄມທາງລົດ ຢູ່ບ້ານທ່າລີເໜືອ ( ເຂດນາຂອນ ) ເມືອງນ້ຳບາກ, ແຂວງຫຼວງພະບາງ



ເຊີ່ງເປັນພະພຸດທະຮູບທອງທັງ 3 ອົງ; ຈາກນັ້ນເຈົ້າໜ້າທີ່ປ້ອງກັນຄວາມສະຫງົບ ບໍລິການປະຊາຊົນ ກຸ່ມເທດສະບານພ້ອມດວ້ຍພົນລະເມືອງດີ ແລະ ກວານວັດບ້ານຟ້າ ໄດ້ລົງໄປຈຸດພົບເຫັນພະພຸດທະຮູບດັ່ງກ່າວ ແລ້ວນຳເອົາມາຮັກສາໄວ້ນຳເຮືອນກວານວັດບ້ານຟ້າ ໃນເບື້ອງຕົ້ນໄດ້ມີການເກັບກຳຂໍ້ມູນ, ຮູບສັນຖານຂອງພະພຸດທະຮູບ ເຊີ່ງໃນນັ້ນມີອົງໃຫຍ່ 1 ອົງ ໝັກປະມານ 9,4 ກິໂລກະລາມ, ອົງນ້ອຍທີ່ລຸດລົງມາ ມີນ້ຳໜັກ ປະມານ 25,9 ກິໂລກະລາມ ແລະ ອົງທີ່ 3 ໜັກປະມານ 25,7 ກິໂລກະລາມ.



ຕາມການສັນນິຖານຂອງເຈົ້າໜ້າທີ່ ອາດຈະແມ່ນພະພຸດທະຮູບທັງ 3 ອົງຖືກຄົນຮ້າຍລັກມາ ແຕ່ເອົາໄປບໍ່ລອດ ຈີ່ງປະໄວ້ຈຸດດັ່ງກ່າວ. ຖ້າຫາກວັດບ້ານໃດໄດ້ມີພະພຸດທະຮູບລັກສະນະນີເສຍ ແມ່ນສາມາດຕິດຕໍ່ພົວພັນ ມາຍັງອົງການປົກຄອງບ້ານຟ້າ, ເມືອງນ້ຳບາກ, ແຂວງຫຼວງພະບາງໄດ້.

ຂໍ້ມູນພາບ-ຂ່າວ: ຮ້ອຍເອກ ກອງສີ ອິນທະວົງ

Post a Comment

0 Comments