ເຮືອຊ່ວງສັງຄະໂລກ 2 ລຳ ເອົາລົງນ້ຳເພື່ອຫັດແອບກັນແລ້ວ

ເຮືອຊ່ວງສັງຄະໂລກ 2 ລຳ ເອົາລົງນ້ຳເພື່ອຫັດແອບກັນແລ້ວ



ເຮືອຊ່ວງສັງຄະໂລກ ແລະເຮືອຊ່ວງຂອງບໍລິສັດລາວແກ໊ດ ແມ່ນໄດ້ເອົາລົງນ້ຳໄດ້ຫລາຍມື້ແລ້ວ ເຮືອສັງຄະໂລກ ເປັນເຮືອຊ່ວງທີ່ມີຮູບແບບທີ່ງົດງາມ ຕາມແບບສະບັບຫລວງພຣະບາງໂດຍແທ້ ຫົວສູງ ແຫງ່ມໃຫຍ່ ຫຍົ້ມໄດ້ສົມໃຈ ລົງຊ່ວງຫລືພາຍຄັ້ງໃດ ຈະມີສາຍຕາຈົດຈ້ອງເບິ່ງຄວາມງົດງາມ ໂດຍສະເພາະຈະມີຄົນຕິດຕາມຖ່າຍຮູບເຮືອແບບນີ້ຫລາຍກວ່າເຮືອສູດຂອງບັນດາເຖົ້າແກ່ທັງຫລາຍທີ່ເອົາມາຊ່ວງໃນບຸນເດືອນເກົ້າຫລາຍກວ່າ ແລະທີ່ສຳຄັນ ປີນີ້ໄດ້ມີບໍລິສັດລາວແກ໊ດ ໄດ້ສ້າງລຳໃຫມ່ໃຫ້ມາເປັນຄູ່ກັບເຮືອຊ່ວງສັງຄະໂລກອີກນຳດ້ວຍ



ຂອບໃຈ ກັບການນຳບ້ານ ບໍລິສັດລາວແກ໊ດ ແລະວັດສັງຄະໂລກ ທີ່ຍັງອະນຸລັກຮັກສາເຮືອຊ່ວງຮູບຊົງແບບຫລວງພຣະບາງເຮົາຂຶ້ນມາໃຫມ່ ແມ່ນວ່າຈະຊ່ວງບໍ່ໄດ້ທີ່ດີໆ ເທົ່າກັບເຮືອສູດທັງຫລາຍ ແຕ່ກໍ່ໄດ້ໃຈຂອງຄົນທີ່ມັກຮັກສິລະປະ ປະເພນີ ວັດທະນະທັມເຮືອຊ່ວງສະບັບດັ່ງເດີມໄປເຕັມໆໆ





ຂອບໃຈຮູບພາບຈາກ : Max Ly

Post a Comment

0 Comments