ເມືອງນໍ້າບາກ ກຽມຄວາມພ້ອມຮອບດ້ານໃນການຈັດງານແຂ່ງຂັນຊວ່ງເຮືອ ປະຈຳປີ 2018

ຫຼວງພະບາງ: ມາຮອດປັດຈຸບັນນີ້ ທຸກອານຸກຳມະການຮັບໃຊ້ວຽກງານ ແມ່ນໄດ້ແບ່ງວຽກ, ບັນຈຸບຸກຄະລາກອນ ເຂົ້າໃນທຸກໜ້າວຽກຢ່າງລະອຽດ ເພື່ອຮັບໃຊ້ງານສະເຫຼີມ-ສະຫຼອງປີທ່ອງທ່ຽວລາວ 2018 ຂອງເມືອງ ແລະ ງານແຂ່ງຂັນຊວ່ງເຮືອປະຈຳປີ ຂອງຊາວເມືອງນໍ້າບາກ. ທຸກຫ້ອງການ, ບ້ານ ແລະ ສະຖານທີ່ຈັດງານ ແມ່ນປະດັບປະດາດວ້ຍຄວາມຈົບງາມ ທັງກາງເວັນ ແລະ ກາງຄືນ.



ງານສະເຫຼີມ-ສະຫຼອງປີທ່ອງທ່ຽວລາວ 2018 ຂອງເມືອງນໍ້າບາກ ແມ່ນຈະໄດ້ຈັດຂື້ນໃນຕອນເຊົ້າຂອງວັນທີ 25 ສິງຫາ 2018 ຈະມີຂະບວນກ້ອນກຳລັງຕ່າງໜ້າເຜົ່າຕ່າງຯພາຍໃນເມືອງເຂົ້າຮວ່ມ, ມີການສະແດງສີລະປະວັນນະຄະດີຂອງບັນດາເຜົ່າ, ການຂັບລຳທ້ອງຖີ່ນ, ທ່ຽວຊົມງານຕະຫຼາດນັດ, ທ່ຽວຊົມສະຖານທີ່ທ່ອງທ່ຽວຕ່າງຯຂອງເມືອງ, ວັນທີ 26 ສິງຫາ 2018 ແມ່ນເປີດງານແຂ່ງຂັນຊວ່ງເຮືອປະຈຳປີ ເຊີ່ງໃນປີນີ້ມີເຮືອຊວ່ງຢູ່ແຕ່ລະບ້ານພາຍໃນເມືອງ,



ພາຍໃນແຂວງ ເຂົ້າຮວ່ມທັງໝົດ 14 ລຳ ແບ່ງອອກເປັນ 2 ປະເພດຄື: ປະເພດເຮືອປະເພນີ ມີ 7 ລຳ ແບ່ງອອກເປັນ 2 ສາຍ. ສາຍ A ມີເຮືອຊວ່ງບ້ານໂພນໄຊ, ເຮືອຊວ່ງບ້ານໂຄ້ງ, ເຮືອຊວ່ງບ້ານນໍ້າລາ, ເຮືອຊວ່ງບ້ານໂພນສະອາດ; ສາຍ B ມີເຮືອຊວ່ງບ້ານຟ້າ, ເຮືອຊວ່ງບ້ານນະຄອນ, ເຮືອຊວ່ງບ້ານລີ່; ປະເພດເຮືອສູດ ມີ 7 ລຳ ແບ່ງອອກເປັນ 2 ສາຍ. ສາຍ A ມີເຮືອຊວ່ງບ້ານໂພນສະອາດ, ເຮືອຊວ່ງບ້ານທ່າລີໃຕ້, ເຮືອຊວ່ງບ້ານລີ່, ເຮືອຊວ່ງບ້ານປາກມອງ; ສາຍ B ມີເຮືອຊວ່ງບໍລິສັດສິນໄຊ ຫຼວງພະບາງ, ເຮືອຊວ່ງບ້ານບົມ ແລະ ເຮືອຊວ່ງບ້ານຊາງ. ການແຂ່ງຂັນແມ່ນແບບເສຍ 2 ເທື່ອ ແລ້ວຄັດອອກພາຍໃນສາຍ, ມີການແຂ່ງຂັນກັນທັງໝົດຕໍ່າສຸດ 26 ລ່ອງ ແລະ ສູງສຸດ 30 ລ່ອງ.

ລາຍງານໂດຍ: ພອນສັກ ສິງດາລັກ ( ນັກຂ່າວເມືອງນໍ້າບາກ )

Post a Comment

0 Comments