ເຮືອຊ່ວງລຳໃຫມ່ຂອງວັດຊຽງທອງ ກຽມພ້ອມສູ່ບຸນຊ່ວງເຮືອເດືອນ 9

ເຮືອຊ່ວງລຳໃຫມ່ ສ້າງໃຫມ່ ຂອງວັດຊຽງທອງ ກຳລັງມີການຕິດດອກດວງ ປະດັບປະດາ ແຕ່ງອົງຊົງເຄື່ອງ ທີ່ບັນຈຸສີພາຍໄດ້ 55 ຄົນ ທີ່ພ້ອມຈະເອົາລົງນ້ຳຄານໃນວັນທີ່ 01/09/2018 ນີ້ ເພື່ອທົດລອງນ້ຳໂດຍຈະລ່ອງຈາກບ້ານດອນໂມ ( ສະຖານທີ່ສ້າງເຮືອຊ່ວງລຳໃຫມ່ນີ້ ) ລ່ອງໄປທີ່ທ່າວັດຊຽງທອງ ປີນີ້ບຸນຊ່ວງເຮືອເດືອນເກົ້າບຸນເຂົ້າປະດັບດິນ ທີ່ຫລວງພຣະບາງ ມາເບິ່ງກັນວ່າ ເຮືອຊ່ວງລຳໃຫມ່ຂອງວັດຊຽງທອງ ນີ້ຈະໄດ້ເປັນອັນດັບທີ່ເທົ່າໃດ?



ປະຈຸບັນນີ້ເຮືອຊ່ວງຂອງວັດຊຽງທອງ ມີທັງຫມົດ 4 ລຳ ຄື່ : ເຮືອຊ່ວງຊື່ວ່າ ນາງບົວລອຍ, ນາງບົວຄຳ , ທ້າວຄຳອານ ແລະເຮືອຊ່ວງນ້ອງໃຫມ່ລຳນີ້.



ແລະປີນີ້ ເຮືອຊ່ວງຂອງວັດຊຽງທອງ ຈະເອົາຊ່ວງມີແຕ່ 2 ລຳ ຄື : ເຮືອນາງບົວຄຳ ແລະເຮືອນ້ອງໃຫມ່ລຳນີ້

ສ່ວນເຮືອນາງບົວລອຍນັ້ນເປັນເຮືອເກົ່າແກ່ບໍ່ສາມາດລົງນ້ຳໄດ້ແລ້ວ ແລະເຮືອທີ່ຊ່ື່ວ່າທ້າວຄຳອານນັ້ນ ແມ່ນລົງນ້ຳໄດ້ຢູ່ແຕ່ບໍ່ມີສີພາຍມາພາຍ ຈຶ່ງບໍ່ສາມາດລົງໄດ້



ຂອບໃຈຮູບພາບແລະຂ່າວຈາກ : Sitthiphon Khensoulintha

Post a Comment

0 Comments