ບໍລິຈາກເລືອດ 1 ເທື່ອ ເຜົາຜານໄດ້ຕັ້ງ 650 ແຄລໍລີ...

ຂໍ້ດີຂອງການບໍລິຈາກເລືອດທີ່ນອກຈາກຈະໄດ້ບຸນໃຫ້ອີ່ມເອິກອີ່ມໃຈ ແລ້ວຍັງມີປະໂຫຍດກ່ຽວກັບສຸຂະພາບແບບໂດຍກົງ ໂດຍສະເພາະຊ່ວຍເຜົາຜານແຄລໍລີໄດ້ຢ່າງບໍ່ໜ້າເຊື່ອ ດີແບບນີ້ບໍ່ບອກຕໍ່ບໍ່ໄດ້ແລ້ວ.



ການສ້າງບຸນເຮັດກຸສົນທີ່ດີທີ່ສຸດກໍ່ຄືການຊ່ວຍຊີວິດເພື່ອນມະນຸດນຳກັນເອງນີ້ ຊຶ່ງວິທີໜຶ່ງທີ່ເຮັດໄດ້ງ່າຍໆກໍ່ຄືການຮ່ວມບໍລິຈາກເລືອດ ດັ່ງທີ່ເຮົາໄດ້ຍິນຄຳເຊີນຊວນຈາກສູນບໍລິຈາກເລືອດຫລາຍເທື່ອແຕ່ຕ້ອງຍອມຮັບວ່າຄົນສ່ວນຫນຶ່ງບໍ່ກ້າບໍລິຈາກເລືອດເພາະຢ້ານເຂັມຢ້ານຈະເກີດຜົນເສຍກັບຮ່າງກາຍແຕ່ຖ້າໄດ້ອ່ານເລື່ອງນີ້ຈະຮູ້ເລີຍວ່າການເສຍເລືອດເທື່ອນີ້ເຮັດໃຫ້ມີຫຍັງດີໆເກີດຂຶ້ນກັບສຸຂະພາບຫລາຍກວ່າທີ່ຄິດ.

1.ປ້ອງກັນພະຍາດຫົວໃຈ

ໂດຍທົ່ວໄປແລ້ວສາເຫດຂອງພະຍາດຫລອດເລືອດຫົວໃຈນັ້ນກໍ່ມາຈາກເລືອດທີ່ມີຄວາມມືດຜິດປົກກະຕິ ໂດຍມີຜົນມາຈາກການທີ່ໃນເລືອດມີລະດັບທາດເຫລັກສູງຈົນເກີນໄປ ຈົນໄປເກີດການອອກຊິເດຊັນ ແລະ ທຳລາຍຫລອດເລືອດຕ່າງໆໃນຮ່າງກາຍ ແລະ ເຮັດໃຫ້ເກີດອາການຫົວໃຈວາຍໃນທີ່ສຸດ, ການບໍລິຈາກເລືອດຈະຊ່ວຍຫລຸດຄວາມສ່ຽງຫົວໃຈວາຍ ແລະ ພະຍາດຫລອດເລືອດຫົວໃຈໄດ້ເພາະການບໍລິຈາກເລືອດຈະສາມາດຊ່ວຍຫລຸດລະດັບທາດເຫລັກໃນຮ່າງກາຍໃຫ້ຢູ່ໃນລະດັບທີ່ປົກກະຕິໄດ້.



2.ເຜົາຜານແຄລໍລີ

ການບໍລິຈາກເລືອດພຽງເທື່ອດຽວສາມາດເຜົາຜານແຄລໍລີໄດ້ຫລາຍເຖິງ 650 ແຄລໍລີ ຊຶ່ງເປັນຜົນດີີກັບການຄວບຄຸມນ້ຳໜັກເລື່ອງນີ້ ແຕ່ກໍ່ຢ່າຄິດຈະບໍລິຈາກເລືອດເພື່ອຫວັງຫລຸດນ້ຳໜັກເພາະການບໍລິຈາກເລືອດແຕ່ລະເທື່ອຕ້ອງຫ່າງກັນ 2-3 ເດືອນເປັນຢ່າງຕ່ຳ ແຖມຖ້າສຸຂະພາບບໍ່ແຂງແຮງກໍ່ບໍ່ສາມາດບໍລິຈາກເລືອດໄດ້ອີກ.

3.ຫລຸດຄວາມສ່ຽງພະຍາດມະເຮັງ

ປະລິມານທາດເຫລັກໃນຮ່າງກາຍທີ່ສູງເກີນໄປນອກຈາກຈະສົ່ງຜົນໃຫ້ເກີດພະຍາດກ່ຽວກັບລະບົບຫລອດເລືອດຫົວໃຈແລ້ວກໍ່ຍັງເຮັດໃຫ້ເກີດພະຍາດມະເຮັງໄດ້ນໍາອີກເພາະລະດັບທາດເຫລັກທີ່ສູງໃນຮ່າງກາຍຈະເຮັດໃຫ້ສານອະນຸມູນອິດສະຫລະເພີ່ມຫລາຍຂຶ້ນ ສົ່ງຜົນໃຫ້ຈຸລັງໃນຮ່າງກາຍແປສະພາບກາຍເປັນຈຸລັງມະເຮັງນັ້ນເອງ ການບໍລິຈາກເລືອດຈະຊ່ວຍຫລຸດປະລິມານທາດເຫລັກໃນເລືອດໃຫ້ຢູ່ໃນລະດັບທີ່ປົກກະຕິ ແລະ ເຮັດໃຫ້ຄວາມສ່ຽງຫລຸດລົງ.



ການບໍລິຈາກເລືອດນອກຈາກຈະເປັນການເຮັດບຸນທີ່ດີແລ້ວ ກໍ່ຍັງມີປະໂຫຍດກັບສຸຂະພາບຫລາຍເຖິງພຽງນີ້ໄດ້ ປະໂຫຍດດີໆ 2 ຕໍ່ແບບນີ້ເຮັດໃຈໃຫ້ສະບາຍໆແລ້ວໄປບໍລິຈາກຕໍ່ຊີວິດເພື່ອນມະນຸດນຳກັນ ແຕ່ກໍ່ຢ່າລືມວ່າກ່ອນບໍລິຈາກເລືອດຄວນສັງເກດຕົນເອງນໍາວ່າພ້ອມຫລືບໍ່ ເພາະຖ້າຮ່າງກາຍຂອງເຮົາບໍ່ພ້ອມແລ້ວຍັງໄປບໍລິຈາກເລືອດອາດເກີດຜົນເສຍກັບຮ່າງກາຍໄດ້ຄືກັນ.

Post a Comment

0 Comments