ຮ້ານເຂົ້າປຽກນາງຕີບ ໜ້າວັດທາດ ໂດງດັງທີ່ສຸດ ທີ່ ນະຄອນ ຫລວງພຣະບາງ ແຕ່ປີ 1990



ມື້ນີ້ ທີມຊ່າງພາບ ທີ່ໄປທ່ຽວ ນະຄອນ ຫລວງພຣະບາງ ໄດ້ມີໂອກາດ ໂອ້ລົມ ສອບຖາມກັບ ທາງຄອບຄົວ ເຈົ້າຂອງຮ້ານເຂົ້າປຽກ ນາງຕີບ ວັດທາດ ທີ່ໄດ້ກາຍເປັນ ອາຫານ ທີ່ຕ້ອງໄດ້ມາກິນຢູ່ນະຄອນ ຫລວງພຣະບາງ.



ທ່ານອາດວ່າ ເຂົ້າປຽກຊື້ກິນຢູ່ໃສກະໄດ້, ແນ່ນອນ ຮ້ານນີ້ມີອັນພິເສດກວ່າຮ້ານອື່ນໆ ຈິ່ງສາມາດເຮັດໃຫ້ມີຊືສຽງຈົນຮອດມື້ນີ້.

ເພິ່ນບອກວ່າເບື້ອງຕົ້ນໃນປີ 1988 ແມ່ນ ຂາຍເຂົ້າປຸ້ນ, ຂາຍດີຢູ່ ແຕ່ກະບໍ່ປານໃດ ຈົນມາຮອດປີ 1990 ຈິ່ງມາຂາຍເຂົ້າປຽກ 1990 ຈົນຮອດປະຈຸບັນ.



ສູດສໍາເລັດ ທີ່ສໍາຄັນຄືການຮັກສາວິທີການປຸງແຕ່ງ ເຂົ້າປຽກ ແບບໃຊ້ດົ້ນຟືນດັງໄຟຕົ້ມ ເຂົ້າປຽກ ທີ່ຈະໄດ້ລົດຊາດ ແລະ ກິ່ນທີ່ພິເສດ.

ແຕ່ລະວັນບໍ່ວ່າລູກຄ້າຄົນລາວ ແລະ ນັກທ່ອງທ່ຽວຕ່າງປະເທດ ແມ່ນມາອຸດໜູນຢ່າງຄັບຄາໜາແໜ້ນ.

ທ່ານໃດໄປນະຄອນ ຫລວງພຣະບາງ ຕ້ອງບໍ່ພາດເດີ! ຢ່າລືມກິນກັບເຂົ້າໂຄບເດີ!

ພາບແລະເລື່ອງໂດຍ: Houmphet Manisouk

Post a Comment

0 Comments