ນັບຖອຍຫຼັງເຂົ້າສູ່ງານແຂ່ງຂັນ ຊ່ວງເຮືອປະຈຳປີ 2018 ທີ່ນະຄອນຫຼວງພຣະບາງ

ບຸນເດືອນເກົ້າ ຫໍ່ເຂົ້າປະດັບດິນ: ນັບຖອຍຫຼັງເຂົ້າສູ່ງານແຂ່ງຂັນ ຊ່ວງເຮືອປະຈຳປີ 2018 ທີ່ນະຄອນຫຼວງພຣະບາງ

ຫຼວງພະບາງຊື່ນີ້.....ລືຊ່າມານານ
ຫຼວງພະບາງ ຄົນຂານໄຂ.....ກ່າວຍໍນິຍົມຍ້ອງ
ຫຼວງພະບາງ ລືໄກກ້ອງ......ປະເພນີເດີມເກົ່າ
ຮີດ 12 ຄອງ 14 ບໍ່ເສື່ອມເສົ້າ.....ປະຊາເຊື້ອຮັກສາ ນັ້ນນາ



ວັດທະນະທຳເອກອ້າງ.......ເຮືອງຮຸ່ງຕະການຕາ
ປວງປະຊາຫວງແຫນ.....ຮີດຄອງຄາວກີ້
ສາມັກຄີເສີມສ້າງ.....ງານບຸນປາງປູ່
ບໍ່ໃຫ້ດູຕ່ຳຕ້ອຍ.....ສູນສິ້ນຫ່າງຫາຍ ແທ້ໃດ



ຫຼວງພະບາງ ອະນຸລັກໄວ້.....ບຸນໃຫຍ່ປະຈຳປີ
ຊ່ວງເຮືອປະເພນີລາວ......ມ່ວນມັນເຫຼືອລົ້ນ
ບາງຄົນຊຸມແຊວເອີ້ນ......ວາຈາຂານສົ່ງ
ບາງຜ່ອງລົງລ່ອງນ້ຳ......ຍໍຍີ້ມໃສ່ກັນ ມ່ວນເດ


ບຸນຊ່ວງເຮືອແມ່ນມື້.....ແຮມ14 ຄໍ່າເດືອນກັນຍາ
ວັນທີ ປວງປະຊາລາວ.....ຫໍ່ເຂົ້າປະດັບດິນນັ້ນ
ອັນວ່າ ຊາວຫຼວງພະບາງຂ້ອຍ.....ໂຮມເຮືອລົງທ່າ
ເຊີນທ່ານມາຮ່ວມເຕົ້າ......ສອງເບື້ອງຍື່ງຄານ ພີ້ນາ


ເຊີນເນີ ພົງພີ່ນ້ອງ.....ໃນທົ່ວແດນລາວ
ຊົມແຂ່ງຂັນເຮືອຍາວ.....ຢູ່ຫຼວງພະບາງພີ້
ນັກສີພາຍຫັນຫ້າວ......ສຸມກຳລັງເຕັມທີ່
ມີຄວາມຫວັງຄືຍາດໄດ້.....ຂັນໄຊນັ້ນຢູ່ມື ແທ້ນາ


ມາເຍີ ມາໂຮ່ຮ້ອງ.......ເຊຍຊ່ວງເຮືອຍາວ
ມາໝາຍຕາເອົາສາວ.......ເຂດດິນແດນນີ້
ໂລະລາດມວນຊົນ ກໍມີພ້ອມ......ເຊີນເດີເຊີນເລາະທ່ຽວ
ມາກ້ຽວສາວຕ່າງບ້ານ......ເປັນໃພ້ແມ່ພີ່ຊາຍ ແດ່ນາ



1 ກັນຍາ 2018
ສາວຄູ ວັງຄົກລິ່ນ
ພາບຈາກເພສ ສື່ມວນຊົນແຂວງຫຼວງພະບາງ ແລະ

ທ່ານ ຫຸມເພັດ ມະນີສຸກ





















Post a Comment

0 Comments