ໄຂຂໍ້ຂ້ອງໃຈ...!! ແມ່ຍີງຖືພາ ກີນນຳ້ເຕົ້າຫູ້ທຸກມື້ ລູກເກີດມາຈະຂາວ ຫຼື ບໍ? ກີນຫຼາຍຈະເປັນອັນຕະລາຍບໍ?

ມີຄວາມເຊື່ອທີ່ບອກຕໍ່ໆກັນມາວ່າ ການກີນອີຫຍັງທີ່ຂາວໆ ໂດຍສະເພາະນຳ້ເຕົ້າຫູ້ ກໍ່ຈະເຮັດໃຫ້ລູກໃນທ້ອງເກີດອອກມາມີຜີວຂາວ ນອກຈາກນັ້ນແລ້ວ ແມ່ຫຼາຍທ່ານຍັງຄິດວ່າ ນຳ້ເຕົ້າຫູ້ມີປະໂຫຍດ ຈີ່ງດື່ມນຳ້ເຕົ້າຫູ້ທຸກໆມື້ເຮົາມາເບີ່ງຄຳຕອບນຳກັນວ່າ ຄົນຖືພາກີນນຳ້ເຕົ້າຫູ້ທຸກມື້ ລູກເກີດອອກມາຈະຂາວບໍ? ກີນຫຼາຍຈະເປັນອັນຕະລາຍບໍ?



ນຳ້ເຕົ້າຫູ້ ເຮັດມາຈາກຖົ່ວເຫຼືອງ ເຊີ່ງເປັນຖົ່ວເມັດແຫ້ງທີ່ມີໂປຣຕີນສູງ, ມີໄຂມັນຄຸນນະພາບດີ ແລະ ມີກົດອະມິໂນໃນປະລິມານທີ່ສົມດຸນຫຼາຍກວ່າຖົ່ວຊະນິດອື່ນ ນອກຈາກນັ້ນຍັງມີກົດໄຂມັນບໍ່ອື່ມໂຕ ລວມໄປເຖີງສານອາຫານທີ່ຫຼາກຫຼາຍ ບໍ່ວ່າຈະເປັນ ຄາໂບໄຮເດດ, ແຄຣຊ່ຽມ, ຟໍຟອສ, ວີຕາມີນ ເອ, ບີ1, ບີ2, ບີ6, ບີ12, ໄນອາຊິນ ແລະ ເລຊິທິນ.

ປະໂຫຍດຂອງນຳ້ເຕົ້າຫູ້: ໃນນຳ້ເຕົ້າຫູ້ ມີສານຊະນິດໜື່ງທີ່ມີຊື່ວ່າ: ໄຟໂຕເອສໂຕຣເຈນ (Phytoestrogen) ທີ່ມີຢູ່ໃນນຳ້ເຕົ້າຫູ້ ເຊີ່ງເປັນສານທີ່ຊ່ວຍປ້ອງກັນມະເຮັງເຕົ້ານົມ ດັ່ງນັ້ນ ການດື່ມນຳ້ເຕົ້າຫູ້ເປັນປະຈຳ ຈີ່ງສາມາດຫຼຸດການເກີດມະເຮັງເຕົ້ານົມໃນຜູ້ຍີງໄດ້ ອີກທັງຊ່ວຍປ້ອງກັນພະຍາດກະດູກຜຸຍໄດ້ດ້ວຍ.



ປະໂຫຍດອີກຢ່າງຂອງນຳ້ເຕົ້າຫູ້ກໍ່ຄື ຊ່ວຍເບີ່ງແຍງເນື້ອເຍື້ອຮ່າງກາຍໃຫ້ເປັນປົກກະຕິ ເຮັດໃຫ້ຜີວພັນສົດໃສເປັ່ງປັ້ງ ແລະ ສານສຳຄັນຢ່າງ “ເລຊິທິນ” ທີ່ມີຢູ່ໃນຖົ່ວເຫຼືອງ ຍັງຊ່ວຍບໍາລຸງສະໝອງ ເພີ່ມຄວາມຈຳ ແລະ ຍັງຊ່ວຍຫຼຸດໄຂມັນໃນຮ່າງກາຍໄດ້ອີກດ້ວຍ.

ຄົນຖືພາກີນນຳ້ເຕົ້າຫູ້ທຸກມື້ລູກເກີດມາຈະຂາວບໍ?

ກະແມ່ນຢູ່ວ່າ ການດື່ມນຳ້ເຕົ້າຫູ້ນັ້ນ ຈະຊ່ວຍໃຫ້ຜີວພັນເປັ່ງປັ້ງສົດໃສ ແຕ່ສຳຫຼັບເລື່ອງສີຜີວຂອງເດັກນັ້ນເປັນເລື່ອງຂອງກຳມະພັນ ພຽງແຕ່ນຳ້ເຕົ້າຫູ້ ຫຼື ອາຫານທີ່ເຊື່ອວ່າຈະຊ່ວຍໃຫ້ເດັກຜີວຂາວນັ້ນ ແທ້ໆແລ້ວເປັນພຽງການຊ່ວຍບຳລຸງຜີວພັນໃຫ້ລຽບນຽນ, ສົດໃສ, ເປັ່ງປັ້ງເທົ່ານັ້ນເອງ.



ເລື່ອງທີ່ຕ້ອງລະວັງ ເມື່ອດື່ມນຳ້ເຕົ້າຫູ້ຕອນຖືພາຫຼາຍເກີນໄປ

ການດື່ມນຳ້ເຕົ້າຫູ້ຕອນຖືພານັ້ນ... ຄວນດື່ມໃນປະລິມານທີ່ພໍເໝາະ ບໍ່ແມ່ນດື່ມຫຼາຍເກີນໄປ ເພາະຄິດວ່າຈະມີປະໂຫຍດກັບລູກນ້ອຍ, ແຕ່ຜົນອອກມາອາດຈະກົງກັນຂ້າມ ເພາະອາດໄປກະຕຸ້ນໃຫ້ລູກເກີດມາແພ້ຖົ່ວເຫຼືອງໄດ້ ນອກຈາກນັ້ນແລ້ວ ແມ່ຖືພາຍັງຕ້ອງລະວັງເລື່ອງຄວາມຫວານນຳ ເນື່ອງຈາກໃນນຳ້ເຕົ້າຫູ້ທີ່ຂາຍກັນຢູ່ຕາມຮ້ານທົ່ວໄປນັ້ນຄົນຂາຍອາດຈະໃສ່ນຳ້ຕານຈຳນວນຫຼາຍ, ເຊີ່ງຫາກແມ່ຖືພາດື່ມນຳ້ເຕົ້າຫູ້ທີ່ປະສົມນຳ້ຕານຫຼາຍໆ ກໍ່ອາດຈະເຮັດໃຫ້ເກີດພະຍາດເບົາຫວານ ຫຼື ຄວາມດັນເລືອດສູງໄດ້.

ຄົນຖືພາຄວນດື່ມນຳ້ເຕົ້າຫູ້ປະລິມານເທົ່າໃດຈື່ງຈະພໍດີ?



ປະລິມານນຳ້ເຕົ້າທີ່ແມ່ຖືພາດື່ມນັ້ນ ບໍ່ຄວນເກີນ 30 ກຼາມ ຫຼື ປະມານ 1 ຈອກ/ມື້, ເພາະຫາກດື່ມຫຼາຍເກີນໄປ ອາດເຮັດໃຫ້ເກີດໂທດຕໍ່ຮ່າງກາຍແທນ, ການດື່ມໃນປະລິມານທີ່ເໝາະສົມຈະຊ່ວຍໃຫ້ຮ່າງກາຍໄດ້ຮັບປະໂຫຍດຈາກນຳ້ເຕົ້າຫູ້ຢ່າງເຕັມທີ່.

ທີ່ມາ: www.theasianparent.com

Post a Comment

0 Comments