ສຸດຍອດອາຫານຕ້ານພະຍາດຫົວໃຈ...

ພະຍາດຫົວໃຈ ເປັນອີກພະຍາດໜຶ່ງທີ່ມີຄວາມສຳພັນກັບເລື່ອງອາຫານການກິນຂ້ອນຂ້າງຫລາຍ ຖ້າໃນແຕ່ລະມື້ປະກອບດ້ວຍອາຫານຈາກ 8 ກຸ່ມຕໍ່ໄປນີ້ກໍ່ຈະເປັນການຊ່ວຍປ້ອງກັນພະຍາດຫົວໃຈໄດ້ອີກທາງໜຶ່ງ.



1. ປາທະເລ ຫລື ປານ້ຳຈືດທີ່ມີໄຂມັນ (Oily Fish) ເຊັ່ນ: ປາທູນ້າ, ປາແຊວມອນ, ປາຄໍ່, ປາດຸກ ຈະມີກົດໄຂມັນໂອເມກ້າ3 (EPA ແລະ DHA) ຢູ່ຫລາຍຊ່ວຍຫລຸດລະດັບຄໍເລດເຕີລໍ, ເພີ່ມຄວາມປັບໂຕໃຫ້ກັບຫລອດເລືອດເຮັດໃຫ້ການໄຫລວຽນຂອງເລືອດດີຂຶ້ນ ແລະ ຫລຸດຄວາມສ່ຽງຈາກການອຸດຕັນຂອງຫລອດເລືອດ.

2. ໃຊ້ນ້ຳມັນພືດທີ່ມີກົດໄຂມັນບໍ່ອີ່ມໂຕຕຳແໜ່ງດຽວສູງເຊັ່ນ: ນ້ຳມັນໝາກກອກ, ນ້ຳມັນລຳເຂົ້າປະກອບອາຫານແທນນ້ຳມັນພືດທີ່ມີກົດໄຂມັນອີ່ມໂຕສູງ ກໍ່ຄືນ້ຳມັນໝາກພ້າວ, ນ້ຳມັນປາມ, ກໍ່ຈະຊ່ວຍຫລຸດຄໍເລດເຕີລໍໂຕຮ້າຍ (LDL-C) ລົງໄດ້ໂດຍທີ່ບໍ່ຫລຸດຄໍເລດເຕີລໍໂຕດີ (HDL-C).



3. ຜັກ, ຫມາກໄມ້ຫລາຍສີ ຈະໃຫ້ສານຕ້ານອານຸມູນອິດສະຫລະຈຳນວນຫລາຍຊ່ວຍປ້ອງກັນການເກີດອອກຊິເດຊັນຂອງ LDL-C ທີ່ຈະເຮັດໃຫ້ຝາຫລອດເລືອດໜາໂຕຂຶ້ນຈົນເປັນສາເຫດຂອງຫລອດເລືອດຫົວໃຈຕີບໄດ້.

4. ໄຟເບີລທີ່ໄດ້ຈາກທັນຍະພືດທີ່ບໍ່ຂັດສີເຊັ່ນ: ເຂົ້າກ້ອງ, ເຂົ້າໂອ໊ດ, ເຂົ້າວີດລວມທັງຊີລຽວຈາກທັນຍະພືດຕ່າງໆ ແລະ ເຂົ້າໜົມປັງໂຮນວີດ ຈະຊ່ວຍໃຫ້ຫົວໃຈແຂງແຮງ ແລະ ປ້ອງກັນຄວາມສ່ຽງຈາກພະຍາດຫົວໃຈວາຍໄດ້ຫລາຍກວ່າໄຟເບີລຈາກຜັກ ແລະ ໝາກໄມ້.

5. ຖົ່ວເມັດແຫ້ງເຊັ່ນ: ຖົ່ວດິນ, ອັນມອນ ນອກຈາກມີກົດໄຂມັນບໍ່ອີ່ມໂຕຕຳແໜ່ງດຽວຂ້ອນຂ້າງສູງທີ່ຊ່ວຍຫລຸດ LDL-C ແລ້ວຍັງກົດອະມິໂນອາຈິນີນສູງ ຊຶ່ງຊ່ວຍເສີມສ້າງການເຮັດວຽກງານຂອງຫລອດເລືອດ ແລະ ຊ່ວຍຫລຸດຄວາມດັນເລືອດ.



6. ວິຕາມິນອີຈາກອາຫານທຳມະຊາດ ຈະເຮັດຫນ້າທີ່ຕ້ານອານຸມູນອິດສະຫລະໄດ້ດີກວ່າວິຕາມິອີໃນຮູບອາຫານເສີມ, ຊ່ວຍປ້ອງກັນການເກີດອອກຊິເດຊັນຂອງ LDL-C ຈຶ່ງຊ່ວຍຫລຸດຄວາມສ່ຽງຂອງການອຸດຕັນໃນຝາຫລອດເລືອດແດງ ອາຫານທີ່ອຸດົມໄປດ້ວຍວິຕາມິນອີໄດ້ແກ່ອາໂວຄາໂດ, ຜັກສີຂຽວແກ່, ທັນຍະພືດບໍ່ຂັດສີ ແລະ ນ້ຳມັນພືດ ໂດຍສະເພາະນ້ຳມັນລຳເຂົ້າມີວິຕາມິນອີເຖິງ 2 ກຸ່ມຄື: ໂທໂຄຟີລອນ ແລະ ໂທໂຄໄຕອີນ

7. ສະໝຸນໄພ ແລ ະເຄື່ອງເທດເຊັ່ນ: ກະທຽມສົດຈະມີສານອັນລິຊິນຊ່ວຍຫລຸດລະດັບຄໍເລດເຕີລໍໃນເລືອດ ແລະ ສານແຄບໄຊຊິນໃນໝາກເຜັດ ຈະຊ່ວຍຫລຸດການເກາະໂຕຂອງລິ່ມເລືອດ ແລະ ເພີ່ມການລະລາຍລິ່ມເລືອດຊຶ່ງເປັນສາເຫດສຳຄັນທີ່ເຮັດໃຫ້ເກີດພາວະຫົວໃຈວາຍ.



8. ອາຫານທີ່ມີ Plant Sterols ຫລື Phytosterols ສູງໄດ້ແກ່ທັນຍະພືດ ແລະ ຖົ່ວຕ່າງໆເຊັ່ນ: ງາ, ດັງເຂົ້າ, ແກ່ນຕາເວັນ, ຖົ່ວພິດຕາຊິໂອ ລວມທັງນ້ຳມັນພືດບາງຊະນິດເຊັ່ນ ນ້ຳມັນລຳເຂົ້າປະລິມານພຽງ 1 ບ່ວງຈະມີ Phytosterols ສູງເຖິງ 250 ມິລິກຣາມຊຶ່ງ Phytosterols ຈະຊ່ວຍຫລຸດການດູດຊຶມຄໍເລດເຕີລໍໃນລຳໄສ້ນ້ອຍ ເຮັດໃຫ້ລະດັບຄໍເລດເຕີລໍລວມແລະ LDL-C ຫລຸດລົງ.

Post a Comment

0 Comments