ໃບເຕີຍມີດີທີ່ບໍ່ແມ່ນພຽງແຕ່ກິ່ນຫອມ...

ສັບພະຄຸນສຸດແສນຈະໜ້າອັດສະຈັນຂອງເຕີຍຫອມ ນອກຈາກຈະນຳ ”ໃບ” ມາໃຊ້ປະສົມອາຫານແຕ່ງກິ່ນໃຫ້ສີຂຽວແລ້ວຜົນການສຶກສາລິດທາງເພສັດວິທະຍາຍັງພົບວ່າ “ເຕີຍຫອມ” ມີລິດທາງຢານຳອີກດັ່ງນີ້:



- ໃບ: ໃຊ້ເປັນຢາບຳລຸງຫົວໃຈ ເພາະໃບເຕີຍມີລິດລຸດອັດຕາການເຕັ້ນຂອງຫົວໃຈ ຈຶ່ງຊ່ວຍບຳລຸງຫົວໃຈໄດ້ຢ່າງດີ ວິທີກິນຄື: ໃຊ້ໃບສົດປະສົມໃນອາຫານແລ້ວກິນຫລືນຳໃບສົດມາຄັ້ນນ້ຳກິນເທື່ອລະ 2-4 ບ່ວງ ຊ່ວຍແກ້ການຢາກນໍ້າເນື່ອງຈາກໃບເຕີຍມີກິ່ນຫອມເຢັນຖ້ານຳມາປະສົມນ້ຳກິນ ຈະຊ່ວຍດັບຜ່ອນຄາຍຄວາມຮ້ອນ, ກິນແລ້ວຮູ້ສຶກຊື່ນໃຈ ແລະ ຊຸ່ມຄໍໄດ້ເປັນຢ່າງດີວິທີກິນຄື ນຳໃບເຕີຍສົດມາລ້າງໃຫ້ສະອາດນຳມາຕຳຫລືປັ່ນໃຫ້ລະອຽດແລ້ວຕື່ມນ້ຳໜ້ອຍໜຶ່ງຄັ້ນເອົາແຕ່ນ້ຳດື່ມ, ປິ່ນປົວພະຍາດຫັດຫລືພະຍາດຜິວໜັງໂດຍນຳໃບເຕີຍມາຕຳແລ້ວມາທາເທິງຜິວ.



- ຮາກ ແລະ ລຳຕົ້ນ: ໃຊ້ປິ່ນປົວພະຍາດເບົາຫວານ ເພາະຮາກ ແລະ ລຳຕົ້ນຂອງເຕີຍຫອມນັ້ນມີລິດຫລຸດລະດັບນ້ຳຕານໃນເລືອດ ວິທີກິນກໍ່ຄື ໃຊ້ຮາກ 1 ກຳມື ນຳໄປຕົ້ມເປັນນ້ຳດື່ມທຸກເຊົ້າ-ແລງ ໃຊ້ເປັນຢາຂັບຍ່ຽວໂດຍການນຳຕົ້ນເຕີຍຫອມ 1 ຕົ້ນຫລືຮາກເຄິ່ງກຳມືໄປຕົ້ມກັບນ້ຳດື່ມ.



ນອກຈາກນີ້ເຕີຍຫອມຍັງຊ່ວຍແກ້ອ່ອນເພຍດັບພິດໄຂ້ ແລະ ຊູກຳລັງໄດ້ນຳອີກ ເຫັນສັບພະຄຸນຫລວງຫລາຍຂະໜາດນີ້ແລ້ວຕ້ອງບອກວ່າບໍ່ທຳມະດາແທ້ໆສຳລັບພືດສີຂຽວໃບຍາວຊະນິດນີ້.

Post a Comment

0 Comments