ຄໍາກ່ຽວກັບແຟນເກົ່າທີ່ແຟນໃຫມ່ບໍ່ຢາກໄດ້ຍິນ...

ການປຽບທຽບໃສ່ແຟນເກົ່າທີ່ສາວໆ ມັກຈະເອົາມາເປັນປະເດັ່ນຕົ້ນໆ ທີ່ເຮັດໃຫ້ເກີດການຜິດຖຽງລະຫວ່າງຄົນສອງຄົນເຊິ່ງມາຈາກການຫຶງຫວງ ແລະ ມີບັນຫາຕາມມາພາຍຫຼັງ ເພາະພວກເຂົາມັກເກີດອາການນ້ອຍໃຈ ແລະ ເສຍໃຈທີ່ໂຕເອງຖືກເອົາໄປປຽບທຽບກັບແຟນເກົ່າຂອງເຂົາແມ່ນວ່າບາງເທື່ອໜຸ່ມໆອາດຈະເຜີຫຼຸດປາກອອກໄປໂດຍບໍ່ໄດ້ຕັ້ງໃຈກໍ່ຕາມແຕ່ສາວໆກໍ່ຄົງບໍ່ລືມສິ່ງທີ່ເຮົາເວົ້າອອກມາເລີຍ.



ເຂົາເປັນຄົນທີ່ງາມຫຼາຍ: ຖ້າວ່າຄົນໃດໄດ້ເວົ້າຄຳນີ້ອອກມາແລ້ວ ນອກຈາກຈະເຮັດໃຫ້ແຟນຂອງເຮົາຄິດຫຼາຍ ແລະ ແຖມຍັງເສຍໃຈ ໄປໃນເວລາດຽວກັນ ຍັງຈະເຮັດໃຫ້ເຂົາຮູ້ສຶກບໍ່ມີຄວາມໝັ້ນໃຈໃນໂຕເອງເລີຍ ເພາະວ່າເຂົາຈະເລີ່ມກັງວົນວ່າຄວາມງາມຂອງເຂົານັ້ນ ຈະໄປສູ້ກັບແຟນເກົ່າໄດ້ຫຼືບໍ່.

ເຮົາສອງຄົນກໍ່ຕ່າງມີເວລາໃຫ້ກັນ: ການເລົ່າເລື່ອງປະສົບການທີ່ຜ່ານມາ ຫຼື ກິດຈະກຳ ວັນພັກກັບແຟນເກົ່າຂອງໜຸ່ມໆນັ້ນ ຈະເຮັດໃຫ້ແຟນຂອງຕົນ ຄິດວ່າເຂົາຍັງບໍ່ສາມາດລືມ ແລະ ຍັງຄົງຈື່ເລື່ອງລາວຕ່າງໆ ທີ່ເຂົາໄດ້ກະທຳຮ່ວມກັນໄດ້ເປັນຢ່າງດີ ເພາະຜູ້ຍິງສ່ວນໃຫຍ່ຈະມີຄວາມໝັ້ນໃຈວ່າໄລຍະເວລາທີ່ທ່ານຢູ່ກັບເຂົານັ້ນ ຈະຕ້ອງເປັນໄລຍະເວລາທີ່ພິເສດທີ່ສຸດຂອງເຂົາ.



ການທີ່ເລີກກັບແຟນເກົ່າມັນເຮັດໃຫ້ເຂົາເຈັບຫຼາຍ: ການທີ່ສະແດງອາການ ໃຫ້ແຟນຮູ້ວ່າເຮົາຍັງຮູ້ສຶກເຈັບປວດກັບມັນຢູ່ ຈົນເກືອບຈະບໍ່ຢາກມີໃຜອີກ ຕອນທີ່ເລີກກັບແຟນເກົ່າ ກໍ່ເທົ່າກັບເປັນການສ້າງຂໍ້ສົງໄສ ໃຫ້ກັບເຂົາວ່າຄວາມຈິງແລ້ວເຮົານັ້ນ ສາມາດລືມເຂົາໄດ້ ຫຼື ຍັງ ແລະ ເຮົານັ້ນສາມາດມີຄວາມຈິງຈັງກັບຄົນປັດຈຸບັນ ນີ້ໄດ້ ຫຼື ບໍ່? ມັນຈະເຮັດໃຫ້ເຂົາບໍ່ໝັ້ນໃຈ ໃນຄວາມຮັກຂອງເຮົາ.

ຄອບຄົວຕ່າງກໍ່ຮັກແຟນເກົ່າ: ຄວາມກັງວົນໃຈຂອງແຟນສາວໃນເລື່ອງຂອງຄວາມຮູ້ສຶກ ແລະ ຄິດເຫັນຂອງ ພໍ່ ແມ່ ທີ່ມີຕໍ່ເຂົາຄົນນັ້ນມີຂ້ອນຂ້າງສູງຢູ່ ແລ້ວເພາະສະນັ້ນການທີ່ໜຸ່ມໆ ເວົ້າຫຍັງອອກໄປວ່າຄອບຄົວຂອງເຮົາຮັກແຟນເກົ່າຫຼາຍນັ້ນມັນກໍ່ເທົ່າກັບວ່າຜູ້ຊາຍຄົນນັ້ນມັນແຮງກົດດັນຄວາມຮູ້ສຶກຂອງເຮົາອີກຕໍ່ໄປ.



ລອງເອົາວິທີທີ່ແຟນເກົ່າຂອງເຂົາໄປໃຊ້ແມະ: ເຖິງວ່າໜຸ່ມໆ ຄົນໃດເວົ້າອອກມານັ້ນຈະເວົ້າດ້ວຍຄວາມປາດຖະໜາດີ ຫຼື ບໍ່? ກໍ່ຕາມ ແຕ່ເຊື່ອໄດ້ເລີຍວ່າຜົນຮັບທີ່ອອກມານັ້ນ ຈະບໍ່ແມ່ນສິ່ງທີ່ດີຢ່າງແນ່ນອນ ເພາະໃນສາຍຕາຂອງແຟນໃໝ່ ແຟນເກົ່າຂອງເຂົານັ້ນ ມີຖານະເທົ່າກັບຄູ່ແຂ່ງ ທີ່ສຳຄັນອີກຄົນໜຶ່ງເຖິງວ່າຜູ້ຊາຍເຂົາຈະບໍ່ຄິດແບບນັ້ນກໍ່ຕາມແຕ່ຜູ້ຍິງຄິດ.

ສໍາລັບໜຸ່ມເອງກໍ່ຄົງຈະບໍ່ຢາກໄດ້ຍິນຄືກັນແມ່ນບໍເມື່ອເວົ້າເຖິງແຟນເກົ່າຍາມໃດກໍ່ຕ້ອງມີປາກສຽງກັນຍາມນັ້ນ, ຖ້າເປັນແບບນັ້ນຜູ້ຊາຍກໍ່ຄວນຈະໃຫ້ກຽດແຟນຂອງຕົນເອງເອົາໃຈເຂົາມາໃສ່ໃຈເຮົາແນ່ກໍ່ດີຄິດກ່ອນທີ່ຈະເວົ້າສິ່ງໃດອອກຈາກປາກບໍ່ແມ່ນເວົ້າແລ້ວໆ ກັບມານັ່ງຄິດແລ້ວກໍ່ມາຂໍໂທດພຽງຄຳໆດຽວ ມັນກໍເຮັດໃຫ້ຄົນຮັກຜິດຫວັງໃນໂຕເຈົ້າແລ້ວ, ທາງທີ່ດີຖ້າວ່າໂຕເອງ ຍັງບໍ່ລືມຮັກຄັ້ງເກົ່າບໍ່ຄວນໄປຮັກໃຜ ແລະ ການທີ່ທ່ານຄິດຈະຕັດສິນໃຈໄປຮັກໃຜແລ້ວກໍຄວນລືມເຂົາຄົນນັ້ນໃຫ້ໄດ້ເສຍກ່ອນ.



ສະນັ້ນ, ຖ້າທ່ານຄິດຈະເອົາຄົນນີ້ມາຄົບເພື່ອໃຫ້ລືມຄົນນັ້ນ ທ່ານຄິດຜິດ ແລະ ກໍທຳຮ້າຍເຂົາດ້ວຍທາງອ້ອມ ແລະ ໃຜທີ່ຈະເປັນຄົນເສຍໃຈພາຍຫຼັງ ກໍ່ເປັນໃຜບໍ່ໄດ້ນອກຈາກໂຕຂອງທ່ານເອງ.

Post a Comment

0 Comments