ວິທີລະງັບຄວາມຮ້າຍດັບອາລົມຮ້ອນໄດ້ ພຽງແຕ່ຕ້ອງເຮັດຕາມນີ້...

ເວລາຮ້າຍເຮັດຈັ່ງໃດດີບັນຫາທີ່ຄິດບໍ່ຕົກລອງມາເບິ່ງວິທີກຳຈັດຄວາມຮ້າຍ, ດັບອາລົມຮ້ອນ, ຄວບຄຸມຄວາມຮ້າຍໃຫ້ຢູ່ດ້ວຍວິທີເຫລົ່ານີ້.



ຄວາມຮ້າຍອາລົມໃນແງ່ລົບທີ່ສົ່ງຜົນເສຍທັງຕໍ່ຮ່າງກາຍ ແລະ ຈິດໃຈທີ່ຫລາຍຄົນຕ້ອງເຄີຍພົບພໍ້ຊຶ່ງຖ້າເຮົາບໍ່ສາມາດຄວບຄຸມຄວາມຮ້າຍໄດ້ແຕ່ຈະມີຜົນຮ້າຍນໍາມາ ແລະ ຖ້າຍິ່ງປ່ອຍໃຫ້ຄວາມຮ້າຍນັ້ນຢູ່ກັບເຮົາດົນໆກໍ່ອາດຈະກາຍເປັນນິໄສທີ່ໃຜພົບກໍ່ບໍ່ຢາກຢ່າງເຂົ້າໃກ້ ຖ້າບໍ່ຢາກໃຫ້ຊີວິດພັງຕ້ອງມາເບິ່ງວິທີລະງັບຄວາມຮ້າຍທີ່ເລີ່ມຕົ້ນໄດ້ດ້ວຍໂຕເຮົາເອງ ພຽງແຕ່ໃຈເຢັນລົງເທົ່ານັ້ນຮັບຮອງວ່າທຸກຢ່າງດີຂຶ້ນແນ່ນອນ.

1.ຄວບຄຸມລົມຫາຍໃຈ

ເມື່ອໃດທີ່ເຮົາກຳລັງເລີ່ມຮູ້ສຶກຮ້າຍກ່ອນທີ່ຈະປ່ອຍໃຫ້ໂຕເອງຂາດສະຕິຈົນສະແດງອາລົມດ້ານຮ້າຍໆອອກມາລອງຢຸດຢູ່ຊື່ໆແລ້ວຫາຍໃຈເຂົ້າອອກເລິກໆຄວບຄຸມລົມຫາຍໃຈໃຫ້ເຂົ້າອອກຊ້າໆຢ່າງສະຫມ່ຳສະເໝີພ້ອມກັບນັບ 1-10 ຊ້າໆ ຈະຊ່ວຍເຮັດໃຫ້ໃຈເຢັນລົງໄດ້ຫລືຖ້າຈະໃຫ້ດີລອງເຮັດສະມາທິ.



2.ຢຸດເພື່ອໃຫ້ເວລາກັບໂຕເອງ

ເວລາທີ່ເຮົາຮ້າຍສິ່ງທີ່ຄວນຈະເຮັດຄືການຢຸດພັກໄລຍະໜຶ່ງເພື່ອເຮົາມີເວລາຢູ່ກັບໂຕເອງ ແລະ ເຮັດໃຫ້ໂຕເອງໄດ້ສະຫງົບສະຕິອາລົມລົງຫລືຖ້າໃຜກຳລັງຢູ່ທ່າມກາງຕົ້ນເຫດທີ່ເຮັດໃຫ້ເຮົາຮູ້ສຶກຮ້າຍ ພຽງແຕ່ຍ່າງອອກມາຢູ່ຄົນດຽວໄລຍະໜຶ່ງຈົນເລີ່ມໃຈເຢັນແລ້ວຈຶ່ງຄ່ອຍກັບເຂົ້າໄປປະເຊີນໜ້າໃໝ່ອີກເທື່ອໜຶ່ງແບບນີ້ຈະຊ່ວຍເຮັດໃຫ້ໃຈເຢັນລົງໄດ້ຫລາຍໆ.

3.ຜ່ອນຄາຍກ້າມຊີ້ນ

ຮ່າງກາຍຂອງເຮົາເວລາທີ່ຮ້າຍນັ້ນກ້າມຊີ້ນສ່ວນຕ່າງໆໃນຮ່າງກາຍກໍ່ຈະເຄັ່ງຄຽດຕາມໄປນໍາ ດັ່ງນັ້ນວິທີລະງັບຄວາມຮ້າຍອີກວິທີທີ່ງ່າຍໆຄືການຜ່ອນຄາຍກ້າມຊີ້ນໂດຍການຍືດເສັ້ນຍືດສາຍເໜັງຕີງໂຕ, ບິດຊ້າຍບິດຂວາໜ້ອຍໜຶ່ງ ຈະຊ່ວຍໃຫ້ກ້າມຊີ້ນທີ່ເຄັ່ງຄຽດຈາກອາລົມຮ້າຍຄ່ອຍໆຜ່ອນຄາຍຂຶ້ນ ແລະ ເຮັດໃຫ້ເຢັນໃຈລົງ.



4.ຄິດທົບທວນໃຫ້ດີ

ຖ້າຍັງພໍມີສະຕິຢູ່ນຳໃນລະຫວ່າງທີ່ຮ້າຍລອງກັບໄປຄິດເຖິງສາເຫດທີ່ເຮັດໃຫ້ໃຈຮ້າຍ ລອງຄິດເຖິງເຫດ ແລະ ຜົນແບບໃຈເຢັນ ວິທີນີ້ຈະຊ່ວຍເຮັດໃຫ້ໃຈເຢັນ ແລະ ຜ່ອນຄາຍຄວາມຮ້າຍລົງໄດ້ຢ່າງຊ້າໆແຖມຍັງຊ່ວຍເຮັດໃຫ້ມີເຫດຜົນຫລາຍຂຶ້ນນໍາອີກ.

5.ຄິດເຖິງສິ່ງທີ່ເຮັດໃຫ້ຮູ້ສຶກສະບາຍໃຈ

ຖ້າໃຜທີ່ຕົກຢູ່ໃນສະຖານນະການທີ່ບໍ່ສາມາດອອກໄປເພື່ອສະຫງົບສະຕິອາລົມໃຫ້ລອງຄິດຮອດສິ່ງທີ່ເຮັດໃຫ້ເຈົ້າຮູ້ສຶກຜ່ອນຄາຍເຊັ່ນ ສະຖານທີ່ທີ່ໄປພັກຮ້ອນເຮືອນທີ່ເຄີຍຢູ່ສະໄໝເດັກນ້ອຍໆລອງຄິດເຖິງລາຍລະອຽດນ້ອຍໆກ່ຽວກັບສະຖານທີ່ເຫລົ່ານັ້ນ ບອກໄດ້ເລີຍວ່າວິທີນີ້ຈະຊ່ວຍໃຫ້ອາລົມເຢັນລົງໄດ້ໃນເວລາພຽງບໍ່ດົນ.



6.ເບິ່ງໂລກໃນແງ່ດີ

ຄວາມຮ້າຍເກີດຂຶ້ນຈາກການເບິ່ງໂລກໃນແງ່ລົບ ສະນັ້ນຈະກຳຈັດຄວາມຮ້າຍໄດ້ກໍ່ຕ້ອງປ່ຽນມຸມຂອງຄວາມຄິດພຽງແຕ່ຫັນມາເບິ່ງເລື່ອງທີ່ຮ້າຍໃນແງ່ບວກເບິ່ງ ລອງຄິດວ່າສິ່ງທີ່ເກິດຂື້ນນັ້ນອາດຈະມີເຫດຜົນທີ່ຈຳເປັນຈົນເຮັດໃຫ້ເກີດເລື່ອງແບບນີ້ຂຶ້ນເບິ່ງ, ອຫາແງ່ດີຂອງສິ່ງທີເກີດຂຶ້ນນີ້ແມ່ນບາງເລື່ອງອາດຈະບໍ່ດີເທົ່າທີ່ຄວນ ແຕ່ກໍ່ຄວນບອກຕົນເອງວ່າດີແລ້ວທີ່ເກີດເລື່ອງເຫລົ່ານີ້ຂຶ້ນເພາະຖ້າບໍ່ເກີດຂຶ້ນກໍ່ອາດຈະມີເລື່ອງຮ້າຍແຮງກວ່ານີ້ເກີດຂຶ້ນກໍ່ໄດ້.

7.ປຶກສາໃຜທີ່ເຮົາໄວ້ໃຈ

ຖ້າຮູ້ສຶກກັງວົນໃຈກ່ຽວກັບບັນຫາທີ່ເກີດຂື້ນ ຊຶ່ງເຮັດໃຫ້ຮູ້ສຶກຮ້າຍການຫັນໜ້າໄປປຶກສາໃຜຄົົນໜຶ່ງທີ່ເຈົ້າໄວ້ໃຈກໍ່ສາມາດຊ່ວຍໃຫ້ບັນຫາເຫລົ່ານັ້ນດີຂຶ້ນ ເພາະຫລາຍໆເທື່ອການທີ່ຈະເຮັດໃຫ້ໃຈເຢັນລົງນັ້ນຄຳປອບໃຈກໍ່ບໍ່ໄດ້ຊ່ວຍໃຫ້ເຊົາຮ້າຍໄດ້ສະເໝີໄປ ແຕ່ຄຳເວົ້າທີ່ຈິງໃຈ ແລະ ຄຳແນະນຳທີ່ດີຕ່າງຫາກທີ່ສຳຄັນ.



8.ອອກກຳລັງກາຍ

ການປົດປ່ອຍຄວາມຮ້າຍອີກວິທີໜຶ່ງທີ່ດີຕໍ່ສຸຂະພາບຈິດ ແລະ ດີຕໍ່ຮ່າງກາຍກໍ່ຄືການອອກກຳລັງກາຍຖ້າຮູ້ສຶກໃຈຮ້າຍໃຜຄົນໜຶ່ງລອງປົດປ່ອຍອອກມາຜ່ານການອອກກຳລັງກາຍ ວິທີນີ້ນອກຈາກຈະຊ່ວຍເຮັດໃຫ້ສະບາຍໃຈຂຶ້ນ ແລ້ວກໍ່ຍັງຊ່ວຍໃຫ້ສຸຂະພາບແຂງແຮງນໍາອີກ.

Post a Comment

0 Comments