ການແຕ່ງໜ້າຫລາຍ ສ່ຽງເຊື້ອພະຍາດຫລາຍ...

ຕ້ອງຍອມຮັບວ່າ ແມ່ຍິງສະໄໝນີ້ແຕ່ງໜ້າກັນຫລາຍຂຶ້ນ ບໍ່ວ່າຈະດ້ວຍແບຣນເຄື່ອງສຳອາງຕ່າງກໍ່ອອກແນວໃໝ່ໆ ໃຫ້ສາວໆມີທາງເລືອກຫລາຍຂຶ້ນ ຫລື ຈະເປັນໂຊຊຽວມີເດຍ ທີ່ຊ່ວຍສອນເລື່ອງແຕ່ງໜ້າຈາກຜູ້ຊຽວຊານດ້ານແຕ່ງໜ້າ ແຕ່ຫລາຍຄົນພັດລືມໄປວ່າ ເຄື່ອງສຳອາງທີ່ໃຊ້ຢູ່ທຸກມື້ນີ້ ນອກຈາກຈະເຮັດໃຫ້ຜິວເສຍ ແລະ ເຖົ້າກ່ອນໄວແລ້ວ ຍັງມີສ່ວນປະກອບຂອງສານເຄມີຢູ່ເຖິງ 80-90 ເປີເຊັນ ສ່ຽງທີ່ສາວໆ ຈະມີສານເຄມີຢູ່ໃນຮ່າງກາຍຫລາຍເຖິງປີລະ 2 ກິໂລກຣາມ.



ຜູ້ຊ່ຽວຊານຜິວພັນ ເປີດເຜີຍວ່າ ໃນການແຕ່ງໜ້າແຕ່ລະເທື່ອ ຜິວໜັງຈະຊຶມຊັບສານ ເຄມີເຂົ້າສູ່ຮ່າງກາຍເຖິງ 60 ເປີເຊັນ ເຮັດໃຫ້ຜິວໜ້າໄດ້ຮັບອອກຊິເຈນໜ້ອຍລົງ ເຊລຈຶ່ງເສື່ອມ ເບິ່ງມີອາຍຸກ່ອນໄວ ແລະ ເກີດບັນຫາຜິວອື່ນໆ ເຖິງແມ່ນຈະເຮັດຄວາມສະອາດຜິວໜ້າຢ່າງດີກ່ອນນອນກໍ່ຕາມ ຈຶ່ງຄວນໃຊ້ເຄື່ອງສຳອາງໜ້ອຍອັນ ແລະ ຮີບລ້າງອອກເມື່ອໝົດມື້ ຖ້າຫາກຖິ້ມໄວ້ຈະເປັນຕົ້ນກຳເນີດຂອງແບັກທີເຣຍ ແລະ ເຮັດໃຫ້ເກີດການອຸດຕັນ ໃນໄລຍະຍາວຜູ້ຍິງຈະຊຶມຊັບເຄື່ອງສຳອາງສະເລ່ຍປີລະ 2 ກິໂລກຣາມ ປ້ອງກັນບໍ່ໄດ້ ເຊິ່ງຈະໄປສະສົມຢູ່ຕັບ



ບາງໂຕຍັງເປັນຕົ້ນເຫດຂອງມະເຮັງ ຫລື ເຮັດໃຫ້ ຮໍໂມນຜູ້ຍິງຫລຸດລົງ ປະຈຳເດືອນໝົດໄວນໍາອີກ ແລະ ສານເຄມີທີ່ສາວໆ ຈຳເປັນຕ້ອງລະວັງເປັນພິເສດ ໄດ້ແກ່ ພາລາເບນ, ທາລ, ປິໂຕລຽມ ດີລິເວທີຟ, ສານຊືນ ທີ່ອາດແຊກຊຶມຢູ່ໃນຄີມບຳລຸງຜິວ, ຄີມເຮັດຄວາມສະອາດ, ຜະລິດຕະພັນລະງັບກິ່ນກາຍ ນອກເໜືອໄປຈາກເຄື່ອງສຳອາງທີ່ໃຊ້ແຕ່ງແຕ້ມຜິວໜ້າທົ່ວໄປເຊັ່ນ: ຮອງພື້ນ, ແປ້ງພັບ, ອາຍແຊໂດ ຊຶ່ງສານເຫລົ່ານີ້ຖ້າຫາກໄດ້ຮັບໃນປະລິມານທີ່ຫລາຍເກີນໄປຈະເຮັດໃຫ້ລະຄາຍເຄືອງຜິວ ສ່ຽງຕໍ່ມະເຮັງ, ເຮັດໃຫ້ຮໍໂມນ ແລະ ພູມຄຸ້ມກັນໃນເພດຍິງຫລຸດລົງ ແລະ ອາດເຮັດໃຫ້ທ້ອງອືດຖ່າຍເປັນເລືອດ ອາການຈືດ, ອ່ອນແຮງ ແລະ ບັນຫາຜິວອື່ນໆໄດ້.



ຈຶ່ງແນະນຳວ່າ ທາງຫລີກລ້ຽງທີ່ດີທີ່ສຸດໃນການໃຊ້ເຄື່ອງສຳອາງພວກນີ້ ຄືບໍ່ໃຊ້ຫລາຍຊະນິດ ແລະ ເຮັດຄວາມສະອາດຜິວໜ້າໃຫ້ສະອາດທຸກເທື່ອ ຫລີກລ້ຽງຜະລິດຕະພັນບຳລຸງຜິວທີ່ສາມາດປ້ອງກັນການຊຶມເຂົ້າຜິວຂອງສານເຄມີຊະນິດຕ່າງໆ ຈະສາມາດປົກປ້ອງຜິວຈາກສານເຄມີໃນເຄື່ອງສຳອາງ ເຮັດໃຫ້ຜິວເບິ່ງກະຈ່າງໃສ ແລະ ຫລຸດອັດຕາສ່ຽງຕໍ່ພະຍາດຮ້າຍຕ່າງໆໄດ້.

Post a Comment

0 Comments