ປະໂຫຍດຈາກການກິນໄຂ່...ທີ່ບາງຄົນອາດບໍ່ຮູ້!!!

ເຊື່ອວ່າອາຫານທີ່ໃຜຫລາຍໆຄົນມັກ ຕ້ອງມີເມນູໄຂ່ເຂົ້າມາກ່ຽວຂ້ອງແນ່ນອນ ເພາະບໍ່ວ່າຈະນຳໄຂ່ໄປເຮັດເມນູໃດກໍ່ຕາມ ຄວາມແຊບກໍ່ບໍ່ຫລຸດໜ້ອຍລົງ ແຖມຍັງເຕັມໄປດ້ວຍຄຸນປະໂຫຍດຕ່າງໆຢ່າງຫລວງຫລາຍ ໄປເບິ່ງກັນດີກວ່າວ່າ ໄຂ່ນ້ອຍໆ ທີ່ເຮົາກິນກັນນັ້ນມີປະໂຫຍດຫຍັງແຝງຢູ່ແນ່.



- ເຮັດໃຫ້ເສັ້ນຜົມ ແລະ ເລັບມືສຸຂະພາບດີ: ເພາະໄຂ່ມີຊັນເຟີສູງ ລວມເຖິງຍັງມີວິຕາມິນ ແລະ ແຮ່ທາດ ອີກຫລາຍຊະນິດ ຫລາຍຄົນຈຶ່ງພົບວ່າ ຜົມຍາວໄວຂຶ້ນຫລັງຈາກທີ່ເພີ່ມໄຂ່ເຂົ້າໄປໃນອາຫານທີ່ກິນ ໂດຍສະເພາະຢ່າງຍິ່ງໃນຄົົນທີ່ເຄີຍຂາດອາຫານທີ່ມີຊັນເຟີ ຫລື ວິຕາມິນບີ12 ມາກ່ອນ.

- ເປັນແຫລ່ງໂຄລີນທີ່ດີ: ໂດຍໂຄລີນຢູ່ໃນກຸ່ມຂອງວິຕາມິນບີ, ຈັດເປັນສານອາຫານສຳຄັນທີ່ຊ່ວຍໃນການຄວບຄຸມການເຮັດວຽກງານຂອງສະຫມອງ, ລະບົບປະສາດ ແລະ ລະບົບໄຫລວຽນຂອງເລືອດ ໂດຍໄຂ່ 1 ໜ່ວຍ ຈະມີໂຄລີນຫລາຍເຖິງ 300 ໄມໂຄກຣາມ.



- ອາຫານທີ່ດີສຳຫລັບດວງຕາ: ຜົນການສຶກສາພົບວ່າg ການກິນໄຂ່ມື້ລະໜ່ວຍອາດ ຈະຊ່ວຍປ້ອງກັນພະຍາດຈໍປະສາດຕາເສື່ອມ ເນື່ອງມາຈາກສານ ຄາໂລທີນອຍທີ່ຢູ່ໃນໄຂ່ ໂດຍສະເພາະລູທີນ (Lutein) ແລະ ຊີແຊນທີນ (Zeaxanthin) ຊຶ່ງເປັນສານທີ່ພົບບໍລິເວນຕາ ຊຶ່ງຮ່າງກາຍຈະໄດ້ຮັບສານອາຫານທັງສອງຢ່າງນີ້ໂດຍກົງຈາກໄຂ່ຫລາຍກວ່າອາຫານຊະນິດອື່ນ.

- ຊ່ວຍປ້ອງກັນມະເຮັງເຕົ້ານົມ: ໂດຍຜົນການສຶກສາອັນໜຶ່ງພົບວ່າ ຜູ້ຍິງທີ່ກິນໄຂ່ 6 ໜ່ວຍຕໍ່ອາທິດ, ຊ່ວຍຫລຸດຄວາມສ່ຽງທີ່ຈະເປັນມະເຮັງເຕົ້ານົມລົງ 44 ສ່ວນຮ້ອຍ.



- ໄດ້ວິຕາມິນດີ: ເພາະໄຂ່ເປັນອາຫານທີ່ເປັນແຫລ່ງວິຕາມິນດີຕາມທຳມະຊາດ ແລະ ຍັງອຸດົມໄປດ້ວຍໂປຕີນ ໂດຍ 1 ໜ່ວຍ ຈະມີໂປຕີນຄຸນນະພາບດີ 6 ກຣາມ ແລະ ກົດອະມິໂນສຳຄັນອີກ 9 ຊະນິດ.

Post a Comment

0 Comments