ເປີດສວນທັມມະຈັກ "ສັດທາ ຄູ່ ປັນຍາ" ທີ່ວັດອົງຕື້ ມະຫາວິຫານ

ໃນວັນຈັນ ທີ 22 ຕຸລາ 2018. ທີ່ວັດອົງຕື້ ມະຫາວິຫານ ເມືອງຈັນທະບູລີ ນະຄອນຫຼວງວຽງຈັນ ໄດ້ມີພິທີເປີດສວນທັມມະຈັກ, ຟັງທັມມະເທດສະໜາ ແລະ ສູດສາທະຍາຍບົດ: " ທັມມະຈັກກັບປະວັຕຕະນະສູດ" ສະຫຼອງສົມໂພດຢ່າງມະໂຫລານສວຍສົດງົດງາມແບບປະເພນີລາວ.



ໂດຍເປັນປະທານຝ່າຍສົງຂອງ: ພຣະອາຈານໃຫຍ່ ປອ. ມະຫາງອນ ດຳຣົງບຸນ ກຳມະການ ສນຊ, ປະທານສູນກາງ ອພສ, ພຣະອາຈານ ປອ ປຣະເສີດ ພູມະວົງ ເຈົ້າອະທິການວັດອົງຕື້ ແລະ ພ້ອມດ້ວຍຄະນະພຣະມະຫາເຖຣານຸເຖຣະ...



ຝ່າຍຄາຣະວາດໂດຍມີ: ແມ່ອອກ ນາລີ ສີສຸລິດ ພັນຣະຍາ ທ່ານນາຍົກລັດຖະມົນຕີແຫ່ງ ສປປ ລາວ, ມີທ່ານເອກອັກຄະລັດຖະທູດແຫ່ງປະເທດໄທຍ໌ ປະຈຳລາວ ພ້ອມພັນຣະຍາ, ມີທ່ານອັກຄະທູດດ້ານການທະຫານ ສະຫະລັດອາເມຣິກາ ປະຈຳລາວ ພ້ອມຄອບຄົວ, ບັນດາຄອບຄົວການນຳພັກ-ລັດ, ເຈົ້າພາບເຈົ້າມູນຣະສັດທາ ຕະຫຼອດຮອດອອກຕົນຍາດໂຍມຊາວພຸດທະບໍຣິສັດ ທັ້ງພາຍໃນ ແລະ ຕ່າງປະເທດ ກໍ່ໄດ້ເຂົ້າຮ່ວມຢ່າງລົ້ນຫຼາຍພັນຄົນ...



ໂດຍສັດທາໃນຄັ້ງນີ້ ແມ່ນ: ບໍລິສັດເພັດຖາວອນກໍ່ສ້າງເຄຫະ-ຂົວທາງ ຈຳກັດ ແລະ ບໍລິສັດສັກສິດພານິດ ຈຳກັດ ເປັນເຈົ້າພາບສັດທາສ້າງສວນທຳມະຊາດ-ທັມມະຈັກ ນ້ອມຖວາຍເປັນອາຈາຣິຍະບູຊາ ເນື່ອງໃນວາຣະບຸນອອກພັນສາ ປະວໍຣະນາ ແລະ ສົ່ງເສີມປີທ່ອງທ່ຽວລາວ 2018.

Post a Comment

0 Comments