ຊາວພຸດ ທີ່ເມືອງລະມາມຮ່ວມຕັກບາດເທ ໂວເນື່ອງໃນໂອກາດບຸນອອກພັນສາ

ເຊກອງ: ເນື່ອງໃນໂອກາດວັນບຸນອອກພັນສາປະວໍລະນາປະຈຳປີ 2018 ຊາວພຸດທະສາສະໜາຊະນິກະຊົນຍິງ-ຊາຍນ້ອຍໃຫຍ່ໃນຂອບເຂດທົ່ວປະເທດໄດ້ຮ່ວມກັນທຳບຸນຕັກບາດ ແລະຖວາຍເຄື່ອງສັງຂະທານໃຫ້ແດ່ພຣະສົງສາມະເນນ ເພື່ອລະນຶກເຖິງຍາດຕິພີ່ນ້ອງທີ່ລ່ວງລັບໄປແລ້ວ ກໍຄືເຈົ້າກຳນາຍເວນ ແລະທັງເປັນການອະນຸລັກຮັກສາ, ສົ່ງເສີມຮີດຄອງປະເພນີທີ່ເປັນມູນເຊື້ອຂອງປະຊາຊົນລາວສືບທອດກັນມາແຕ່ບູຮານນະການ.



ຕອນເຊົ້າວັນທີ 25 ຕຸລາ 2018 ທີ່ວັດໂພນດູ່ທະນາຣາມ ບ້ານດ່ານ ເມືອງລະມາມ ແຂວງເຊກອງ ໄດ້ມີ ພິທີຕັກບາດເທໂວໂລຫານະ ເພື່ອເປັນການລະນືກເຖີ ຄຸນພະພຸດທະເຈົ້າໃນຄັ້ງພຸດທະການ, ພະພຸດທະເຈົ້າໄດ້ສະເດັດລົງຈາກສະຫັວນ, ໄດ້ບີນທະບາດເທໂວໂລຫານະຈາກສະຫັວນລົງມາຮອດເມືອງມະນຸດ ແລະໄດ້ເປິດໂລກ, ທັງ 3 ໂລກ ໃຫ້ໄດ້ເຫັນກັນຄື : ໂລກມະນຸດ, ສະຫັວນ ແລະນາລົກ.



ດັງນັ້ນ ພຣະອາຈານ ກໍລະກັນ ເຊື້ອໂຊດ ຈີງໄດ້ນຳພາ ຍາດໂຍມຮ່ວມກັນຕັກບາດເທໂວໂລຫານະ ຂໍຂອບໃຈ ຍາດໂຍມທີ່ມາຮ່ວມຂໍໃຫ້ທຸກທ່ານມີຄວາມສຸກຄວາມຈະເລີນສາທຸ