ໂປຣຕີນທີ່ຊ່ວຍໃນເລື່ອງຄວາມຊົງຈໍາ....

ແຫຼ່ງໂປຣຕີນ 4 ຢ່າງ ທີ່ຊ່ວຍບໍາລູງຄວາມຈໍາ:



1 ປາ: ຫຼາຍຄົນອາດຈະເຄີຍໄດ້ຍິນຄໍາວ່າ ກິນປາແລ້ວຈະສະຫຼາດ ເຊິ່ງຊີ້ນປາອຸດົມໄປດ້ວຍກົດອະມີໂນໄທໂຣຊິນ ເປັນກົດອະມີໂນທີ່ຮ່າງກາຍສັງເຄາະໄດ້ ມີບົດບາດໃນການກະຕຸ້ນ ແລະ ປັບປ່ຽນການເຮັດວຽກຂອງສະໝອງ, ສາມາດຊ່ວຍຟື້ນຟູຄວາມຈໍາ ແລະ ສານດີເອຈ໌ເອ (Docosahexaenoic acid) ຄືກົດໄຂມັນຊະນິດບໍ່ອີ່ມໂຕ ຊຶ່ງມີຄວາມຈໍາເປັນຕໍ່ຮ່າງກາຍ ສານດັ່ງກ່າວນີ້ຈະຊ່ວຍໃນການພັດທະນາສະໝອງ ແລະ ສາຍຕາ, ຊ່ວຍເສີມສ້າງຄວາມຈໍາ ແລະ ການຮຽນຮູ້ ທັງນີ້ຍັງຊ່ວຍປ້ອງກັນພະຍາດສະໝອງເຊື່ອມໄດ້ອີກດ້ວຍ ຊຶ່ງການກິນຊີ້ນປາບໍ່ວ່າຈະເປັນປາທະເລ ຫຼື ປານໍ້າຈືດ ສາມາດນໍາມາປະກອບອາຫານໄດ້ດ້ວຍວີທີທີ່ດີຕໍ່ສຸຂະພາບເຊັ່ນ: ການຕົ້ມ, ການປິ້ງ ການນຶ້ງ ໄດ້ຢ່າງຫຼາກຫຼາຍເມນູ ຊຶ່ງປາເປັນແຫຼ່ງໂປຣຕີນທີ່ດີ ອີກທັງຍັງຍ່ອຍໄດ່ງ່າຍນໍາອີກ.



2 ໄຂ່: ຈັດເປັນແຫຼ່ງໂປຣຕີນທີ່ດີ ເພາະອຸດົມໄປດ້ວຍວີຕາມີນ ແລະ ເກືອແຮ່ ທີ່ສໍາຄັນປະກອບດ້ວຍໂປຣຕີນເຖິງ 6.3 ກຣາມ, ໄຂມັນ, ວີຕາມິນເອ, ບີ, ດີ, ອີ, ຟອສຟໍຣັສ, ເຫຼັກ, ແຄລຊ່ຽມ, ສັງກະສີ, ໄອໂອດິນ, ຊີລີນຽມ ທັງນີ້ໃນໄຂ່ແດງ ຍັງປະກອບໄປດ້ວຍໂຄລີນ ຊຶ່ງໂຄລີນເປັນສ່ວນປະກອບໃນເລຊິຕິນ ເປັນສານຈໍາເປັນທີ່ຮ່າງກາຍຈະນໍາໄປໃຊ້ເພື່ອສ້າງສານສື່ປະສາດ ມີສ່ວນຊ່ວຍໃນຂະບວນການສົ່ງກະແສປະສາດ ໂດຍສະເພາະໃນສະໝອງສ່ວນທີ່ເຮັດວຽກງານດ້ານຄວາມຈໍາ.

3 ນົມຖົ່ວເຫຼືອງ: ນົມຖົ່ວເຫຼືອງ ຈັດເປັນເຄື່ອງດື່ມທີ່ບໍາລູງສະໝອງທີ່ດີບໍ່ໜ້ອຍ ໃນນົມຖົ່ວເຫຼືອງປະກອບໄປດ້ວຍ ວິຕາມີນເອ, ບີ, ບີ1, ບີ2, ບີ6, ບີ12, ຄາຣ໌ໂບໄຮເດຣຕ, ແຄລຊ່ຽມ, ຟອສຟໍຣັສ, ໄນອາຊິນ ແລະ ເລຊີຕິນ ທີ່ເປັນສານບໍາລູງສະໝອງ ເສີມສ້າງປະສິດທິພາບໃນເລື່ອງຂອງຄວາມຈໍາ ປ້ອງກັນຄວາມຈໍາເຊື່ອມ.



4 ພືດຕະກຸນຖົ່ວ: ຖົ່ວຈັດໄດ້ວ່າເປັນໂປຣຕີນທີ່ດີເຊັ່ນດຽວກັນ ບໍ່ວ່າຈະເປັນຖົ່ວດິນ, ແກ່ນກະບົກ ແລະ ອຶ່ນໆ ຊຶ່ງໃນຖົ່ວຈະມີວີຕາມິນອີ ທີ່ມີສ່ວນຊ່ວຍເສີມສ້າງຄວາມຈໍາ.

Post a Comment

0 Comments