ການຖູແຂ້ວ ຊ່ວຍເບິ່ງແຍງປາກໄດ້ຫຼາຍເທົ່າໃດເປີເຊັນ...

ຫລາຍຄົນອາດຈະບໍ່ເຄີຍຮູ້ວ່າ: ການຖູແຂ້ວສາມາດເບິ່ງແຍງໄດ້ພຽງ 25 ເປີເຊັນ ເທົ່ານັ້ນ, ຫລາຍຄົນຄິດວ່າພຽງແຕ່ຖູແຂ້ວທຸກມື້ເຊົ້າແລງກໍ່ຈະພຽງພໍສຳລັບການເບິ່ງແຍງປາກຂອງເຮົາແລ້ວ ຊຶ່ງຄວາມຈິງການຖູແຂ້ວຊ່ວຍໄດ້ພຽງ 25 ເປີເຊັນ ເທົ່ານັ້ນ ເພາະຜິວແຂ້ວເປັນພຽງ 25 ເປີເຊັນຂອງພື້ນຜິວພາຍໃນປາກແຕ່ແບັກທີເຣຍພັດອາໄສຢູ່ທຸກມູມໃນປາກຂອງເຮົາທັງແຂ້ວ, ເຫືອກ, ແກ້ມ, ເພດານປາກ, ການຖູແຂ້ວຈຶ່ງຊ່ວຍເຮັດໃຫ້ເຮົາຮູ້ສຶກວ່າແຂ້ວສະອາດ ແຕ່ແບັກທີເຣຍຍັງຕົກຄ້າງຢູ່ໃນປາກຂອງເຮົາເຕັມໄປຫມົດເລີຍ ແລະ ອາດເກີດເປັນຄາບແບັກທີເຣຍໄດ້ພາຍຫລັງຈາກຖູແຂ້ວສຳເລັດ ຄາບແບັກທີເຣຍນີ້ເອງທີ່ເປັນສາເຫດໜຶ່ງຂອງບັນຫາໃນປາກຕ່າງໆເຊັ່ນ: ແຂ້ວແມງ, ກິ່ນປາກ, ເຫືອກອັກເສບລວມ ແລະ ບັນຫາອື່ນໆ ດັ່ງນັ້ນຫຼັງຈາກຖູແຂ້ວ ຄວນຈະໃຊ້ນໍ້າຢາບ້ວນປາກເພີ່ມຕື່ມ.



ນ້ຳຢາບ້ວນປາກຈຶ່ງມີຄວາມຈຳເປັນຢ່າງຫລວງຫລາຍ ເພາະຊ່ວຍເບິ່ງແຍງປາກໄດ້ຢ່າງທົ່ວເຖິງ ຄວນໃຊ້ນ້ຳຢາບ້ວນປາກທີ່ປະສົມສານລະງັບເຊື້ອທຸກເທື່ອຫລັງຖູແຂ້ວ ຈະຊ່ວຍກຳຈັດແບັກທີເຣຍໄດ້ທົ່ວປາກໃນບໍລິເວນທີ່ເຮົາຖູແຂ້ວບໍ່ເຖິງ, ນ້ຳຢາບ້ວນປາກຈະຊ່ວຍປ້ອງກັນພະຍາດໃນປາກ ແລະ ຫລຸດເຊື້ອແບັກທີເຣຍ ສາວໆຈຶ່ງໝັ້ນໃຈໄດ້ເລີຍວ່າແຂ້ວສະອາດບໍ່ມີກິ່ນປາກແນ່ນອນ!!
ນ້ຳຢາບ້ວນປາກຕ້ອງເລືອກແບບໃດດີ?



ນ້ຳຢາບ້ວນປາກມີຫລາກຫລາຍຍີ່ຫໍ້ ບາງຄົນກໍ່ເລືອກບໍ່ຖືກ ສິ່ງທໍາອິດທີ່ຕ້ອງພິຈາລະນາຄື: ສານອອກລິດ ແລະ ຄຸນສົມບັດຂອງຜະລິດຕະພັນ ຖ້າຕ້ອງການກຳຈັດແບັກທີເຣຍຕົ້ນເຫດຂອງບັນຫາກິ່ນປາກເຮົາຄວນເລືອກນ້ຳຢາບ້ວນປາກທີ່ປະສົມສານແອນຕີແບັກທີເຣຍ, ສານອອກລິດນ້ຳມັນສະກັດຈາກທຳມະຊາດ (Essential Oil) ໄດ້ຮັບການພິສູດເຖິງປະສິດທິພາບໃນການຫລຸດຄາບແບັກທີເຣຍ ແລະ ເຫືອກອັກເສບ ແລະ ຍັງເປັນສານທີ່ບໍ່ມີປະຈຸຫລື non-ionic ຈຶ່ງບໍ່ເຮັດປະຕິກິລິຢາກັບຢາສີແຂ້ວຄືນ້ຳຢາບ້ວນປາກບາງຊະນິດສາມາດບ້ວນຫລັງຖູແຂ້ວໄດ້ທັນທີ, ນ້ຳຢາບ້ວນປາກທີ່ມີສ່ວນປະສົມຂອງນ້ຳມັນສະກັດຈາກທຳມະຊາດ (Essential Oil) ຍັງມີລົດຊາດສົດຊື່ນ ສະເພາະໂຕທີ່ໃຫ້ຄວາມຮູ້ສຶກສະອາດແຕກຕ່າງຈາກນ້ຳຢາບ້ວນປາກທົ່ວໄປ.

Post a Comment

0 Comments