ອາຫານຫລຸດອາການເຈັບຫົວ...ທີມີຢູ່ໃນບ້ານ!!!

ຂໍ້ດີຂອງອາຫານທຳມະຊາດ ສຳຫລັບຄົນບໍ່ຕ້ອງການກິນຢາ ຫລື ມີອາການປວດໜ້ອຍໜຶ່ງ ເຊັ່ນ: ການເຈັບຫົວ ຊຶ່ງຫລາຍຄົນມັກຈະເກີດອາການຂຶ້ນເປັນປະຈຳ ມາເບິ່ງກັນວ່າ ອາຫານຫຍັງແນ່ທີ່ເຮັດໃຫ້ອີ່ມທ້ອງແຖມຍັງເປັນຢາ ຊ່ວຍປິ່ນປົວຮ່າງກາຍໄດ້ນໍາອີກ.



- ປາທະເລ: ເຊັ່ນ ປາທູ, ປາແຊວມອນ, ປາກະພົງ ເນື່ອງຈາກປາທະເລມີໂປຕີນສູງ ຊຶ່ງມີຫນ້າທີ່ຄວບຄຸມລະດັບນ້ຳຕານໃນຮ່າງກາຍໃຫ້ຄົງທີ່ ເມື່ອລະດັບນ້ຳຕານຄົງທີ່ອາການເຈັບຫົວກໍ່ຈະຫລຸດລົງ ລວມທັງມີກົດໄຂມັນໂອເມກ້າ3 ທີ່ເປັນກົດໄຂມັນທີ່ຈຳເປັນຕໍ່ຮ່າງກາຍ ເປັນຕົວຊ່ວຍຫລຸດການອັກເສບ, ຫລຸດອາການເຈັບປວດ.

- ກ້ວຍ: ຫມາກໄມ້ຫາງ່າຍ, ມີຫລາກຫລາຍສາຍພັນ, ມີຢູ່ທຸກລະດູ, ລາຄາບໍ່ແພງຫລາຍ ກ້ວຍເປັນຫມາກໄມ້ທີ່ມີສານອາຫານທີ່ດີຕໍ່ຮ່າງກາຍຫລາຍຊະນິດ ທັງວິຕາມິນເອ, ວິຕາມິນບີ, ວິຕາມິນຊີ ແລະ ທີ່ສຳຄັນມີແຮ່ທາດໂພແທດຊຽມ ທີ່ຊ່ວຍປັບສົມດຸນແຮ່ທາດໃນຮ່າງກາຍ ຈາກການສຶກສາພົບວ່າ ກ້ວຍຊ່ວຍຫລຸດຄວາມຄຽດ ແລະ ເຮັດໃຫ້ເກີດຄວາມສຸກ.



- ຂີງ: ສາມາດນຳມາປຸງອາຫານໄດ້ທັງຄາວ ແລະ ຫວານ ຫລື ເຄື່ອງດື່ມ, ຂີງຈະຊ່ວຍໃຫ້ຜ່ອນຄາຍ, ເລືອດລົມໄຫລວຽນໄດ້ດີ.

- ຜັກກາດນາ, ຜັກຕໍານິນ: ນອກຈາກຈະມີໃຍອາຫານສູງ ທີ່ຊ່ວຍໃຫ້ຂັບຖ່າຍຂອງເສຍອອກມາໄດ້ດີແລ້ວ ຍັງມີສານຄໍໂລຟິນທີ່ປຽບຄືໂຕລ້າງພິດ ເຮັດໃຫ້ຮ່າງກາຍສາມາດຮັບອອກຊິເຈນໄດ້ຫລາຍຂຶ້ນ, ອາການປວດກໍ່ຈະຫລຸດລົງ.

- ທັນຍະພືດທຳມະຊາດບໍ່ຂັດສີເຊັ່ນ: ເຂົ້າກ້ອງ, ໝາກເດືອຍ, ຖົ່ວແດງ, ງາ. ອາຫານໃນກຸ່ມນີ້ ຈະມີວິຕາມິນໃນກຸ່ມວິຕາມິນບີສູງ ຊຶ່ງເປັນຕົວຊ່ວຍໃນສານສື່ປະສາດຂອງຮ່າງກາຍໃຫ້ເຮັດວຽກໄດ້ດີຊ່ວຍຢຸດອາການເຈັບຫົວ.



- ສາລີ: ເນື່ອງຈາກສາລີ ມີວິຕາມິນບີ3 ຫລື ໄນອະຊິນສູງ, ມີສ່ວນຊ່ວຍໃຫ້ການໄຫລວຽນເລືອດໄປສູ່ສະຫມອງໄດ້ດີຂຶ້ນ ແລະ ຫລຸດຄວາມຕຶງຄຽດຂອງກ້າມຊີ້ນ.

ອາຫານທີ່ກາວມານັ້ນຈະຊ່ວຍບັນເທົາອາການເຈັຫົວຂອງທ່ານໃຫ້ຫຼຸດລົງໄດ້ດີ...

Post a Comment

0 Comments