ເຄື່ອງດືມທີ່ເຮັດໃຫ້ຮ່າງກາຍສົດຊື່ນຕອນເຊົ້າ...

ເຄື່ອງດື່ມຍາມເຊົ້າເຮັດໃຫ້ສົດຊື່ນ ແຖມບໍ່ມີໜ້າທ້ອງ



1. ຊາຂຽວ: ເຄື່ອງດື່ມຫອມຫວານສາລະພັດປະໂຫຍດທີ່ໃຜໄດ້ດື່ມເປັນຕ້ອງຫລົງໃຫລ ເພາະບໍ່ພຽງຈະຊ່ວຍຂັບໄລ່ສານພິດໂຕກໍ່ມະເຮັງຮ້າຍ, ຫລຸດຄວາມສ່ຽງການເກີດມະເຮັງ ແລະພະຍາດຫົວໃຈໃຫ້ໝົດໄປແລ້ວ ຊາຂຽວຍັງປະກອບໄປດ້ວຍສານແຄທີຊິນ ແລະ ສານແອນຕິອອກຊິແດນ ທີ່ຊ່ວຍຊະລໍການແກ່ໂຕ, ລົບຮ່ອງຮອຍ ແລະ ເພີ່ມຄວາມເປັນອຳມະຕະຂອງໜຸ່ມໆ, ສາວໆ ຫລາຍຂຶ້ນ ແຖມຖ້າດື່ມຊາຂຽວອຸ່ນໆ ຕອນເຊົ້າທຸກມື້ ມັນຈະຊ່ວຍຫລຸດໄຂມັນໜ້າທ້ອງໄດ້ຜົນດີຫລາຍ ດື່ມຊາຂຽວກ່ອນອອກກຳລັງກາຍນໍາແລ້ວ ມັນຈະຍິ່ງເພີ່ມການເຜົາຜານໄຂມັນລະຫວ່າງການອອກກຳລັງກາຍ ຫລຸດນໍ້າໜັກໄດ້ຜົນດີ.



2. ນ້ຳປັ່ນໝາກນັດ: ເຄື່ອງດື່ມສົດຊື່ນທີ່ຈະເຮັດໃຫ້ໜ້າທ້ອງແປແບບໜ້າອັດສະຈັນ ເພາະໃນໝາກນັດບໍ່ວ່າຈະເປັນສ່ວນໃບ, ລຳຕົ້ນ ຫລື ໝາກ ຕ່າງກໍ່ອຸດົມໄປດ້ວຍ ‘ບະລໍມີເລນ’ ເອນໄຊ ທຳມະຊາດທີ່ສາມາດຊ່ວຍຍ່ອຍໂປຕີນ (ຊີ້ນງົວ, ໝູ, ໄກ່, ປາ) ໃຫ້ສະດວກງ່າຍຂຶ້ນ ບໍ່ເຮັດໃຫ້ອຸດຕັນ ຫລື ເກາະຕາມສ່ວນຕ່າງໆ ຂອງຮ່າງກາຍໂດຍສະເພາະແຂນ, ຂາ ແລະ ໜ້າທ້ອງ ທີ່ສົ່ງຜົນໃຫ້ເກີດອາການບວມ ແລະ ມີຂີ້ໂພນ ເຮົາຢາກໃຫ້ລອງດື່ມທຸກມື້ຕອນເຊົ້າຢ່າງນ້ອຍອາທິດລະ 3 ເທື່ອ ຮັບຮອງວ່າ ຮູບຮ່າງດີລໍຖ້າຢູ່ບໍ່ໄກ ອີກທັງຍັງເຮັດໃຫ້ລະບົບຂັບຖ່າຍຄ່ອງສະດວກຂຶ້ນນໍາອີກ.

3. ຊາກິ່ນເປເປີມິນ: ຮັບເຊົ້າມື້ໃໝ່ດ້ວຍ ຊາມິນ ໂຕຊ່ວຍແກ້ຢາກນໍ້າ ທີ່ເພີ່ມຄວາມສົດຊື່ນໃຫ້ຢ່າງຫລວງຫລາຍໃນວັນທີ່ອາກາດຮ້ອນແຮງ ແລະ ຊ່ວຍຫລຸດຄວາມຕຸ້ຍໄດ້ຢູ່ ຊາມິນຈະຊ່ວຍເຜົາຜານກຸ່ມກ້ອນໄຂມັນຮອບແອວ ແລະ ເຮັດໃຫ້ໝັ້ນໃຈວ່າ ເຖິງຈະກິນອາຫານທີ່ໃຫ້ໄຂມັນ ຫລື ພະລັງງານສູງ ເຊັ່ນ: ແຮມເບີເກີ ຫລື ສະເຕັກຫລາຍເທົ່າໃດ ມັນກໍ່ສາມາດຊ່ວຍຍ່ອຍອາຫານ ແລະ ພະລັງງານໄດ້ຢ່າງວ່ອງໄວຈົນຫາຍຫ່ວງ ບໍ່ພຽງເທົ່ານັ້ນ ຊາມິນ ຍັງມີສັບພະຄຸນ ທາງຢາຫລວງຫລາຍ ຢ່າງເຊັ່ນ: ມີລິດຕ້ານອານຸມູນອິດສະຫລະຢ່າງຊັດເຈນ, ຕ້ານມະເຮັງ, ຕ້ານສານກໍ່ພູມແພ້ບາງໂຕ ແລະ ຊ່ວຍການເຮັດວຽກງານຂອງລະບົບພູມຄຸ້ມກັນໃຫ້ມີສະຖຽນລະພາບຂຶ້ນນໍາອີກ.



4. ສະມຸດຕີໝາກໂມ: ເຄື່ອງດື່ມຫມາກໄມ້ປາສະຈາກນ້ຳຕານຢ່າງ ເຊີເບັດ ຫລື ສະມຸດຕີ ເຮົາຂໍແນະນຳສະມຸດຕີໝາກໂມ ເຄື່ອງດື່ມແຄລໍລີຕ່ຳ ທີ່ຊ່ວຍເພີ່ມຄວາມສົດຊື່ນ ແບບບໍ່ຕ້ອງຢ້ານຕຸ້ຍ ລືມເລື່ອງຫ່ວງໜ້າທ້ອງໄປໄດ້ ເພາະມັນຈະບໍ່ມາເກາະຮອບແອວໃຫ້ເສຍຄວາມໝັ້ນໃຈແນ່ນອນ ອີກທັງ ນ້ຳໝາກໂມຍັງລັອກຄວາມຊຸ່ມຊື່ນໃຫ້ຜິວງາມ ແລະ ຊຸ່ມຊື່ນ.

5. ປັ່ນຊັອກໂກແລັດ: ຫລາຍຄົນອາດບໍ່ເຊື່ອວ່າ ຊັອກໂກແລັດ (ປັ່ນ) ຈະເປັນຕົວຊ່ວຍຫລຸດນໍ້າໜັກ ແລະ ກຳຈັດໄຂມັນສ່ວນເກີນບໍລິເວນໜ້າທ້ອງໄດ້ ແທ້ໆແລ້ວຊັອກໂກແລັດທີ່ມີສີເຂັ້ມ ແລະ ລົດຂົມນີ້ແຫລະເປັນຕົວຊ່ວຍໃຫ້ຮູບຮ່າງສົມບູນແບບຂຶ້ນໄດ້ແບບຄາດບໍ່ເຖິງ ຖ້າຫາກດື່ມທຸກເຊົ້າພ້ອມຄວບຄຸມປະລິມານການກິນພວກໄຂມັນຫລຸດລົງ ຈະຄ່ອຍໆເຫັນໜ້າທ້ອງທີ່ແປ, ງາມ, ມີໂຄ້ງຢ່າງທີ່ໃຈປາດຖະຫນາ.



ຢ່າງໃດກໍ່ຕາມ ຊັອກໂກແລັດປັ່ນນີ້ໃຫ້ພະລັງງານເກືອບ 400 ແຄລໍລີ ທຽບເທົ່າອາຫານໜຶ່ງຄາບ ຖ້າຫາກຕອນເຊົ້າບໍ່ມີເວລາກິນອາຫານເຊົ້າ ຊັອກໂກແລັດປັ່ນ ກໍ່ເປັນອີກໜຶ່ງທາງເລືອກທີ່ເຮົາແນະນໍາຢາກໃຫ້ລອງ ເພາະມັນເຮັດໃຫ້ອີ່ມທ້ອງໄດ້ວ່ອງໄວ ແລະ ຊ່ວຍຫລຸດຄວາມຢາກອາຫານ ຫລື ຂອງຫວ່າງໄດ້ເປັນເວລາດົນຫລາຍຊົ່ວໂມງ.

Post a Comment

0 Comments