ພຣະແຄງ "ພຣະແພງ" ພຣະນອນ ຫລືພຣະໄສຍາດ

ເມື່ອເອີ່ຍ ເຖິງວັດພຣະແຄງ "ພຣະແພງ" ພຣະນອນ ຫລືພຣະໄສຍາດ

"ພຣະແຄງ" ເປັນພຣະພຸດທະຮູບແບບສິລະປະລ້ານຊ້າງ, ທີ່ງົດງາມທີ່ສຸດ, ສ້າງຂຶ້ນໃນສະຕະວັດທີ 18 ຍຸກຂອງ ສົມເດັດພຣະເຈົ້າໄຊຍະເຊດຖາທິຣາດ,



ວັດໃນສະໄໝພຣະເຈົ້າໄຊຍະເຊດຖາທິຣາດ ຊົງບູຣະນະ ແລະ ຊົງສ້າງຂຶ້ນມາ ຕາມປະຫວັດສາດບອກວ່າ: ມີທັງໝົດ 120 ວັດ, ຮຽງເປັນແຖວຢ່າງງົດງາມ ມີທັງໝົດ 4 ແຖວ, ສ່ວນວັດພຣະແຄງ ຈັດຢູ່ໃນແຖວ ທີ 3 ເຊິ່ງປະກອບມີ :

- ວັດສີຫອມ, ວັດພຣະບາງ, ວັດຫາຍໂສກ, ວັດສີບຸນຍືນ, ວັດຜາຂາວ, ວັດສີສະເກດ, ວັດຫໍໄຕຄຳ, ວັດຍອດແກ້ວ, ວັດພຣະໂພ, ວັດພຣະໄຊ, ວັດຣາຊະສະຄຶ, ວັດພຣະແຄງ ແລະ ວັດອື່ນໆ...

ວັດພຣະແຄງ ເມື່ອກ່ອນແມ່ນຕັ້ງຢູ່ ( ໂຮງໝໍ 5 ເມສາ ) ໂຮງຫມໍຕຳຫລວດ ແຖວຄູວຽງ ນະຄອນຫລວງວຽງຈັນ ວັດນີ້ແມ່ນວັດສຳລັບປະດິດສະຖານ ພຣະພຸດທະຮູບນອນມີຊື່ວ່າ: ພຣະແຄງ ນັ້ນເອງ.



ພຣະນອນອົງນີ້ເຄີຍຖືກນຳໄປຈາກເມືອງລາວ ໄປທີ່ປະເທດຝຣັ່ງເສດ ເມື່ອເຈົ້າອຸປະຣາຊເພັດຊະຣາຊ ຮູ້ຂ່າວແລະຮູ້ວ່ານຳມາຈາກປະເທດລາວ ແລະເປັນພຣະທີ່ສຳຄັນ ກໍ່ມີການຮ້ອງຂໍນຳເອົາຄືນກັບມາສູ່ເມືອງລາວຄືນ ເມືອນຳກັບຄືນມາແລ້ວກໍ່ນຳມາປະດິດສະຖານໄວ້ທີ່ຫໍພຣະແກ້ວ ນະຄອນຫລວງວຽງຈັນ ຫລັງຈາກນັ້ນ ເມືອປີ ຄສ 1964 ທາງວັດຊຽງທອງ ຫລວງພຣະບາງ ໄດ້ມີການບູຣະນະ ຣິດຈະນາ ປະຕິສັງຂອນ ໃຫ້ງົດງາມແລ້ວ ເພິ່ນຈຶ່ງໄດ້ອະຣາດທະນາອັງເຊີນພຣະໄສຍາດ ອົງນີ້ຂຶ້ນໄປປະດິດສະຖານໄວ້ທີ່ ວັດຊຽງທອງ ຫລວງພຣະບາງ ໂດຍມີພິທີແຫ່ ແລະສົມໂພດ ໃນຄັ້ງນັ້ນ 3-7 ວັນ ເລີຍ.

ຂໍ້ມູນດີໆຈາກພຣະອາຈາຣຍ໌ : Boonthavy Vilaychak

Cr: Houmphet Manisouk ແລະ Anousone Manisouk

Post a Comment

0 Comments