ຝົນຕົກເຮັດໃຫ້ລົດເໝັນອົບແກ້ໄຂໄດ້!!!

ທ່ານຮູ້ມາກ່ອນບໍ່ວ່າການທີ່ຝົນຕົກເຮັດໃຫ້ລົດຂອງທ່ານມີກິ່ນອັບ ມື້ນີ້ເຮົາຈະມາແນະນໍາວິທີການຮັບມືກັບກິ່ນອັບດັ່ງກ່າວໃຫ້ໝົດໄປຈາກລົດຄື:



– ຖອດລ້າງຕູ້ແອ : ສາເຫດຂອງກິ່ນເໝັນອັບໃນລົດມັກເກີດຈາກແກ໊ສທີ່ໄດ້ຈາກຂະບວນການສັງເຄາະອາຫານຂອງແບັກທີເຣຍ ເຊິ່ງຈັບຢູ່ຕາມພາກສ່ວນຕ່າງໆ ເຊັ່ນ : ກ່ອງ ແລະ ຕູ້ແອໃນລົດ ການກຳຈັດກິ່ນໄດ້ກໍຕ້ອງຖອດລ້າງຕູ້ແອລົດ ເຊິ່ງເຮັດໄດ້ 2 ວິທີກໍຄື : ຖອດຕູ້ແອອອກມາໝົດໂຄງ ແລ້ວເອົາມາລ້າງໃຫ້ສະອາດ ກັບວິທີລ້າງຕູ້ແອໂດຍບໍ່ຕ້ອງຖອດ, ແຕ່ສີດໂຟມນຳ້ຢາລ້າງເຂົ້າໄປປະໄວ້ແລ້ວຈຶ່ງລ້າງອອກ, ແຕ່ 2 ວີທີນີ້ຕ້ອງປຶກສາຜູ້ຊ່ຽວຊານ ແລະ ເສຍຄ່າໃຊ້ຈ່າຍອ່າວສູງ.

– ໃຊ້ຖ່ານ, ດອກໄມ້, ພືດສະໝຸນໄພ ຫລື ໃບຊາແຫ້ງ : ເອົາຖ່ານດຳ 1 – 2 ກ້ອນໃສ່ໃນຖົງຜ້າ ແລ້ວຫ້ອຍໄວ້ຕາມຈຸດຕ່າງໆຂອງລົດ ກໍຈະຊ່ວຍດັບກິ່ນເໝັນອັບໄດ້ ໂດຍໃຊ້ດອກໄມ້ ແລະ ພືດສະໝຸນໄພ ເຊັ່ນ : ໃບເຕີຍ, ໃບຂີ້ຫູດ, ດອກມະລິ. ນອກຈາກນີ້, ນຳ້ມັນຫອມລະເຫີຍຕາມທຳມະຊາດກໍຊ່ວຍສ້າງຄວາມຜ່ອນຄາຍ ແລະ ຊ່ວຍດັບກິ່ນເໝັນອັບໃນລົດໄດ້ ເຊິ່ງປອດໄພຕໍ່ສຸຂະພາບນຳອີກ.



– ໃຊ້ນຳ້ສົ້ມສາຍຊູກຳຈັດກິ່ນ : ວິທີນີ້ງ່າຍ ແລະ ລາຄາຖືກ ພຽງແຕ່ເທນຳ້ສົ້ມສາຍຊູ 2 – 4 ບ່ວງແກງໃສ່ຖ້ວຍນ້ອຍໆເອົາໄປວາງໄວ້ໃນລົດ 1 – 2 ຊົ່ວໂມງ ຄວາມສົ້ມຂອງນຳ້ສົ້ມສາຍຊູຈະຊ່ວຍດູດກິ່ນອັບໃນລົດໄດ້, ແຕ່ວິທີນີ້ຊ່ວຍແກ້ໄຂບັນຫາສະເພາະກິ່ນອັບຊຸ່ມເທົ່ານັ້ນ ບໍ່ສາມາດຂ້າເຊື້ອພະຍາດ ຫລື ແບັກທີເຣຍທີ່ສະສົມຢູ່ໃນລົດໄດ້.



– ຈັດການກັບຜ້າພົມໃນລົດ : ເປັນອີກໂຕການທີ່ເຮັດໃຫ້ເກີດກິ່ນເໝັນອັບ ແລະ ຍັງເປັນແຫ່ລງສະສົມຂອງເຊື້ອພະຍາດ ບັນຫາມັກເກີດເມື່ອຜ້າພົມປຽກນຳ້ ຖ້າເປັນຜ້າພົມທີ່ບໍ່ສາມາດຍົກອອກມາເຮັດຄວາມສະອາດໄດ້ງ່າຍໆຕ້ອງໃຊ້ຜ້າສະອາດເຊັດຄາບນຳ້ເປື້ອນອອກໃຫ້ໝົດ ຈາກນັ້ນເອົາລົດໄປຈອດຕາກແດດ ເປີດແວ່ນໄວ້ ເພື່ອໃຫ້ຄວາມຮ້ອນຊ່ວຍເຮັດໃຫ້ຜ້າພົມແຫ້ງໄວຂຶ້ນ ຖ້າຖອດຜ້າພົມໄດ້ ຄວນເອົາອອກໄປຕາກແດດໃຫ້ແຫ້ງ ຫລື ຫາກຜ້າພົມເປື້ອນຄາບຕ່າງໆ ເຊັ່ນ : ຄາບຊາ, ກາເຟ, ອາຫານ ໃຫ້ຊັກໂດຍແຊມພູສຳລັບຊັກຜ້າພົມໂດຍສະເພາະ ແລ້ວຈອດລົດຕາກແດດ ເປີດປະຕູລົດປະໄວ້ເພື່ອໃຫ້ຜ້າພົມແຫ້ງດີ.
ພຽງເທົ່ານີ້ລົດຂອງທ່ານກໍ່ຈະບໍ່ເໝັ້ນອັບອີກຕໍ່ໄປ...

Post a Comment

0 Comments