ສະຫະລັດ ພົບໄວຣັສ ຊະນິດໃໝ່ມີ ເຫັບເປັນໂຕນໍາເຊື່ອ!!!

ສໍານັກງານຄວບຄຸມ ແລະ ປ້ອງກັນໂລກຂອງສະຫະລັດພົບ “ເບີຣ໌ເບິນ” ໄວຣັສ ຊະນິດໃໝ່ທີ່ມີເຫັບ ແລະ ຫມັດເປັນໂຕນໍາເຊື້ອ.
ສໍານັກຂ່າວ CNN ລາຍງານຈາກກຸງວໍຊິງຕັນ ປະເທດສະຫະລັດອາເມລິກາວ່າ: ສໍານັກງານຄວຍຄຸມ ແລະ ປ້ອງກັນໂລກຊອງສະຫະລັດ (ຊີດີຊີ) ອອກຖະແຫຼງການເລື່ອງການຄົ້ນພົບໄວຣັສ ຊະນິດໃໝ່ ຈາກການກວດວິເຄາະ ເລືອດຂອງຜູ້ປ່ວຍຊາຍໄວ 50 ປີ ລາຍໜຶ່ງ ທີ່ເສຍຊີວິດໂດຍບໍ່ຮູ້ສາເຫດທີ່ແນ່ນອນ ໃນເມືອງເບີຣ໌ເບິນ ລັດແຄນຊັສ ພຽງ 11 ວັນຫຼັງສະແດງອາການປ່ວຍ.



ຊາຍຄົນດັ່ງກ່າວຖືກເຫັບ ແລະ ໝັດກັດຈໍານວນຫຼາຍ ຂະນະທີ່ລາວເຮັດກິດຈະກໍາຢູ່ນອກບ້ານ ຈາກນັ້ນ 2 ວັນລາວກໍ່ເລີ່ມມີອາການປ່ວຍໃນຫຼາຍລັກສະນະປະກອບກັນ ທັງໄຂ້, ອ່ອນເພຍ, ອອກຜືນແດງ, ເຈັບຫົວ, ເຈັບກ້າມເນື້ອໄປໝົດໂຕ, ອາຈຽນປວດຮາກ, ກ່ອນຈະໄປຫາໝໍໃນວັນທີ່ 3 ແລະ ຫຼັງຈາກນັ້ນ ອາການກໍ່ໜັກຂຶ້ນເລື່ອຍໆ ແລະ ເສຍຊີວິິດດ້ວຍອາການຫົວໃຈຫຼົ່ມເຫຼວ ໂດຍຍັງພົບວ່າເຂົາມີປະລິມານເມັດເລືອດໃນລະດັບຕໍ່າ ຊຶ່ງອາດເປັນຜົນມາຈາກການຕິດເຊື້ອ ຫຼື ມີພາວະເລືອດອອກ



ໃນຊ່ວງທີ່ເຂົ້າຮັກສາໂຕຢູ່ໃນໂຮງໝໍ ທ່ານໝໍໄດ້ທົດສອບການຕິດເຊື່ອທີ່ນ່າຈະເປັນໄປໄດ້ ແຕ່ກັບພົບວ່າຜົນການທົດສອບເປັນລົບທັງໝົດ ບໍ່ພົບການຕິດເຊື້ອໃດໆ ຈຶ່ງໄດ້ສົ່ງຕົວຢ່າງເລືອດໄປທົດລອງທີ່ ຊີດີຊີ ຜົນພົບວ່າເປັນໄວຣັສ ຊະນິດໃໝ່ ໃນກຸ່ມຂອງໂທໂກໂທໄວຣັສ (Thogotovirus) ຊຶ່ງປົກກະຕິຈະມີມາຈາກການຖືກແມງໄມ້ ຫຼື ຈໍາພວກເຫັບ, ໝັດກັດ ພົບໄດ້ໃນຢູໂຣບ, ເອເຊຍ ແລະ ອາຟຣິກາ ໂດຍໄວຣັສຊະນິດໃໝ່ນີ້ ໄດ້ຊື່ຕາມເມືອງທີ່ພົບການຕິດເຊື່ອວ່າ “ເບີຣ໌ເບິນ” ຊຶ່ງເປັນຄັ້ງທໍາອິດທີ່ພົບການຕິດເຊື້ອກຸ່ມນີ້ໃນສະຫະລັດ.



ຊີດີຊີ ເຜີຍວ່ານຂະນະນີ້ຍັງຄົງມີຜູ້ຕິດເຊື້ອພຽງລາຍດຽວ ພ້ອມທັງອອກປະກາດເຕືອນ ໃຫ້ປະຊາຊົນປ້ອງກັນຕົວເອງ ບໍ່ໃຫ້ສັດທີ່ເປັນພາຫະນີ້ກັດ ດ້ວຍການໃຊ້ຜະລິດຕະພັນໄລ່ແມງໄມ້, ນຸ່ງໃສ່ເສື້ອຜາທີ່ປົກຄຸມມິດຊິດ ແລະ ຫລີກລ່ຽງ ການເຂົ້າໄປຍັງພື້ນທີ່ຮົກທຶບ ແລະ ປ່າ ລວມໄປເຖີງການກວດສອບວ່າມີສັດທີ່ເປັນພາຫະໃນບໍລິເວັນດັ່ງກ່າວຫຼືບໍ່ ຫາກຈໍາເປັນຕ້ອງເຮັດກິດຈະກໍາກາງແຈ້ງ.

Post a Comment

0 Comments