ຢາກກິນຕະຫລອດຕອນມີປະຈຳເດືອນ ເຮັດແບບໃດດີ...

ແກ້ໄຂອາການຢາກກິນຕະຫລອດໃນໄລຍະມີປະຈຳເດືອນ ດ້ວຍ 6 ວິທີງ່າຍໆ ຖ້າບໍ່ຢາກໂຕບວມເພາະນ້ຳໜັກຂຶ້ນໃນໄລຍະມີປະຈຳເດືອນ ຕ້ອງເຮັດຕາມນີ້.



1. ຫລຸດປະລິມານຄາເຟອິນ

ຄາເຟອິນທີ່ຢູ່ໃນກາເຟ, ຊາ ແລະ ນ້ຳອັດລົມ ຫລື ເຄື່ອງດື່ມອື່ນໆ ອີກຫລວງຫລາຍນັ້ນແຫລະ ເປັນສາເຫດທີ່ເຮັດໃຫ້ເກີດຄວາມຢາກອາຫານທີ່ຜິດປົກກະຕິໃນໄລຍະມີປະຈຳເດືອນ ແຖມບໍ່ໄດ້ເຮັດໃຫ້ຢາກກິນທຳມະດາ ແຕ່ເຮັດໃຫ້ສາວໆ ຮູ້ສຶກກະວົນກະວາຍ ຖ້າບໍ່ໄດ້ກິນກໍ່ຈະຫງຸດຫງິດ ແລ້ວພໍຫງຸດຫງິດກໍ່ເກີດຄວາມຄຽດ ແລະ ສົ່ງຜົນເຮັດໃຫ້ປະຈຳເດືອນຜິດປົກກະຕິ ສົ່ງຜົນຮ້າຍຕໍ່ໆກັນ ເຊົາກິນຄາເຟອິນເຖາະ ແຕ່ຖ້າເລີກແບບເດັດຂາດບໍ່ໄດ້ ກໍ່ຫລຸດປະລິມານຄາເຟອິນລົງໃຫ້ເຫລືອໜ້ອຍທີ່ສຸດກໍ່ຍັງດີກວ່າ ຈະໄດ້ບໍ່ຮູ້ສຶກຢາກຕະຫລອດເລື້ອຍ.



2. ນອນຫລັບ

ວິທີນີ້ເບິ່ງຄືຈະເປັນວິທີທີ່ງ່າຍທີ່ສຸດເລີຍ ການນອນຫລັບພັກຜ່ອນຢ່າງພຽງພໍຈະຊ່ວຍເຮັດໃຫ້ອາການຢາກອາຫານຜິດປົກກະຕິໃນໄລຍະມີປະຈຳເດືອນຫລຸດລົງໄດ້ ແຖມຍັງຊ່ວຍຟື້ນຟູຄວາມຈື່ຈໍາ, ຊ່ວຍໃນການຄວບຄຸມນ້ຳໜັກ ແລະ ຊ່ວຍໃຫ້ອາຍຸຍືນຂຶ້ນນໍາອີກ ດັ່ງນັ້ນຖ້າຫາກສາວໆ ຮູ້ດີວ່າໃນໄລຍະມີປະຈຳເດືອນຈະຕ້ອງຮູ້ສຶກຢາກກິນຕອນເດິກແນ່ນອນ ກໍ່ປ່ຽນມາເຂົ້ານອນໃຫ້ໄວຂຶ້ນເທົ່ານັ້ນເອງ ວິທີນີ້ຈະເຮັດໃຫ້ສາວໆ ບໍ່ຕ້ອງກິນເຂົ້າໜົມທີ່ບໍ່ມີປະໂຫຍດໃນຕອນເດິກແລ້ວມານັ່ງເສຍໃຈຕາມຫລັງໃນຕອນເຊົ້າ.

3. ບໍ່ຄຽດ

ສາວໆ ຫລາຍຄົນຄົງມີຄວາມຄິດວ່າ ຄຽດຕ້ອງກິນ ແລ້ວຍິ່ງໃນໄລຍະມີປະຈຳເດືອນທີ່ມັກຈະຢາກຫລາຍກວ່າເກົ່າ ຖ້າຫາກຄຽດແລ້ວ ບໍ່ຕ້ອງເວົ້າເຖິງເລີຍວ່າ ຈະກິນຫລາຍຂຶ້ນຫລາຍຂະໜາດໃດ ດັ່ງນັ້ນໃນໄລຍະມີປະຈຳເດືອນຖ້າຫາກເກີດຄວາມຄຽດ ຢ່າລົບລ້າງຄວາມຄຽດດ້ວຍການກິນ ປ່ຽນມານັ່ງຟັງເພງສະບາຍໆ ໄປຍ່າງຫລິ້ນ ຫລືໂທລະສັບກັບໝູ່ຈະດີກວ່າ ແຕ່ຖ້າມັກອ່ານຫນັງສື ກໍjລອງຫາຫນັງສືທີ່ໜ້າສົນໃຈມາອ່ານຈັກຫົວໜຶ່ງ ຮັບຮອງວ່າຖ້າເຊົາຄຽດແລ້ວ ຈະກິນໜ້ອຍລົງແນ່ນອນ



4. ດື່ມນ້ຳໃຫ້ຫລາຍໆ

ນໍ້າ ຍິ່ງດື່ມກໍຍິ່ງດີຕໍ່ສຸຂະພາບ ແລະ ໃນໄລຍະທີ່ມີປະຈຳເດືອນ ນ້ຳເປັນສິ່ງທີ່ບໍ່ຄວນຂາດເດັດຂາດເລີຍ ເພາະການຂາດນ້ຳໃນໄລຍະມີປະຈຳເດືອນອາດຈະເຮັດໃຫ້ເກີດອາການຖອກທ້ອງໄດ້ ນອກຈາກນີ້ ນ້ຳ ຍັງຊ່ວຍຫລຸດຄວາມຢາກອາຫານລົງໄດ້ນໍາອີກ ດັ່ງນັ້ນ ຫລຸດຄວາມຢາກອາຫານດ້ວຍການດື່ມນ້ຳໃຫ້ພຽງພໍດີກວ່າ ໂດຍປະລິມານນ້ຳທີ່ຄວນດື່ມເພື່ອໃຫ້ພຽງພໍຕໍ່ຮ່າງກາຍໃນໄລຍະມີປະຈຳເດືອນກໍ່ຄື 8-10 ຈອກ

5. ອອກກຳລັງກາຍ

ການອອກກຳລັງກາຍຈະເຮັດໃຫ້ເຮົາຮູ້ສຶກຢາກໜ້ອຍລົງໄດ້ ແຖມຍັງຊ່ວຍຫລຸດຄວາມຄຽດ ແລະ ເຮັດໃຫ້ອາລົມດີຂຶ້ນ ແຕ່ກໍ່ບໍ່ຄວນອອກກຳລັງກາຍໜັກຈົນເກີນໄປ ແລະ ຖ້າຫາກສາວໆເປັນຄົົນທີ່ອອກກຳລັງກາຍເປັນປະຈຳຢູ່ແລ້ວ ກໍ່ລອງເພີ່ມເວລາໃນການອອກກຳລັງກາຍໃຫ້ຫລາຍຂຶ້ນ ແຕ່ບໍ່ຕ້ອງຫັກໂຫມ ກໍ່ຈະຊ່ວຍໃຫ້ເຜົາຜານແຄລໍລີ ໄດ້ຫລາຍຂຶ້ນ ແລະ ຮູ້ສຶກດີຂຶ້ນນໍາອີກ.
6. ກິນອາຫານຄາໂບໄຮເດດແທນເຂົ້າໜົມ



ເຖິງແມ່ນວ່າ ຈະຢຸດຄວາມຢາກອາຫານທີ່ຫລາຍຜິດປົກກະຕິໃນໄລຍະມີປະຈຳເດືອນບໍ່ໄດ້ ແຕ່ເຮົາກໍ່ສາມາດຄວບຄຸມໄດ້ ໂດຍການເລືອກກິນອາຫານທີ່ມີຄາໂບໄຮເດດ ເຊັ່ນ: ເຂົ້າໂອດ ຫລື ມັນດ້າງ ເພາະອາຫານເຫລົ່ານີ້ຈະຊ່ວຍໃຫ້ເຮັດໃຫ້ຮູ້ສຶກອິ່ມ ແລະ ຢູ່ທ້ອງ ແຖມຍັງຊ່ວຍຫລຸດຄວາມຢາກອາຫານໄດ້ນໍາອີກ.

Post a Comment

0 Comments