ສິ່ງທີ່ສາວໆຄວນປະຕິບັດ ຊ່ວງຍາມຫນາວ!!!

ກຽມໂຕຮັບມືລະດູໜາວ ກັບ 7 ຂໍ້ປະຕິບັດທີ່ສາວໆ ຫ້າມພາດ



1. ອອກກຳລັງກາຍຢ່າງສະໝໍ່າສະເໝີ: ຈະໜາວຊໍາໃດກໍ່ຕ້ອງອອກກໍາລັງກາຍເອົາໄວ້ກ່ອນ ສາວໆ ຢ່າລືມອອກກຳລັງກາຍກັນແນ່ເດີ ພຽງແຕ່ອອກມາແລ່ນໃນຕອນເຊົ້າໆ ໃຫ້ຮ່າງກາຍສົດຊື່ນ ພຽງເທົ່ານີ້ສາວໆ ກໍ່ຈະສົດຊື່ນໄປໝົດມື້ແລ້ວ ເພາະເຖິງແມ່ນຈະໜາວພຽງໃດການອອກກຳລັງກາຍຈະຊ່ວຍເຮັດໃຫ້ຮ່າງກາຍອົບອຸ່ນໄດ້ສະເໝີ ແຖມສຸຂະພາບກໍ່ຈະແຂງແຮງ, ຫ່າງໄກຈາກພະຍາດຕ່າງໆທີ່ຈະມາກັບອາກາດໜາວໆນໍາອີກ.

2. ມືຕີນຕ້ອງອຸ່ນໄວ້ກ່ອນ: ອາກາດໜາວໆ ຕໍ່ໃຫ້ຮ່າງກາຍຈະແຂງແຮງຊໍ່າໃດ ສາວໆກໍ່ຕ້ອງເຮັດໃຫ້ຮ່າງກາຍອົບອຸ່ນເອົາໄວ້ກ່ອນ ນອກຈາກເສື້ອກັນໜາວ ແລະ ໂສ້ງຂາຍາວທີ່ຕ້ອງໃສ່ເພື່ອຄວາມອົບອຸ່ນແລ້ວ ສິ່ງສຳຄັນສາວໆຢ່າລືມໃສ່ຖົງມື ແລະ ຖົງຕີນເພື່ອໃຫ້ເກີດຄວາມອົບອຸ່ນ ເພາະເນື່ອງຈາກມື ແລະ ຕີນນັ້ນເປັນແຫລ່ງລວມເສັ້ນປະສາດນັບຮ້ອຍ ຫາກປ່ອຍໃຫ້ເຢັນຈົນແຂງກໍ່ອາດເຮັດໃຫ້ເປັນຫວັດໄດ້ງ່າຍໆ.



3. ກິນອາຫານທີ່ມີປະໂຫຍດຕໍ່ຮ່າງກາຍ: ເມື່ອເຂົ້າລະດູໜາວ ຄົນສ່ວນໃຫຍ່ມັກຈະເປັນໄຂ້ຫວັດ ດັ່ງນັ້ນສາວໆ ຈຶ່ງຄວນປ້ອງກັນໂຕເອງໄວ້ກ່ອນໂດຍການເລືອກກິນອາຫານທີ່ມີປະໂຫຍດຕໍ່ຮ່າງກາຍ ເພາະນີ້ຈະເປັນໂຕຊ່ວຍສຳຄັນໃນການເພີ່ມພູມຕ້ານທານໃຫ້ກັບຮ່າງກາຍໄດ້ຢ່າງດີ ໂດຍການກິນອາຫານໃຫ້ຄົບ 5 ໝູ່ ແລະ ເນັ້ນອາຫານທີ່ມີທາດເຫລັກກໍ່ຄື: ຊີ້ນສັດ, ທັນຍາພືດ, ເຕົ້າຮູ້ ແລະ ໄຂ່ ເຊິ່ງທາດເຫລັກຈະຊ່ວຍປ້ອງກັນຫວັດ ແລະ ເພີ່ມ ພູມຕ້ານທານໃຫ້ກັບຮ່າງກາຍໄດ້ເປັນຢ່າງດີ.

4. ກິນວິຕາມິນ: ສຳລັບສາວໆ ຄົນໃດທີ່ມີຮ່າງກາຍອ່ອນແອຢູ່ແລ້ວ ຫາກພົບອາກາດໜາວແຮງໆ ກໍ່ອາດເຮັດໃຫ້ອາການຮ້າຍກວ່າເກົ່າກວ່າໄດ້ ດັ່ງນັ້ນຄວນຈະປ້ອງກັນເອົາໄວ້ກ່ອນໂດຍການຮັບປະທານທີ່ມີປະໂຫຍດຄອບຄູ່ກັບວິຕາມິນ ເພື່ອເພີ່ມພູມຄຸ້ມກັນໃຫ້ກັບຮ່າງກາຍ ເຊັ່ນ: ວິຕາມິນເອ, ວິຕາມິນອີ, ວິຕາມິນຊີ ເຊິ່ງວິຕາມິນເຫລົ່ານີ້ຈຳເປັນຢ່າງຫລວງຫລາຍທີ່ຈະຊ່ວຍໃຫ້ສາວໆ ຫ່າງໄກຈາກໄຂ້ຫວັດໄດ້.



5. ຢ່າອາບນ້ຳອຸ່ນຫລາຍ: ໃນລະດູໜາວ ສາວໆບໍ່ຄວນອາບນ້ຳອຸ່ນແຮງ ແລະ ດົນຈົນເກີນໄປ ໂດຍສະເພາະການລ້າງໜ້າ ເພາະນ້ຳອຸ່ນຈະເຮັດໃຫ້ຄວາມຊຸ່ມຊື່ນຂອງຜິວຫາຍໄປ ນອກຈາກນີ້ຄວນຫລີກລ້ຽງຜະລິດຕະພັນເຮັດຄວາມສະອາດຜິວທີ່ມີຟອງຫລາຍໆ ເພາະຈະດຶງຄວາມຊຸ່ມຊື່ນໄປຈາກຜິວ ແລະ ບໍ່ຄວນເຊັດຖູຜິວແຮງໆ ເພາະຈະຍິ່ງເຮັດໃຫ້ຜິວລອກຫລາຍຍິ່ງຂຶ້ນ ນອກຈາກນີ້ກໍ່ບໍ່ຈຳເປັນຕ້ອງສະຜົມເລື້ອຍໆ ເພາະອາດເຮັດໃຫ້ໜັງຫົວແຫ້ງເກີນໄປຈົນເກີດລັງແຄໄດ້ນັ້ນເອງ.

6. ບຳລຸງຜິວໃຫ້ຊຸ່ມຊື່ນຢູ່ສະເໝີ: ລະດູໜາວແບບນີ້ສາວໆ ຈຳເປັນຢ່າງຫລວງຫລາຍທີ່ຕ້ອງທາໂລຊັນບຳລຸງຜິວຫລັງອາບນ້ຳຂະນະທີ່ໂຕຍັງໝາດໆ ເຊິ່ງຈະຊ່ວຍປ້ອງກັນຜິວແຫ້ງ, ແຕກ ລອກ ໃນລະດູໜາວໄດ້ເປັນຢ່າງດີ ທີ່ສຳຄັນການທາຄີມບໍ່ແມ່ນທາພຽງສະເພາະສ່ວນໃດສ່ວນຫນຶ່ງເທົ່ານັ້ນ ແຕ່ຄວນທາໃຫ້ທົ່ວຮ່າງກາຍ ເພາະອາດເຮັດໃຫ້ຜິວແຫ້ງລອກສະເພາະຈຸດໄດ້ ລະວັງຜິວຈະບໍ່ງາມ ນອກຈາກນີ້ຢ່າລືມເພີ່ມຄວາມຊຸ່ມຊື່ນໃຫ້ກັບລິມຝີປາກຂອງດ້ວຍການຕິດໂຕໄວ້ຕະຫລອດເວລາ ເມື່ອຮູ້ສຶກວ່າ ປາກເລີ່ມແຫ້ງກໍ່ຄ່ອຍຈັບຂຶ້ນມາທາ ຈະຊ່ວຍໃຫ້ປາກຊຸ່ມຊື່ນໄປຕະຫລອດທັງມື້ໄດ້ແນ່ນອນ.



7. ດື່ມເຄື່ອງດື່ມທີ່ໃຫ້ຄວາມອົບອຸ່ນແກ່ຮ່າງກາຍ: ອາກາດໜາວໆແບບນີ້ ກ່ອນນອນຄວນດື່ມນົມອຸ່ນໆ ຫລື ນ້ຳອຸ່ນໆ ຈະຊ່ວຍໃຫ້ຮ່າງກາຍອົບອຸ່ນຂຶ້ນ ແລະ ນອກຈາກຮ່າງກາຍຈະອົບອຸ່ນແລ້ວຍັງຈະຊ່ວຍບຳລຸງຮ່າງກາຍໃຫ້ແຂງແຮງຂຶ້ນໄດ້ນໍາອີກ.

ຖ້າເອົາວິທີ່ຂ້າງເທິງນີ້ໄປນໍາໃຊ້ ຮັບຮອງວ່າຫນາວນີ້ ທ່ານຈະມີສຸຂະພາບທີ່ແຂງແຮງແນ່ນອນ...

Post a Comment

0 Comments