ເຖິງສິເຈັ້ງແຕ່ສາມາດກັບມາຮັ່ງມີໄດ້ອີກ...

ແນ່ນອນ ການລົ້ມລະລາຍ ເປັນສິ່ງທີ່ນັກທຸລະກິດບໍ່ຢາກພົບພໍ່. ໃຜໆກໍ່ຕ່າງທີ່ຢາກຈະໄດ້ກຳໄລ ກັບ ສິ່ງທີ່ຕົນເອງສ້າງຂື້ນມາ. ການສ້າງທຸລະກິດໃຫ້ມີກຳໄລທາງດ້ານການເງິນ ຫຼື ສ້າງຜົນກຳໄລໃຫ້ແກ່ສັງຄົມໄດ້ຢ່າງມີປະສິດທິພາບ.



ຫຼາຍໆຄົນພະຍາຍາມຫຼີກລ່ຽງການລົ້ມລະລາຍ ແຕ່ມີຫຼາຍໆຄົນໄດ້ພົບກັບການລົ້ມລະລາຍເປັນຊ່ວງໄລຍະເວລາໃດໜຶ່ງ ຫຼື ບາງຄົນອາດຈະເປັນເວລາຫຼາຍໆປີ ກ່ອນຈະມີກຳໄລ ແລະ ກາຍເປັນຕຳນານຂອງວົງການໄປເລີຍ. ໃນເວລາລົ້ມລະລາຍມັນເປັນຈຸດຫັນປ່ຽນຂອງນັກທຸລະກິດທີ່ປະສົບຜົນ ສຳເລັດຫຼາຍໆຄົນ. ມີຫຼາຍຄົນຫັນປ່ຽນຫາສິ່ງໄໝ່ໆທີ່ຍິງໃຫຍ່ກວ່າເກົ່າ ໂດຍມີການຄົ້ນຄິດຕຶກຕອງ, ການຄົ້ນຄິດພິຈາລະນາ ແລະ ພະຍາຍາມຕໍ່ໄປ.

ໃນເວລາລົ້ມ ສິ່ງສຳຄັນຕ້ອງໄດ້ພິຈາລະນາກໍ່ຄືວ່າ: ຈະເຮັດແນວໃດກັບເຫດການດັ່ງກ່າວ ແລະ ຮຽນຮູ້ຫຍັງແດ່ຈາກການລົ້ມລະລາຍ ຫຼື ຜິດຫວັງ.



1. ເຈົ້າຂອງເວັບ ຊື່ ອາດີອານນາ ຫັບຝິງຕັນ ໄດ້ຮັບການປະຕິເສດຈາກສຳນັກພິມ 36 ຄັ້ງ

ອາດບໍ່ມີໃຜເຊື່ອໄດ້ວ່າ ຄົນທີ່ເປັນທີ່ຮັບຮູ້ຫຼາຍທີ່ສຸດ ທາງອອນໄລ ເຄີຍຖືກປະຕິເສດ ຈາກສຳນັກພິມ ມາແລ້ວປະມານສາມໂຫຼ. ປື້ມຫົວທີ່ສອງຂອງລາວ ໄດ້ເປີດເຜີຍກ່ຽວກັບເລື່ອງນີ້ວ່າ ກ່ອນລາວຈະສ້າງເວັບໄຊ ຈົນກາຍເປັນຮັບຮູ້ຂອງຄົນທົ່ວໂລກນັ້ນ ລາວເຄີຍມີປະສົບການຖືກປະຕິເສດມາຫຼາຍຄັ້ງຈົນກວ່າຈະໄດ້ພົບກັບສຳນັກພິມທີ່ຍອມເປີດໂອກາດໃຫ້ລາວເຮັດວຽກ.

ເຖິງວ່າ ເວັບໄຊອອນໄລ ຂອງລາວຈະບໍ່ປະສົບຜົນສຳເລັດທັນທີ່ທີ່ລາວເປີດຕົວ. ໃນເວລາທີ່ລາວເປີດ ເວັບໃຫ້ບໍລິການ, ມີຫຼາຍໆຫາງສຽງດ້ານລົບອອກມາກ່ຽວກັບເວັບທີ່ ລາວເຮັດວ່າ ບໍ່ມີຄຸນນະພາບ ແລະ ບໍ່ມີທ່າວ່າຈະໄປໄດ້ດີ. ໃນຕໍ່ມາ ເວັບຂອງລາວໄດ້ລົບຄຳວິພາກວິຈານ ແລະ ນຳພາຕົວລາວກ້າວເປັນ ຜູ້ທີ່ປະສົບຜົນສຳເລັດຄົນໜຶ່ງ ຕໍ່ກັບການເຮັດທຸລະກິດຂ່າວສານທາງເວັບ.



2. ບໍລິສັດທຳອິດຂອງ ບິວເກດ ບໍ່ປະສົບຜົນສຳເລັດ

ບິວເກດ ເປັນຄົນທີ່ຮັ່ງມີທີ່ສຸດໃນໂລກ ແຕ່ວ່າລາວກໍ່ບໍ່ໄດ້ກ້າວເຂົ້າສູ່ຄວາມສຳເລັດໄດ້ໂດຍກົງ. ທ່ານ ເກດ ເຄີຍສ້າງບໍລິສັດ ທີ່ມີຊື່ວ່າ Traf-O-Data ເຊິ່ງ ມີເປົ້າໝາຍໃນການຈັບການໄຫຼ່ວຽນຂອງຂໍ້ມູນ ໃນກະແຊັດ.

ລາວພະຍາຍາມ ຂາຍແນວຄວາມຄິດ ໃຫ້ແກ່ເພື່ອນຮ່ວມທຸລະກິດຂອງລາວ ຊື່ ພອນ ອາເລັນ, ແຕ່ວ່າ ມັນກໍ່ເຮັດວຽກ ບໍ່ໄດ້ດີ ແລະ ກໍ່ຖືກປະຕິເສດໄປ. ມັນເປັນການລົ້ມລະລາຍຍິງໃຫຍ່ ແຕ່ແນວໃດກໍ່ ຕາມ, ສິ່ງນັ້ນມັນບໍ່ໄດ້ເຮັດໃຫ້ ທ່ານ ເກດ ຕ້ອງທໍ້ຖອຍ ແຕ່ມັນພັດເຮັດໃຫ້ ລາວຊອກຫາໂອກາດໃໝ່ໆ, ແລະ ໃນສອງສາມປີຕໍ່ມາ ລາວກໍ່ໄດ້ສ້າງ ບໍລິສັດໄມໂຄຼຊອບຂື້ນມາ ແລະ ກໍ່ສ້າງຄວາມສຳເລັດມາຮອດ ປະຈຸບັນ.



3. ທ່ານ ຈອດ ສະຕາຍເນີ ສ້າງຄວາມລົ້ມລະລາຍໃຫ້ແກ່ທີມງານມາກ່ອນ

ກ່ອນທີ່ ຈອດສ ສະຕຼາຍເບນເນີ ຈະສ້າງຊື່ໃຫ້ແກ່ຕົນເອງ ກ່ອນການເປັນເຈົ້າຂອງ ທີມກິລາບານບ້ວງ ທີມ ນິວຍອກ, ລາວໄດ້ເປັນເຈົ້າຂອງທີມ ບານບ້ວງທີມນ້ອຍໆແຫ່ງໜຶ່ງ ທີ່ມີຊື່ວ່າ: ແຄຼເວີແລນ ໄພ ເປີ ໃນປີ 1960. ແຕ່ໃນປີ 1962 ທຸລະກິດຂອງລາວ ໄດ້ລົ້ມລະລາຍໝົດເລີຍ.

ນອກນັ້ນ ຄວາມລົ້ມລະລາຍ ຍັງໄດ້ຕິດຕາມລາວມາອີກໃນປີ 1970 ໂດຍທີມໄດ້ເສຍນັດການ ແຂ່ງຂັນຕິດຕໍ່ມາຫຼາຍຄັ້ງ ໃນຊຸມປີ 1980 ແລະ 1990. ມີສຽງຈົມວ່າຈາກມວນຊົນຫຼາຍ ແລະ ມັນສ້າງຄວາມກົດດັນໃຫ້ລາວຂຽນໃບລາອອກ. ແຕ່ໃນທີ່ສຸດລາວກໍ່ໄດ້ນຳພາທີມໃຫ້ປະສົບຜົນສຳເລັດ ໂດຍການ ຄອງແຊມ ຫົກຄັ້ງໃນຊຸມປີ 1996 ຫາ 2003 ແລະ ກາຍເປັນທີມທີ່ສ້າງຜົນກໍາໄລຫຼາຍທີ່ສຸດໃນປະຫວັດສາດຂອງກິລາບານບ້ວງຂອງອາເມລິກາ.



4. ທ່ານ ວໍ ດີດສນີ ເຄີຍຖືກບອກວ່າ ເປັນຄົນທີ່ບໍ່ມີຄວາມຄິດສ້າງສັນ

ຄົນທີ່ມີຄວາມຄິດສ້າງສັນທີ່ສຸດໃນສັດຕະວັດທີ່ 20 ເຄີຍຖືກໄລອອກຈາກ ສໍານັກໜັງສືພິມ ເນື່ອງຈາກວ່າ ເຈົ້ານາຍເວົ້າວ່າລາວບໍ່ມີຄວາມຄິດສ້າງສັນ. ລາວໄດ້ພະຍາຍາມຮັກສາບໍລິສັດ, ສ້າງໜັງຊື່ Laugh-O-Gram ເຊິ່ງເປັນບໍລິສັດສ້າງກະຕຸນທຳອິດຂອງລາວ ໂດຍການລະດົມເງິນທຶນໄດ້ເຖິງ 15 ພັນດອນລາ ແຕ່ບາດສຸດທ້າຍແລ້ວລາວກໍ່ບໍ່ສາມາດຮັກສາມັນໄວ້ໄດ້, ຈົນເຮັດໃຫ້ລາວ ແລະ ເພື່ອນຮ່ວມງານ ຕ້ອງໄດ້ປິດບໍລິສັດ.

ອົກຫັກຈາກການດຳເນີນທຸລະກິດ ແລະ ບໍ່ມີເງິນ, ທ່ານ ດີດສນີ ໄດ້ຊອກຫົນທາງເຂົ້າສູ່ວົງການໜັງ Hollywood ແຕ່ລາວກໍ່ພົບກັບສຽງວິຈານຢ່າກໜັກ ແລະ ກໍ່ບໍ່ປະສົບຜົນສຳເລັດ ອີກຄັ້ງ, ຈົນກວ່າລາວ ໄດ້ສ້າງໜັງ 2-3 ເລື່ອງຕິດຕໍ່ກັນທີ່ມີຄວາມນິຍົມສູງສຸດໃນຕໍ່ມາ.



5. ສະຕີບຈອບ ຖືກໄລອອກຈາກບໍລິສັດຂອງຕົນເອງ

ສະຕິບຈອບ ເປັນຄົນໜຶ່ງອັດສະຮິຍະ ແລະ ທີ່ສ້າງຄວາມອັດສະຈັນ ໃນວົງການຜູ້ປະກອບການ ຫຼາຍໆຄົນ. ເນື່ອງຈາກວ່າລາວ ເປັນຄົນທີ່ມີຄວາມຄິດວິວັດທະນາການ, ແລະ ລາວກໍ່ຍັງເປັນ ຄົນທີ່ມີເລື່ອງການລົ້ມແລ້ວລຸກທີ່ວິເສດ ໃຫ້ຫຼາຍໆຄົນໄດ້ເປັນບົດຮຽນ. ທ່ານ ສະຕີບ ສ້າງບໍລິສັດ ໃນຊ່ວງອາຍຸ 20 ປີ ໃນເວລາທີ່ ບໍລິສັດ ແອັບເປີນ ມີການຂະຫຍາຍຕົວຍິ່ງໃຫຍ່ ແຕ່ໃນຕອນ ອາຍຸ 30 ປີ ຄະນະບໍລິຫານງານ ຂອງບໍລິສັດຕັດສິນໄຈໄລລາວອອກການ.

ການບໍ່ຢ້ານຕໍ່ການລົ້ມລະລາຍ, ທ່ານ ສະຕີບໄດ້ສ້າງ ບໍລິສັດຂື້ນມາໄໝ່ ແລະ ໃນຕອນຫຼັງກໍ່ໄດ້ລວມຕົວກັບບໍລິສັດ ແອັບເປີນ ອີກຄັ້ງ. ໃນທີ່ສຸດແລ້ວລາວກໍ່ກັບຄືນສູ່ບໍລິສັດ ແອັບເປີນ, ສະຕີບ ໄດ້ພິສູດໃຫ້ເຫັນຄວາມເປັນອັດສະລີຍະໃນການສ້າງບໍລິສັດໃຫ້ມີໜ້າຕາ ແລະ ນຳພາຍີ່ຫໍ້ສິນຄ້າຫຼາຍໆອັນຂອງບໍລິສັດສູ່ຄວາມສຳເລັດອັນສູງສົ່ງ.



ການເບິ່ງປະສົບການຂອງຄົນເຫຼົ່ານີ້ ມັນສ້າງແຮງບັນດານໃຈໃຫ້ແກ່ຄົນລຸ້ນຫຼັງຫຼາຍໆຄົນທີ່ດເນີນ ທຸລະກິດ ແລະ ອາດຈະພົບກັບປະສົບການຂອງການລົ້ມລະລາຍ ບໍ່ວ່າພວກເພີ່ນຈະຢູ່ໃນຂະໜາດໃດ ຫຼື ຂະແໜງທຸລະກິດໃດ. ໃນຂະນະທີ່ລົ້ມລະລາຍ, ທ່ານອາດຈະຄິດວ່າ ມັນແມ່ນຈຸດຈົບ, ແຕ່ໃຫ້ທ່ານຈົດຈຳໄວ້ວ່າ ບໍ່ມີໃຜທີ່ປະສົບຜົນສຳເລັດອັນຍິ່ງໃຫຍ່ ໂດຍບໍ່ຜ່ານປະສົບການອັນເຈັບແສບຈາກການລົ້ມລະລາຍມາກ່ອນ.

ໃຫ້ທ່ານ ຈົ່ງຮຽນຈາກຄວາມຜິດພາດ, ໃຫ້ເບິ່ງວ່າມັນກຳລັງສອນຫຍັງກັບທ່ານຢູ່ ແລະ ຮັບຄວາມລົ້ມລະລາຍ, ແຕ່ໃຫ້ທ່ານລອງຖາມເບິ່ງຕົນເອງອີກເບິ່ງວ່າ ຊີວິດນີ້ມີເປົ້າໝາຍຫຍັງ ແລະ ຈະມີການກ້າວຕໍ່ໄປໄດ້ແນວໃດ ເພື່ອໃຫ້ໄດ້ໃນສິ່ງທີ່ເປັນເປົ້າໝາຍໃນຊີວິດ ບໍ່ວ່າແມ່ນຫຍັງຈະເກີດຂື້ນ ການຄິດແນວນັ້ນມັນຈະເຮັດໃຫ້ທ່ານຍັງມີວິໃສທັດກັບເປົ້າໝາຍລວມ ແລະ ພ້ອມທີ່ຈະລົງມືເຮັດສິ່ງທີ່ດີໆທີ່ທ່ານຕ້ອງການຂື້ນມາໄດ້ອີກຄັ້ງ.

ຂອບໃຈທີ່ມາ: health.kapook.com

Post a Comment

0 Comments