ຂໍແຈ້ງຂ່າວບຸນມະຫາກຸສົນຮ່ວມພິທີທອດຜ້າປ່າສາມັກຄີວັດປ່າໂອ

ຂໍແຈ້ງຂ່າວບຸນມະຫາກຸສົນ ເຊີນອອກຕົນຍາດໂຍມ ພຸດທະບໍລິສັດທັງຫຼາຍ ເຂົ້າຮ່ວມພິທີທອດຜ້າປ່າສາມັກຄີ ເພື່ອສົມທົບທຶກຊຸກຍູ້ການສຶກສາ ແກ່ພຣະສົງຄ໌ສາມະເນນ ຈຳນວນ 500 ກວ່າອົງຄ໌ ທີ່ສຳນັກວັດປ່າຜາໂອ ນະຄອນຫຼວງພະບາງ ແຂວງຫຼວງພະບາງ ໃນວັນທີ່ 21 - 23 ທັນວາ 2018

ໂດຍເປັນປະທານຝ່າຍສົງຄ໌ໂດຍ: ຍາທ່ານໃຫ່ຍ ທອງສະຫວັນ ຈັນທາທິລາດ
ປະທານຝ່າຍຄາລະວາດໂດຍ: ທ່ານ ສົມສະຫວາດ ເລັ່ງສະຫວັດ

ການຖວາຍ ບຸນຜ້າປ່ານີ້ ແມ່ນເພື່ອເປັນສົ່ງເສີມແລະກໍ່ສ້າງສິ່ງອຳນວຍຄວາມສະດວກ ດ້ານທີ່ພັກເຊົາ ອຸປະກອນການສຶກສາ ອາຫານທີ່ສັນປະຈຳວັນ ຄ່ານ້ຳ ຄ່າໄຟຟ້າ... ທີ່ຍັງບໍ່ພຽງພໍ ເພາະທາງວັດຜາໂອ ນະຄອນຫລວງພະບາງ ແມ່ນໄດ້ຮັບເອົາລູກຫານຂອງປະຊາຊົນບັນດາເຜົ່າ ທີ່ຫ່າງໄກສອກຫລີກ ຂາດທີ່ເພິ່ງອາໄສ ຂາດໂອກາດໃນການຮ່ຳຮຽນ ຂາດພໍ່-ຂາດແມ່ ເຂົ້າມາບວດເປັນສາມະເນນ ຈຳນວນ 500 ກວ່າອົງຄ໌ ທີ່ວັດແຫ່ງນີ້ ເພື່ອເປັນການຮ່ວມກັນສົ່ງເສີມແລະຊ່ອຍເຫລືອ ໃຫ້ອະນາຄົດລູກຫລານທີ່ເຂົ້າມາເພິ່ງໃນບໍວອນພຣະພຸດທະສາສະໜານີ້ແລ້ວ ຈຶ່ງກໍ່ເກີດມີບຸນຜ້າປ່າເກີດຂຶ້ນເພື່ອບັນເທົາຄວາມຫຍຸ້ງຍາກ ຂັດສົນ ໃຫ້ດີຂຶ້ນ
ລາຍລະອຽດຂອງບຸນ ແມ່ນມີຄື:

- ວັນສຸກ ວັນທີ 21/12/2018 ມີການເຕົ້າໂຮມວັດຖຸທານແລະປັດໄຈຕ່າງໆ ຈາກຜູ້ໃຈບຸນທັງຫລາຍ ທີວັດນາໄຊ ເມືອງໄຊເສດຖາ ນະຄອນຫລວງວຽງຈັນ. ເວລາ : 11:00 ໂມງ ຖວາຍພັດຕາຫານເພນແດ່ພຣະພິກຂຸສົງ ກາງຄືນກໍ່ມີການຄົບງັນຕາມປະເພນີ ແລະສະຫລຸບປັດໄຈ.

- ວັນເສົາ ວັນທີ່ 22/12/2018 ຄະນະກອງບຸນຜ້າປ່າ ເດີນທາງຈາກ ນະຄອນຫລວງວຽງຈັນ ສູ່ນະຄອນຫລວງພຣະບາງ ໃນເວລາ 06:00 ໂມງເຊົ້າ

- ວັນອາທິດ ວັນທີ່ 23/12/2018 ເວລາ : 17:00 ໂມງ ມີພິທີໄຫວພຣະຮັບສິນ ສູຕຣ໌ປຣະຣິຕະມຸງຄູນ ແລະຖວາຍຜ້າປ່າສາມັກຄີ ປະທານຄາຣະວາດ ກ່າວຄຳສະແດງຄວາມຂອບໃຈ ຕໍ່ເຈົ້າພາບເຈົ້າສັດທາທັງຫລາຍ, ປະທານສົງ ກ່າວຄຳໂມນິຍະຄາຖາ ແລະຢາດນ້ຳຮັບພອນ ຈົນຈົບພິທີ.

















 

Post a Comment

0 Comments