ຫລັກການກິນໝາກແຕງໃຫ້ເປັນຢາ...


ໝາກແຕງເປັນພືດທີ່ທຸກຄົນຮູ້ ແລະ ປະຕິເສດບໍ່ໄດ້ວ່າເກືອບຈະເປັນພືດທີ່ໜ້ອຍຄົນຈະບໍ່ກິນ. ດັ່ງນັ້ນ, ໝາກແຕງຈຶ່ງເປັນທີ່ນິຍົມກິນກັນຫລາຍໃນບັນດາພືດດ້ວຍກັນ.









-ໝາກແຕງຊ່ວຍຫລຸດຄວາມຮ້ອນ: ຫາກມີອາການຮ້ອນໃນໃຫ້ກິນໝາກແຕງໃສ່ກໍ່ຈະຊ່ວຍຫລຸດຄວາມຮ້ອນພາຍໃນຮ່າງກາຍໄດ້ ຫລື ເມື່ອເກີດອາການຜິວໜັງຖືກແດດເຜົາໄໝ້ ໃຫ້ເອົາໝາກແຕງມາຝານເປັນແຜ່ນບາງໆວາງໄວ້ບໍລິເວນຜິວໜັງທີ່ຖືກແດດເຜົາໄໝ້ນັ້ນ ກໍ່ຈະຊ່ວຍຫລຸດຜ່ອນອາການແສບ ແລະ ອອກຮ້ອນລົງໄດ້.





-ໝາກແຕງຊ່ວຍໄລ່ສານພິດ: ນອກຈາກນຳ້ໃນໝາກແຕງຈະຊ່ວຍໄລ່ສານພິດໃນຮ່າງກາຍແລ້ວ ການກິນໝາກແຕງຍັງຈະຊ່ວຍລະລາຍໜິ້ວໃນໝາກໄຂ່ຫລັງໄດ້ນຳ.





-ໝາກແຕງມີວິຕາມິນທີ່ຮ່າງກາຍຕ້ອງການໃນແຕ່ລະມື້: ເຊິ່ງຈະຊ່ວຍໃຫ້ລະບົບພູມຕ້ານທານແຂງແຮງ ທັງຍັງມີວິຕາມິນຊີຊ່ວຍໃຫ້ຜິວງາມສົດໃສຂຶ້ນ.









-ໝາກແຕງມີໂປຕັສຊຽມ ແລະ ແມັກນີຊຽມ: ຈຶ່ງບໍ່ໜ້າແປກໃຈວ່າເປັນຫຍັງສະປາຫລາຍແຫ່ງ ຈຶ່ງນິຍົມໃຊ້ໝາກແຕງເປັນສ່ວນປະສົມໃນຄຣີມ.





-ໝາກແຕງຊ່ວຍໃນການເຜົາຜານ ແລະ ຫລຸດນຳ້ໜັກໄດ້: ຍ້ອນໝາກແຕງປະກອບດ້ວຍນຳ້ເປັນສ່ວນຫລາຍ ເຮັດໃຫ້ມັນມີແຄລໍຣີຕໍ່າ. ສຳລັບຜູ້ທີ່ກຳລັງຫລຸດນຳ້ໜັກ ການກິນໝາກແຕງຈະດີຫລາຍ ເພາະມີກາກໄຍຊ່ວຍຫລຸດບັນຫາການຖ່າຍຍາກໄດ້.





-ໝາກແຕງຊ່ວຍຫລຸດການອັກເສບ: ຜູ້ທີ່ມີຖົງກ້ອງຕາບວມ ແລະ ດຳຄຳ້ ໃຫ້ຝານໝາກແຕງເປັນແຜ່ນບາງໆມາວາງປົກໄວ້ບໍລິເວນນັ້ນຈະຊ່ວຍຫລຸດອາການບວມ ແລະ ດຳຄຳ້ລົງໄດ້.









-ໝາກແຕງຍັງຊ່ວຍຫລຸດຄວາມສ່ຽງເປັນມະເຮັງຮັງໄຂ່, ມະເຮັງເຕົ້ານົມ ແລະ ມະເຮັງຕ່ອມລູກໝາກໄດ້.





-ໝາກແຕງປົວພະຍາດເບົາຫວານ: ຫລຸດຄໍເລສເຕີຣໍ ແລະ ຄວບຄຸມຄວາມດັນເລືອດ ໂດຍໝາກແຕງມີຮໍໂມນທີ່ມ້າມໃຊ້ໃນການຜະລິດອິນຊູລິນ ເຊິ່ງເປັນປະໂຫຍດຕໍ່ຄົນເປັນເບົາຫວານ, ຜົນການວິໄຈພົບວ່າສານປະກອບໃນໝາກແຕງສາມາດຊ່ວຍຫລຸດຄໍເລສເຕີຣໍໄດ້ ທັງຍັງມີໄຟເບີ, ໂປຕັສຊຽມ ແລະ ແມັກນີຊຽມ ເປັນສ່ວນຊ່ວຍຄວບຄຸມຄວາມດັນເລືອດໃຫ້ເປັນປົກກະຕິ ໝາກແຕງ ຈຶ່ງສົ່ງຜົນດີຕໍ່ຜູ້ທີ່ມີຄວາມດັນສູງ ຫລື ຄວາມດັນຕໍ່າ.





-ນຳ້ໝາກແຕງຊ່ວຍປິ່ນປົວພະຍາດເຫືອກ: ເອົາໝາກແຕງມາຝານເປັນແຜ່ນໃຊ້ລີ້ນດັນໄວ້ເທິງເພດານປາກເຄິ່ງນາທີ ຊ່ວຍຂ້າເຊື້ອແບັກທີເຣຍໃນປາກທີ່ເປັນສາເຫດຂອງກິ່ນປາກໄດ້.









-ໝາກແຕງຊ່ວຍປິ່ນປົວອາການເມົາຄ້າງ: ແນະນຳໃຫ້ກິນຫລັງຈາກດື່ມແອວກໍຮໍ ຫລື ກິນກ່ອນຈະເຂົ້ານອນ ຈະຊ່ວຍຫລຸດອາການເຈັບຫົວໃນຕອນເຊົ້າລົງໄດ້ ເພາະໃນໝາກແຕງມີວິຕາມິນບີ ແລະ ນຳ້ຕານຊ່ວຍຫລຸດອາການເມົາຄ້າງໄດ້ດີ.






ທີ່ມາ: www.sanook.com


Post a Comment

0 Comments