Header Ads

ຝຣັ່ງ ຫ້າມບໍ່ໃຫ້ມີການຂາຍລົດໃສ່ນໍ້າມັນນັບແຕ່ປີ 2040 ເປັນຕົ້ນໄປ...


ລັດຖະມົນຕີສິ່ງແວດລ້ອຂອງປະເທດຝຣັ່ງ ປະກາດວ່າ: ນັບແຕ່ປີ 2040 ຈະບໍ່ມີການຂາຍລົດທີ່ໃສ່ນໍ້າມັນເຊື້ອໄຟທັງແບບແອັດຊັງ ແລະ ກາຊວນໃນປະເທດຝຣັ່ງອີກຕໍ່ໄປ.










ໂດຍທ່ານ Nicolas Hulot ລັດຖະມົນຕີວ່າການກະຊວງສິ່ງແວດລ້ອມ ຂອງປະເທດຝຣັ່ງ ໄດ້ວາງແຜນງານເປັນໄລຍະເວລາ 5 ປີ ເພື່ອສົ່ງເສີມການໃຊ້ພະລັງງານສະອາດໃຫ້ສອດຄ່ອງກັບຂໍ້ຕົກລົງປາຣີ (Paris accord ຂອບອະນຸສັນຍາສະຫະປະຊາຊາດວ່າດ້ວຍການປ່ຽນແປງສະພາບອາກາດ ເພື່ອກໍານົດມາດຕະການຫຼຸດການປ່ອຍແກັສກາກບອນໄດອອກໄຊ) ແລະ ຍັງກ່າວອີກວ່າ: ບໍລິສັດຜະລິດລົດຍົນສັນຊາດຝຣັ່ງ ສາມາດເຮັດໃຫ້ສິ່ງນີ້ກາຍເປັນຄວາມຈິງໄດ້.
ເຊິ່ງການຖະແຫຼງຂ່າວຂອງ Nicolas Hulot ເກີດຂຶ້ນພຽງໜຶ່ງວັນ ພາຍຫຼັງບໍລິສັດຜະລິດລົດຍົນສັນຊາດຊູແອດເຊັ່ນ: Volvo ໄດ້ປະກາດວ່າ: ຈະເປັນແບນລົດຍົນລາຍທໍາອິດຂອງໂລກ ທີ່ຍົກເລີກການຜະລິດລົດເກັງ ແລະ ລົດ SUV ທີ່ໃຊ້ເຄື່ອງຍົນແບບສັນດາບພາຍໃນ (ຫຼື ເຊົາຜະລິດລົດທີ່ໃສ່ນໍ້າມັນນັ້ນເອງ).










ໂດຍຜູ້ນໍາຂອງຝຣັ່ງ ຕ້ອງການໃຫ້ຮູບແບບລົດທີ່ໃສ່ນໍ້າມັນກາຊວນນັບແຕ່ປີ 2020 ໂດຍທີ່ລົດຍົນກາຊວນ ໄດ້ຕົກເປັນຈໍາເລີຍໃນເລື່ອງຂອງການເຮັດໃຫ້ເກີດມົນລະພິດໃນເມືອງຫຼວງຂອງປະເທດເຊັ່ນປາຣີ.
ແຕ່ແຜນງານຂອງ Nicolas Hulot ຄວບຄຸມທົ່ວປະເທດ ແລະ ຕ້ອງການຫ້າມລົດທີ່ໃສ່ນໍ້າແອັດຊັງນຳ ແລະ ຈາກຄວາມເປັນຈິງທີ່ວ່າ ລົດທີ່ໃຊ້ພະລັງງານໄຟຟ້ານັ້ນ ມີລາຄາແພງກວ່າລົດທີ່ໃສ່ນໍ້າມັນ ທ່ານຈຶ່ງມີແຜນການທີ່ຈະຊ່ວຍເຫຼືອໃຫ້ຄອບຄົວທີ່ມີລາຍຮັບບໍ່ຫຼາຍ ສາມາດຊື້ລົດພະລັງງານໄຟຟ້າໄດ້.
ໂດຍບໍລິສັດ PSA Group ທີ່ເບິ່ງແຍງການຜລິດລົດຍົນຍີ່ຫໍ້ຝຣັ່ງເຊັ່ນ Peugeot ແລະ Citroen ໄດ້ອອກມາກ່າວຂ່າວວ່າ: ກະຊວງສິ່ງແວດລ້ອມ ໄດ້ຕັ້ງເປົ້າໝາຍໄວ້ວ່າ ພາຍໃນປີ 2023 ຍອດການຜະລດລົດຍົນພະລັງງານໄຟຟ້າ ແລະ ລົດຍົນ Hybrid ຕ້ອງມີຈໍານວນເປັນ 80 ເປີເຊັນ ຂອງຍອດການຜະລິດທັງໝົດ.










ນອກຈາກເລື່ອງການສະໜັບສະໜູນໃຫ້ປະຊາຊົນໃຊ້ລົດພະລັງງານໄຟຟ້າແລ້ວ Nicolas Hulot ຍັງມີເປົ້າໝາຍໃນການທີ່ຈະໃຫ້ຝຣັ່ງຢຸດຕິການໃຊ້ພະລັງງານໄຟຟ້າທີ່ຜະລິດຈາກຖ່ານຫີນພາຍໃນປີ 2022 ໂດຍປັດຈຸບັນນີ້ ກໍາລັງການຜະລິດໄຟຟ້າ 5 ເປີເຊັນ ມາຈາກຖ່ານຫີນ ລວມທັງມີແຜນການທີ່ຈະຫຼຸດອັດຕາສ່ວນການຜະລິດໄຟຟ້າຈາກພະລັງງານນິວເຄຼຍ ຈາກ 75 ເປີເຊັນ ໃຫ້ເຫຼືອພຽງ 50 ເປີເຊັນ ພາຍໃນປີ 2025 ນຳອີກ.






ຂອບໃຈທີ່ມາ:mthai.com


No comments

Powered by Blogger.