Header Ads

ວິທີຫລຸດການອິດເມື່ອຍອ່ອນເພຍຫລັງເດີນທາງ...


ທ່ານເຄີຍມີອາການແບບນີ້ຫລືບໍ່ ເວລາເດີນທາງທ່ອງທ່ຽວຈະມ່ວນຊື່ນ, ຕື່ນເຕັ້ນກັບສິ່ງອ້ອມຂ້າງ ແລະ ປະສົບການໃໝ່ໆ, ລືມຄວາມອິດເມື່ອຍອ່ອນເພຍໄປເລີຍ, ແຕ່ຫລັງຈາກກັບມາຈາກການເດີນທາງແລ້ວ ຮ່າງກາຍຈະຂາດຄວາມດຸ່ນດ່ຽງ, ຮູ້ສຶກອ່ອນເພຍ, ບໍ່ມີເຫື່ອແຮງ, ຈິດໃຈບໍ່ແຈ່ມໃສ, ບາງຄົນອາດເຈັບຫົວ ຫລື ບໍ່ສະບາຍເປັນໄຂ້ກໍ່ມີ. ດັ່ງນັ້ນ, ເຮົາມີວິທີເຮັດໃຫ້ຮ່າງກາຍກັບມາສົດຊື່ນຫ້າວຫັນ ແລະ ຮູ້ສຶກດີຂຶ້ນໄດ້ຫລັງຈາກການເດີນທາງມາແນະນຳ.









1.ດື່ມນ້ຳໝາກໄມ້: ໝາກໄມ້ມີປະໂຫຍດໃນທຸກສະຖານະການແທ້ໆ ເພາະເມື່ອຮ່າງກາຍອ່ອນເພຍ, ບໍ່ມີເຫື່ອແຮງ ວິທີທີ່ຈະຊ່ວຍໃຫ້ຮູ້ສຶກສົດຊື່ນຂຶ້ນມາໄດ້ຢ່າງໄວວາ ແລະ ງ່າຍດາຍນັ້ນກໍ່ຄື: ການດື່ມນ້ຳໝາກໄມ້, ນ້ຳປັ່ນໝາກໄມ້ລວມ ໂດຍສະເພາະການປັ່ນໝາກໄມ້ທີ່ສາມາດກິນໄດ້ທັງເປືອກປັ່ນແບບບໍ່ເອົາກາກອອກ ເຊັ່ນ: ໝາກໄມ້ຕະກູນເບີຣີ ຈະຊ່ວຍໃຫ້ຮ່າງກາຍກັບຄືນສູ່ຄວາມດຸ່ນດ່ຽງໄດ້ໄວຂຶ້ນ.





2.ກິນເຂົ້າເຊົ້າ: ຮ່າງກາຍຄົນເຮົາຈະມີລະດັບການເຜົາຜານອາຫານສູງສຸດໃນຕອນທ່ຽງ, ອາຫານທີ່ດີແມ່ນອາຫານທີ່ກິນແຕ່ເຊົ້າ (ພາຍໃນຊົ່ວໂມງທຳອິດຫລັງຕື່ນນອນ) ຄວນກິນເຂົ້າເຊົ້າ ແລະ ເຂົ້າສວາຍເປັນຄາບຫລັກ ໂດຍໃຫ້ເນັ້ນໜັກໄປໃນອາຫານ ທາງໂປຣຕິນ ແລະ ໄຂມັນ. ສ່ວນອາຫານຄາບແລງຄວນເປັນຄາບນ້ອຍໆ, ເນັ້ນໄປທາງຄາໂບໄຮເດຣດ ເຊັ່ນ ໝາກໄມ້, ຜັກ, ທັນຍາພືດທີ່ບໍ່ຜ່ານການຜັດສີທີ່ມີຄຸນຄ່າສູງ ເຊິ່ງອາຫານກຸ່ມຄາໄບໄຮເດຣດຈະຊ່ວຍໃຫ້ຮ່າງກາຍຜ່ອນຄາຍ, ຫລັບສະບາຍ ແລະ ຊ່ວຍລ້າງພິດໃນໄລຍະທີ່ເຮົາຫລັບຢູ່.









3.ນອນຫລັບໃຫ້ແຈບດີ: ໃນໄລຍະຫລັງກັບມາຈາກການເດີນທາງ ບາງຄົນອາດຈະມີອາການນອນບໍ່ຫລັບ, ສັບສົນກະວົນກະວາຍ ເນື່ອງຈາກຮ່າງກາຍຕ້ອງປັບໂຕກັບການປ່ຽນອາກາດ ແລະ ສະພາບແວດລ້ອມ. ດັ່ງນັ້ນ, ຄວນຫາວິທີຊ່ວຍໃຫ້ຫລັບແຈບດີ ໂດຍການດື່ມນົມອຸ່ນໆ ເພາະນົມມີກົດອະມິໂນທີ່ຊ່ວຍໃນການນອນຫລັບ. ນອກຈາກນັ້ນ ຫ້ອງນອນກໍ່ຄວນມືດ ແລະ ມິດງຽບ, ຫລີກເວັ້ນການຕັ້ງໂມງປຸກໃນໄລຍະ 45 – 120 ນາທີ ທໍາອິດ ເພາະເປັນໄລຍະທີ່ເຮົາກຳລັງຫລັບເລິກຫລັບແຈບ ຖ້າຕື່ນໃນໄລຍະນີ້ຈະເຮັດໃຫ້ເຮົາວິນຫົວ ແລະ ບໍ່ສົດໃສ.









4.ຫາຍໃຈໃຫ້ເປັນ: ການຝຶກຫາຍໃຈແບບສະບາຍໆ ວິທີການຝຶກເຮັດໄດ້ໂດຍການຫາບ່ອນນັ່ງງຽບໆ ປະມານ 5 ນາທີ ນັ່ງຫລັງບໍ່ຂົດງໍ ແລະ ບໍ່ເກັງ, ວາງມືເບື້ອງໜຶ່ງໄວ້ໜ້າເອິກເບົາໆ, ວາງອີກເບື້ອງໜຶ່ງໄວ້ໜ້າທ້ອງເບົາໆ ຫາຍໃຈເຂົ້າ ແລະ ຫາຍໃຈອອກຢ່າງຊ້າໆ ພ້ອມກັນນີ້ໃຫ້ເຮັດຄວາມຮູ້ສຶກວ່າ ຫາຍໃຈເຂົ້າ ຂ້ອຍຜ່ອນຄາຍ, ຫາຍໃຈອອກ ຂ້ອຍຜ່ອນຄາຍ. ວິທີນີ້ຈະຊ່ວຍຄາຍກ້າມຊີ້ນສະໝອງ, ຫລຸດຄວາມເຄັ່ງຄຽດລົງ ແລະ ຜ່ອນຄາຍຂຶ້ນໄດ້.






ຂອບໃຈທີ່ມາ:mthai.com


No comments

Powered by Blogger.