Header Ads

ອາຫານທີ່ເຖິງຈະໝົດອາຍຸ ແຕ່ກໍ່ຍັງກິນໄດ້…


ເມື່ອບໍ່ດົນມານີ້ ມີການເປີດເຜີຍຜົນສຳຫລວດໂລກທີ່ວ່າອາຫານທີ່ຜະລິດໃນລະບົບເສດຖະກິດໂລກປະມານ 30 – 50% ຖືກ ຖິ້ມໂດຍບໍ່ເຄີຍລົງເຖິງທ້ອງປະຊາຊົນ ໂດຍສະເພາະໃນເອີຣົບ ແລະ ອາເມລິກາ ເຊິ່ງອາຫານ 50% ທີ່ ຖືກຖິ້ມຍ້ອນໝົດອາຍຸ ໂດຍທີ່ໃນຄວາມຈິງແລ້ວອາຫານຫລາຍຊະນິດຍັງກິນໄດ້ ເຊິ່ງໂຕເລກນີ້ນຳມາເຊິ່ງການວິພາກວິຈານຊຸບເປີມາເກັດທີ່ມີຄ່ານິຍົມເລືອກຂາຍອາຫານສະເພາະທີ່ມີຮູບຮ່າງໜ້າຕາສົມບູນແບບ, ບໍ່ມີຮອຍດ່າງດ້ອຍ ລວມເຖິງກົດເກນການກຳນົດວັນເດືອນປີໝົດອາຍຸທີ່ເຂັ້ມງວດເກີນໄປ ເຊິ່ງທັງ 2 ຢ່າງນີ້ເຮັດໃຫ້ອາຫານຈຳນວນຫລາຍຕ້ອງຖືກຖິ້ມໄປໂດຍບໍ່ໄດ້ສ້າງປະໂຫຍດຫຍັງເລີຍ ແລະ ມີຄົນອີກຟາກໂລກໜຶ່ງທີ່ຍັງອຶດຫິວໂດຍທີ່ຕ້ອງສູນເສຍຊັບພະຍາກອນທຳມະຊາດ ແລະ ພະລັງງານມະຫາສານໃນການຜະລິດມັນອອກມາ.









-ເຂົ້າໜົມກິນຫລິ້ນຕ່າງໆ : ປະເພດເຂົ້າໜົມອົບ ຫລື ຈືນທັງຫລາຍຍັງກິນໄດ້ ເຖິງຈະຜ່ານວັນເດືອນປີໝົດອາຍຸຢູ່ຂ້າງຖົງໄປແລ້ວເປັນເດືອນ ພຽງແຕ່ມັນອາດຈະເລີ່ມມີກິ່ນຂິວ ແລະ ບໍ່ກອບຄືເກົ່າ ເຊິ່ງວິທີແກ້ໄຂກໍເຮັດໄດ້ງ່າຍໂດຍການເທເຂົ້າໜົມໃສ່ຖາດ, ຮົມນຳ້ມັນໜ້ອຍໜຶ່ງ ແລ້ວເອົາໄປອົບ ກໍຈະໄດ້ເຂົ້າໜົມກິນຫລິ້ນອົບກອບທີ່ສົດໃໝ່ ແລະ ກິນໄດ້ຢ່າງປອດໄພຕໍ່ສຸຂະພາບ.
-ໂຢເກິດ : ອາຫານອີກຊະນິດໜຶ່ງທີ່ເກືອບຈະບໍ່ມີມື້ໝົດອາຍຸຍ້ອນໂຢເກິດເປັນນົມທີ່ຖືກເຮັດໃຫ້ບູດໄປແລ້ວເທື່ອໜຶ່ງ ແລະ ເຕັມໄປດ້ວຍຈຸລິນຊີຊະນິດດີທີ່ສາມາດຂ້າເຊື້ອແບັກທີເຣຍ ແລະ ຈຸລິນຊີທີ່ເຮັດໃຫ້ທ່ານເຈັບທ້ອງໄດ້ ຍ້ອນເຫດນີ້ທ່ານຈຶ່ງສາມາດກິນໂຢເກິດໄດ້ເຖິງວ່າຈະກາຍວັນເດືອນປີທີ່ໝົດອາຍຸໄປແລ້ວຫລາຍເດືອນ.










-ຊັອກໂກແລັດ : ຂອງຫວານທີ່ເກືອບຈະບໍ່ມີໃຜປະຕິເສດໄດ້ ກໍເປັນອາຫານອີກຊະນິດໜຶ່ງທີ່ບໍ່ເນົ່າ ນອກຈາກທ່ານຈະເຮັດມັນເປື່ອຍ ເຊິ່ງຊັອກໂກແລັດທີ່ເກັບມ້ຽນໄວ້ດົນເກີນໄປຈະມີຝ້າຂາວໆຂຶ້ນ ເຊິ່ງບໍ່ແມ່ນເຊື້ອລາ, ແຕ່ເປັນປະຕິກິລິຍາຂອງໄຂມັນໃນຊັອກໂກແລັດເມື່ອພົບກັບອາກາດ.
-ໄຂ່ : ອາຫານຄູ່ເຮືອນຂອງຄົນທົ່ວໂລກ ສາມາດເກັບມ້ຽນໄດ້ດົນກ່ວາທ່ີທ່ານຄິດ ພຽງແຕ່ເກັບມ້ຽນໃນບ່ອນແຫ້ງ ແລະ ເຢັນ ອຸນຫະພູມຕໍ່າກ່ວາ 5 ອົງສາ ທ່ານກໍສາມາດເກັບມ້ຽນໄຂ່ໄດ້ດົນ 3 – 5 ອາທິດ ເນື່ອງຈາກອຸນຫະພູມລະດັບນີ້ສາມາດຂັດຂວາງການເຕີບໃຫຍ່ຂອງເຊື້ອຊັລໂມເນລາເຊື້ອພະຍາດຮ້າຍແຮງທີ່ມັກເກີດໃນໄຂ່ໄດ້.










-ນົມ : ແມ່ນຢູ່ທີ່ນົມອາດມີກິ່ນ ແລະ ລົດຊາດບໍ່ດີຫາກປະໄວ້ໃນອຸນຫະພູມທຳມະດາດົນເກີນໄປ, ແຕ່ກິ່ນ ແລະ ລົດຊາດທີ່ປ່ຽນໄປບໍ່ໄດ້ໝາຍຄວາມວ່ານົມກ່ອງນັ້ນບູດ ເພາະກ່ວານົມຈະບູດເຖິງຂັ້ນເຮັດໃຫ້ທ່ານເຈັບທ້ອງເມື່ອດື່ມເຂົ້າໄປຕ້ອງໃຊ້ເວລາຫລັງຈາກນົມນັ້ນເລີ່ມມີກິ່ນດົນຫລາຍຊົ່ວໂມງ, ແຕ່ຫາກທ່ານຢາກຍືດອາຍຸນົມໂດຍບໍ່ຕ້ອງອົດດື່ມນົມມີກິ່ນກໍຄວນອັດຝາກ່ອງນົມ ແລະ ເອົາເຂົ້າໄວ້ໃນຕູ້ເຢັນທັນທີຫລັງຈາກດື່ມ ອຸນຫະພູມທີ່ເໝາະສົມໃນການເກັບມ້ຽນນົມແມ່ນ 2 ອົງສາ ພຽງເທົ່ານີ້ນົມຂອງທ່ານກໍຈະຢູ່ໄດ້ດົນ ບໍ່ຕ້ອງໂຍນຖິ້ມຍ້ອນດື່ມນົມບໍ່ໝົດກ່ອນວັນເດືອນປີໝົດອາຍຸຢູ່ຂ້າງກ່ອງອີກຕໍ່ໄປ.






ຂອບໃຈທີ່ມາ:www.sanook.com


No comments

Powered by Blogger.