ຫຍ້ຳໝາກຝຣັ່ງ ແລະ ອົມເຂົ້າໜົມຊ່ວຍຫລຸດກິ່ນປາກໄດ້ແທ້ບໍ່ ?


ປະຈຸບັນມີຄົນຈຳນວນບໍ່ໜ້ອຍກຳລັງເຂົ້າໃຈຜິດວ່າການຫຍຳ້ໝາກຝຣັ່ງ ແລະ ອົມເຂົ້າໜົມ ສາມາດຫລຸດກິ່ນປາກໄດ້ ເຊິ່ງ ຄວາມຈິງແລ້ວການໃຊ້ວິທີຖູແຂ້ວຈະໄດ້ຜົນດີທີ່ສຸດ ນອກຈາກຈະເຮັດໃຫ້ຜົ້ງປາກສະອາດແລ້ວ ຍັງຫລຸດຄວາມສ່ຽງເປັນແຂ້ວແມງ ຫລື ແຂ້ວຜຸຜ່ອຍນຳ.










ຈາກການສຳຫລວດພົບວ່າບັນດານັກຮຽນ – ນັກສຶກສາ ລວມເຖິງພະນັກງານຫ້ອງການ ສ່ວນຫລາຍເຂົ້າໃຈຜິດໂດຍການຫຍຳ້ໝາກຝຣັ່ງ ແລະ ອົມເຂົ້າໜົມເພື່ອກຳຈັດກິ່ນປາກ, ແຕ່ຄວາມຈິງນັ້ນການຫຍຳ້ໝາກຝຣັ່ງ ແລະ ອົມເຂົ້າໜົມໃຫ້ກິ່ນຫອມເພື່ອແກ້ໄຂບັນຫາກິ່ນປາກໄດ້ພຽງແຕ່ຊົ່ວຄາວເທົ່ານັ້ນ ເຊິ່ງອາດເຮັດໃຫ້ໄດ້ຮັບອັນຕະລາຍຈາກສານເຄມີ, ສານສັງເຄາະທີ່ເປັນສ່ວນປະກອບຂອງໝາກຝຣັ່ງ ແລະ ເຂົ້າໜົມອົມຫລາຍເກີນໄປ ເຊັ່ນ: ສານກັນບູດ (PBA) ແລະ ສານໃຫ້ຄວາມຫວານທົດແທນນຳ້ຕານເອສປາແຕມ (aspartame) ເຊິ່ງຫາກບໍລິໂພກໃນປະລິມານຫລາຍເກີນກ່ວາ 50 ມິນລີກຣາມຕໍ່ນຳ້ໜັກໂຕ 1 ກິໂລກຣາມຕໍ່ມື້ ອາດເຮັດໃຫ້ເກີດພະຍາດມະເຮັງ ແລະ ອັນຕະລາຍຕໍ່ສະໝອງໄດ້ ລວມທັງສານທີ່ໃຫ້ລົດຊາດຄືນຳ້ຕານແທ້ ແລະ ໃຫ້ພະລັງງານຕໍ່າ ເຊັ່ນ: ຊູຄລາໂລສ ຫາກໄດ້ຮັບຫລາຍເກີນ 15 ມິນລີກຣາມຕໍ່ນໍ້າໜັກໂຕ 1 ກິໂລກຣາມຕໍ່ມື້ ຈະເປັນອັນຕະລາຍຕໍ່ຕ່ອມໄທຣອຍ, ຕັບ ແລະ ໝາກໄຂ່ຫລັງໄດ້ຄືກັນ.










ການຫລຸດກິ່ນປາກທີ່ມີປະສິດທິພາບຈຶ່ງຕ້ອງເບິ່ງແຍງ ແລະ ເຮັດຄວາມສະອາດຜົ້ງປາກເປັນປະຈຳຖູແຂ້ວມື້ລະ 2 ເທື່ອໂດຍຢາຖູແຂ້ວປະສົມຟລູອໍໄຣ ຕອນເຊົ້າ ແລະ ກ່ອນນອນ, ຖູແຂ້ວຢ່າງໜ້ອຍ 2 ນາທີ ເພື່ອໃຫ້ສະອາດທົ່ວປາກ ແລະ ແຂ້ວທຸກເຫລັ້ມ, ທຸກດ້ານ ແລະ ໃຫ້ຟລູອໍໄຣໄດ້ໃຊ້ເວລາເຮັດປະຕິກິລິຍາກັບແຂ້ວເພື່ອປ້ອງກັນແຂ້ວແມງ ຫລື ແຂ້ວຜຸຜ່ອຍຢ່າງມີປະສິດທິພາບ ລວມເຖິງປ່ອຍໃຫ້ປາກສະອາດ ບໍ່ກິນເຂົ້າໜົມຫວານ, ນຳ້ອັດລົມຫລັງຖູແຂ້ວ 2 ຊົ່ວໂມງ ແລະ ຫາກໃຊ້ໄໝຜັດແຂ້ວເຮັດຄວາມສະອາດແຂ້ວມື້ລະເທື່ອ ກໍ່ຈະດີຕໍ່ສຸຂະພາບຜົ້ງປາກຍິ່ງຂຶ້ນ.










ນອກຈາກນີ້, ແນະນຳໃຫ້ຖູລີ້ນນຳ ຈະຊ່ວຍຫລຸດກິ່ນປາກໄດ້ດີ ລວມທັງການດື່ມນຳ້ບໍລິສຸດຕະຫລອດກໍ່ຈະຊ່ວຍຮັກສາສຸຂະພາບກາຍ ແລະ ຄົງຄວາມສົດຊື່ນຂອງປາກໄດ້, ແຕ່ຖ້າມີເຫືອກອັກເສບ, ມີຫີນປູນ ຫລື ແຂ້ວແມງ ຄວນໄປພົບທ່ານໝໍປົວແຂ້ວເພື່ອຮັບການປິ່ນປົວທັນທີ.
ຂອບໃຈທີ່ມາ: .blogspot.com


Post a Comment

0 Comments