ໃຜແດ່…ທີ່ໄດ້ຜົນປະໂຫຍດຈາກສົງຄາມການຄ້າ?


ຍິ່ງສົງຄາມການຄ້າຍາວນານເທົ່າໃດ ASEAN ກໍ່ຈະໄດ້ຮັບຜົນປະໂຫຍດຫຼາຍເທົ່ານັ້ນ ແຕ່ອາດບໍ່ແມ່ນປະເທດລາວເຮົາ. ຈາກເມັດເງິນລົງທຶນທີ່ໄຫຼເຂົ້າໃນບັນດາປະເທດສະມາຊິກອາຊຽນ ສະແດງໃຫ້ເຫັນວ່າ ສົງຄາມກ້ານຄ້າລະຫວ່າງສອງມະຫາອຳນາດທາງດ້ານເສດຖະກິດຂອງໂລກ ໂດຍທີ່ສະຫະລັດອາເມຣິກາ ໄດ້ດັນເພດານພາສີການນໍາເຂົ້າສິນຄ້າຈາກຈີນທີ່ມີມູນຄ່າຫຼາຍເຖິງ 200 ຕື້ໂດລ່າສະຫະລັດ. ຍ້ອນເປັນແບບນັ້ນບັນດາຜູ້ຜະລິດທີ່ມີຖານການຜະລິດໃນຈີນຢູ່ ຈຶ່ງຮີບຟ້າວຍ້າຍຖານຜະລິດອອກມາຢູ່ບັນດາປະເທດ ASEAN.










ເປັນຫຍັງຕ້ອງຍ້າຍ?
ມີຫຼາຍປັດໄຈຢູ່ ແຕ່ປັດໄຈຫຼັກໆຄື:





-ເພື່ອຫຼີກອອກຈາກຜົນກະທົບຂອງສົງຄາມການຄ້າ ເມື່ອຜະລິດແລ້ວສົ່ງເຂົ້າໄປໃນຕະຫຼາດຫຼັກບໍ່ໄດ້ກໍ່ໄປບໍ່ໄຫວ…ຍ້າຍດີກວ່າ.





-ຄ່າແຮງງານຂອງຈີນເພີ່ມຂຶ້ນຢ່າງຕໍ່ເນື່ອງ ເຮັດໃຫ້ຕົ້ນທຶນການຜະລິດສູງຂຶ້ນ ໃນເມື່ອມີຕົວເລືອກຄືປະເທດ ASEAN ທີ່ຢູ່ໃກ້ໆນີ້ ຈຶ່ງບໍ່ລໍຊ້າ.





-ບັນດາປະເທດ ASEAN ບໍ່ມີຄວາມຂັດແຍ່ງກັບທັງຈີນ ແລະ ສະຫະລັດ ຜະລິດແລ້ວສົ່ງໃຫ້ຝ່າຍໃດກໍ່ໄດ້.










ຍິ່ງສົງຄາມການຄ້າຊັດເຈນຂຶ້ນເທົ່າໃດ ກັບກາຍເປັນວ່າປະເທດທີ່ໄດ້ຮັບຜົນປະໂຫຍດກໍ່ຄື ASEAN. ໃນເຄິ່ງປີທໍາອິດຂອງປີ 2018 ນັ້ນ ການລົງທຶນໂດຍກົງຈາກຕ່າງປະເທດ ຫຼື Foreign Direct Investment (FDI) ເຂົ້າສູ່ກຸມປະເທດ ASEAN ສູງເຖິງ 18 ເປີເຊັນ ຫຼືປະມານ 73,000 ລ້ານຫຼຽນສະຫະລັດ.
ສຳລັບປະເທດທີ່ໄດ້ຮັບປະໂຫຍດປະກອບໄດ້ດ້ວຍ ໄທ, ຟີລິບປິນ, ກໍາປູເຈຍ, ສິງກະໂປ ແລະ ລວມເຖິງຫວຽດນາມອີກດ້ວຍ. ນອກຈາກນັ້ນປະເທດນອກ ASEAN ກໍ່ໄດ້ຮັບປະໂຫຍດບໍ່ໜ້ອຍເຊັ່ນກັນ ເພາະເມັດເງິນການລົງທຶນໃນອິນເດຍເພີ່ມຂຶ້ນ 13 ເປີເຊັນ ຫຼື 25,000 ລ້ານຫຼຽນສະຫະລັດເລີຍ.
American Chamber of Commerce in China ບອກວ່າ ການສໍາຫຼວດເມື່ອບໍ່ດົນມານີ້ ມີບໍລິສັດສັນຊາດອາເມຣິີກາໃນຈີນທີ່ກຳລັງທີ່ຈະຍ້າຍຖານການຜະລິດ ແລະ ບາງຈໍານວນໄດ້ຍ້າຍໄປສູ່ ASEAN ແລ້ວປະມານ 18.5 ເປີເຊັນ.










ຕົວຢ່າງເລັກໆນ້ອຍໆຕາມນີ້ເລີຍ





Panasonic ຍ້າຍການຜະລິດຊິ້ນສ່ວນຈາກສະຫະລັດສູ່ມາເລເຊຍ.





LG Innotek (ມູນຄ່າ 500 ລ້ານຫຼຽນ) ແລະ Hyosung Corp (ມູນຄ່າ 1.2 ພັນລ້ານຫຼຽນ) ຍ້າຍໄປທີ່ຫວຽດນາມ.






ຂອບໃຈທີ່ມາ: asia.nikkei.com


Post a Comment

0 Comments