ການຈື່ຈໍາສໍາລັບຄົນເຮັດວຽກ!!!


ເຕັກນິກຊ່ວຍຈື່ສໍາລັບຄົນເຮັດວຽກ...ທີ່ມັກມີຶາການຫຼົງລືມງ່າຍ:









1.ຈົດຊ່ວຍຈື່: ທ່ານບໍ່ຈຳເປັນຕ້ອງເອົາຂໍ້ມູນທັງໝົດເທິງໂຕະເຮັດວຽກເຂົ້າມາໃສ່ໃນສະໝອງ ພຽງແຕ່ທ່ານລຽບລຽງ ຄວາມຄິດຂອງທ່ານໃໝ່ ແລ້ວຈົດມັນລົງໄປໃນປື້ມພົກພາທີ່ທ່ານສາມາດເປີດອ່ານໄດ້ທັນທີທີ່ທ່ານນັ້ນຕ້ອງການ ວິທີນີ້ຈະຊ່ວຍເນັ້ນຍ້ຳຄວາມຈື່ຈຳໃຫ້ແກ່ທ່ານໄດ້ເປັນຢ່າງດີ.





2.ສຸຂະພາບດີ ຄວາມຈື່ຈຳດີ: ຄົງເປັນເລື່ອງດີບໍ່ໜ້ອຍຫາກທ່ານມີເວລາອອກກຳລັງກາຍກ່ອນ ຫລື ຫລັງເຮັດວຽກຢ່າງສະໝໍ່າສະເໝີ ເນື່ອງຈາກການມີສຸຂະພາບແຂງແຮງ, ກິນອາຫານທີ່ມີປະໂຫຍດ, ພັກຜ່ອນພຽງພໍຈະຊ່ວຍໃຫ້ສະໝອງຂອງທ່ານໄດ້ຜ່ອນຄາຍຈະຊ່ວຍໃຫ້ທ່ານມີສະມາທິດີ ແລະ ເພີ່ມຄວາມຈື່ຈຳໃຫ້ແກ່ທ່ານໄດ້.









3.ອັດສຽງໄວ້: ຫາກທ່ານຕ້ອງປະຊຸມສຳຄັນ ເຊິ່ງອາດມີໄລຍະເວລາດົນ ລອງເລືອກໃຊ້ວິທີການອັດສຽງລົງໃນເຄື່ອງບັນທຶກສຽງ ຫລື ໂທລະສັບທີ່ທ່ານໃຊ້ຢູ່ເພື່ອປ້ອງກັນການຜິດພາດຂອງຂໍ້ມູນ ຫາກທ່ານຟັງຜິດ ຫລື ຟັງບໍ່ທັນກໍ່ສາມາດກັບມາຟັງສຽງທີ່ອັດໄວ້ໄດ້ ເຊິ່ງຈະເປັນການຍ້ຳຄວາມຈື່ຈຳໃຫ້ແກ່ທ່ານ.





4.ຄິດບວກກັບໂຕເອງ: ເວົ້າກັນວ່າຫາກທ່ານເບິ່ງຕົວເອງໃນດ້ານລົບ ທ່ານຈະບໍ່ມີທາງປະສົບຄວາມສຳເລັດໄດ້ ລອງຝຶກຄິດໃນດ້ານບວກໃຫ້ແກ່ຕົວເອງ, ໃຫ້ກໍາລັງໃຈຕົວເອງແລ້ວທ່ານຈະສາມາດເຮັດມັນໄດ້ດີ. ຕົວຢ່າງ: ຫາກທ່ານເປັນຄົນມັກຫລົງລືມ, ຄວາມຈື່ຈຳສັ້ນ ທ່ານກໍ່ຈະເປັນຄົນມັກຫລົງລືມຢູ່ແນວນັ້ນ ລອງປ່ຽນວິທີຄິດໃໝ່ວ່າທ່ານຈື່ມັນໄດ້, ໝັ້ນໃຈໃນສິ່ງທີ່ຕົວເອງໄດ້ຟັງ, ໄດ້ຮັບຂໍ້ມູນມາແລ້ວທ່ານຈະເຫັນຜົນໄດ້ຮັບທີ່ແຕກຕ່າງ.









5.ຕັ້ງເວລາເຕືອນຄວາມຈື່ຈຳ: ບາງເທື່ອທ່ານອາດຕ້ອງໃຊ້ເຕັກໂນໂລຊີທີ່ມີຢູ່ໃກ້ໂຕມາຊ່ວຍທ່ານເຮັດວຽກ ປະຈຸບັນຄອມພິວເຕີ ແລະ ສະມາດໂຟນສາມາດເຊື່ອມຕໍ່ລະບົບອິນເຕີເນັດກັບປະຕິທິນອອນລາຍໄດ້ ຫາກທ່ານມີນັດສຳຄັນ ຫລື ມີກຳນົດວຽກທີ່ຕ້ອງເຮັດ ລອງຕັ້ງເວລາໃຫ້ມັນເຕືອນທ່ານລ່ວງໜ້າກ່ອນກຳນົດ ປະມານ 1 ມື້ ເພື່ອທີ່ທ່ານຈະໄດ້ມີເວລາກຽມຈັດການກັບມັນ ທັງຍັງສາມາດຊ່ວຍເຕືອນຄວາມຈື່ຈຳໝູ່ຮ່ວມວຽກຄົນອື່ນໆຂອງທ່ານໄດ້ນຳອີກ.





6.ບັນທຶກ: ທ່ານອາດຈະຕ້ອງຫາເຈ້ຍບັນທຶກແຜ່ນນ້ອຍໆຫລາຍສີມາຊ່ວຍດຶງດູດສາຍຕາຕິດໄວ້ໜ້າຈໍຄອມພິວເຕີ ເຕືອນວ່າ ເມື່ອໃດເປີດຄອມຂຶ້ນມາທ່ານຈະຕ້ອງເຮັດຫຍັງແດ່ ຫລື ຕິດໄວ້ເທິງໂທລະສັບ ເຕືອນວ່າທ່ານຕ້ອງໂທຫາໃຜແດ່ ເປັນຕົ້ນ.









7.ເຕືອນຄວາມຈື່ຈຳດ້ວຍຮູບ: ຮູບພາບອາດຊ່ວຍທ່ານເຕືອນຄວາມຈື່ຈຳໄດ້ດີກ່ວາຂໍ້ຄວາມ ໃຫ້ຕິດຮູບງາມໆໄວ້ໂຕະເຮັດວຽກ ນອກຈາກຍ້ຳເຕືອນເຖິງສິ່ງທີ່ທ່ານຕ້ອງເຮັດແລ້ວ ຍັງຊ່ວຍຜ່ອນຄາຍຄວາມເຄັ່ງຄຽດຈາກການເຮັດວຽກໄດ້ດີນຳອີກ.





ພຽງເທົ່ານີ້ກໍ່ຈະຊ່ວຍໃຫ້ທ່ານຈື່ຈໍາໄດ້ດີຂື້ນແລ້ວ...
ຂອບໃຈທີ່ມາ:www.kidteung.com


Post a Comment

0 Comments