Header Ads

ບໍຣິສັດ MMG ຈ່າຍເງິນ ບໍາເນັດ…ບໍ່ຄໍາ ທີ່ເມືອງເຊໂປນ ແຂວງສວັນນະເຂດ…


ພາຍຫຼັງຂາຍກິຈການບໍ່ຄໍາເຊໂປນ 90% ໃຫ້ບໍລິສັດ Chifeng Jilong Gold ຂອງຈີນ ເປັນມູນຄ່າ 270 ລ້ານໂດລາ ສະຫະລັດ ແລ້ວ, ບໍລິສັດ MMG ຂອງອອສເຕຣເລັຍ ໄດ້ຈ່າຍເງິນບໍາເນັດ ໃຫ້ພະນັກງານບໍ່ຄໍາເຊໂປນ 1,800 ຄົນນັ້ນໝົດແລ້ວ ໃນທ້າຍປີກາຍ, ຕາມຄໍາ ຮຽກຮ້ອງ ໃນອັດຕາ 10% ແລະ 15% ຂອງເງິນເດືອນ ເດືອນສຸດທ້າຍ, ອີງຕາມຄວາມເວົ້າຂອງເຈົ້າໜ້າທີ່ບໍລິສັດ MMG ນີ້ວ່າ:









“ປາກົດວ່າ ຂະເຈົ້າໄດ້ໝົດແລ້ວຕີ໋ ແກ້ໝົດແລ້ວ ເຂົາເວົ້າເບິ່ງຕາມແຮງງານ ເຂົາກໍເວົ້າເບິ່ງອາຍຸເຂົ້າການ ແຕ່ໄລຍະກົດໝາຍເກົ່າ ປະຕິບັດຕາມກົດໝາຍ ບໍ່ໄດ້ມີການຮ້ອງຟ້ອງ ອີ່ຫຍັງ."









ທ່ານກ່າວຕື່ມວ່າ ການຈ່າຍເງິນບໍາເນັດ ໃຫ້ພະນັກງານນັ້ນ, ແມ່ນອີງຕາມກົດໝາຍແຮງງານ 2 ສະບັບ ຄືພະນັກງານຄົນໃດ ທີ່ເຂົ້າເຮັດ ວຽກກ່ອນປີ 2016 ຈະໄດ້ບໍາເນັດ ໃນອັດຕາ 10%, ສ່ວນຜູ້ເຂົ້າຫຼັງປີ 2016 ນັ້ນ, ຈະໄດ້ 15% ຂອງເງິນເດືອນ ເດືອນສຸດທ້າຍ. ກ່ອນໜ້ານັ້ນ, ພະນັກງານບໍລິສັດ MMG ຂອງອອສເຕຣເລຍ ຕົກລົງກັບບໍລິສັດບໍ່ໄດ້ ໃນເລື່ອງການຈ່າຍເງິນບໍາເນັດ ຍ້ອນທາງບໍລິສັດ ຈະຈ່າຍເງິນບໍາເນັດນີ້ ໃນອັດຕາ 10% ຂອງເງິນເດືອນ ປະຈຸບັນ, ຕາມກົດໝາຍແຮງງານປີ 2013. ແຕ່ພະນັກງານບໍ່ຍອມ ຢາກໄດ້ 15% ຕາມກົດໝາຍແຮງງານ ສະບັບປັບປຸງ ປີ 2016.









ປະຈຸບັນ, ພະນັກງານທຸກຄົນ ກໍຍັງເຮັດວຽກຢູ່ບໍ່ຄໍາເຊໂປນ ຂອງບໍລິສັດ Chifeng Jilong Gold ຂອງຈີນ ທີ່ຖືຫຸ້ນ 90% ທີ່ໄດ້ຊື້ຕໍ່ຈາກ ບໍລິສັດ MMG ຂອງ ອອສເຕຣເລຍ ແລະ ລັດຖະບານ ສປປລາວ ກໍຍັງຖືຫຸ້ນ 10% ຢູ່ຄືເກົ່າ.
ຂອບໃຈທີ່ມາ: www.rfa.org


No comments

Powered by Blogger.