ຊຽງຂວາງ​ສະຫຼຸບ​ວຽກງານຈັດ​ຕັ້ງ, ກໍ່ສ້າງ​ພັກ-ພະນັກງານ ປີ 2018 ​ແລະ ວາງ​ແຜ​ນ ປີ 2019


ຊຽງຂວາງ: ທາມກາງບັນຍາ​ກາດ​ທົ່ວ​ພັກ, ທົ່ວ​ກອງທັບ​, ທົ່ວ​ປວງ​ຊົນ​ລາວ​ບັນດາ​ເຜົ່າ ພວມ​ຈັດ​ຕັ້ງ​ພິທີ​ສະ​ເຫຼີ​ມສະ​ຫຼວງ​ວັນ​ສຳຄັນຂອງ​ພັກ, ຂອງ​ຊາດ ​ເວົ້າ​ລວ​ມ, ​ເວົ້າ​ສະ​ເພາະ​ການຈັດ​ພິທີ​ສະ​ເຫຼີ​ມສະຫຼອງ​ວັນ​ສ້າງ​ຕັ້ງ​ກອງທັບ​ປະຊາຊົນ​ລາວ ຄົບຮອບ 70 ປີ​ຢ່າງ​ເປັນ​ຂະ​ບວນຟົດ​ຟື້ນ ​ແລະ ທັງ​ເປັນ​ຊ່ວງ​ໄລຍະ​ທີ່​ອົງຄະ​ນະ​ພັກ​ກະຊວງ-ອົງການ ​ແລະ ທ້ອງ​ຖິ່ນ ພວມ​ຈັດ​ຕັ້ງ​ຜັນ​ຂະຫຍາຍ​ມະຕິ​ກອງ​ປະຊຸມ​ໃຫຍ່​ ຄັ້ງ​ທີ X ຂອງ​ພັກ, ມະຕິ​ກອງ​ປະຊຸມ​ຈັດ​ຕັ້ງ​ທົ່ວ​ປະ​ເທດ ຄັ້ງ​ທີ X. ​





ປະທານກອງປະຊຸມ




ໃນ​ວັນ​ທີ 12 ກຸມພາ 2019 ອົງຄະ​ນະ​ພັກ​ແຂວງ​ຊຽງຂວາງ ຈັດ​ກອງ​ປະຊຸມ​ວຽກງານ​ຈັດ​ຕັ້ງ, ກໍ່ສ້າງ​ພັກ-ພະນັກງານ ປະຈຳ​ປີ 2018 ທົ່ວ​ແຂວງ​ຊຽງຂວາງ ​ໂດຍ​ການ​ເປັນ​ປະທານ​ຂອງ​ສະຫາຍ ບຸນ​ຕົ້ນ ຈັນທະ​ພອນ ​ເລຂາ​ພັກ​ແຂວງ, ​ເຂົ້າ​ແຂວງ​ຊຽງຂວາງ, ສະຫາຍ ວັນ​ໄຊ ພອງ​ສະຫວັນ ຮອງ​ເລຂາ​ຄະນະ​ພັກ, ຮອງ​ຫົວໜ້າຄະນະ​ຈັດ​ຕັ້ງ​ສູນ​ກາງ​ພັກ, ມີ​ສະຫາຍ ນ ບຸດ​ສະ​ດີ ທະນະ​ເມືອງ ຄະນະ​ພັກ, ຫົວໜ້າກົມ​ຄຸ້ມ​ຄອງ​ພະນັກງານ ຄະນະ​ຈັດ​ຕັ້ງ​ສູນ​ກາງ​ພັກ, ມີ​ຄະນປະຈຳ​ພັກ, ຄະນະ​ພັກ​ແຂວງ, ​ເລຂາ​ພັກ​ເມືອງ, ຫົວໜ້າຄະນະ​ຈັດ​ຕັ້ງ​ເມືອງ ​ແລະ ຜູ້ຮັບຜິດຊອບວຽກງານ​ຈັດ​ຕັ້ງ​ອ້ອມ​ຂ້າງ​ແຂວງ​ເຂົ້າ​ຮ່ວມ.





ສະຫາຍ ວັນໄຊ ພອງສະຫວັນ ມີຄຳເຫັນແລກປ່ຽນຕໍ່ກອງປະຊຸມ




ກອງປະຊຸມ​ໄດ້​ຮັບ​ຟັງ​ບົດ​ສະຫຼຸບ​ຕີ​ລາຄາ​ການຈັດ​ຕັ້ງ​ປະຕິບັດ​ວຽກງານ​ຈັດ​ຕັ້ງ, ກໍ່ສ້າງ​ພັກ-ພະນັກງານ ​ແລະ ວຽກງານ​ກົງຈັກ​ການຈັດ​ຕັ້ງ​ປະຈຳ​ປີ 2018 ທົ່ວ​ປະ​ເທດ​ຂອງ​ຄະນະ​ຈັດ​ຕັ້ງ​ສູນ​ກາງ​ພັກ ​ແລະ ການ​ຕີ​ລາ​ຄາວຽກງານ​ຈັດ​ຕັ້ງ, ກໍ່ສ້າງ​ພັກ-ພະນັກງານ ປະຈຳ​ປີ 2018 ​ແລະ ທິດ​ທາງ​ແຜນການ ປີ 2019 ຂອງ​ແຂວງ​ຊຽງຂວາງ ຈາກ​ສະຫາຍ ຄຳ​ແສງ ພົມມະ​ວັນ ກຳ​ມະ​ການ​ປະຈຳ​ພັກ​ແຂວງ, ຫົວໜ້າຄະນະ​ຈັດ​ຕັ້ງ​ແຂວງ









​ໂດຍ​ຍົກ​ໃຫ້​ເຫັນ​ການຈັດ​ຕັ້ງ​ປະຕິບັດ​ວຽກງານ​ແຕ່​ລະ​ດ້ານ ວຽກງານ​ກໍ່ສ້າງ​ພັກ​ທາງ​ດ້ານ​ການ​ເມືອງ-​ແນວ​ຄິດ ຄະນະ​ພັກ​ແຕ່ລະ​ຂັ້ນ​ໄດ້​ເອົາ​ໃຈ​ໃສ່​ສຶກສາ​ອົບຮົມ​ການ​ເມືອງ-​ແນວ​ຄິດ​ໃຫ້​ແກ່​ພະນັກງານ-ສະມາຊິກ​ພັກ​ທີ່​ຢູ່​ໃນ​ຄວາມ​ຮັບຜິດຊອບ​ຂອງ​ຕົນ​ຢ່າງ​ເປັນ​ປົກກະຕິ ມີ​ການຈັດ​ຕັ້ງ​ເຊື່ອມ​ຊຶມ​ບັນດາ​ແນວທາງ​ຂອງ​ພັກ, ​ແຜນ​ພັດທະນາ​ເສດຖະກິດ​ຂອງ​ລັດ, ນິຕິ​ກຳ​ຕ່າງໆທີ່​ວາງ​ອອກ​ແຕ່ລະ​ໄລຍະ​ຢ່າງ​ຕໍ່​ເນື່ອງ​ສະ​ແດງ​ອອກ​ໄດ້​ມີ​ການຈັດ​ຕັ້ງ​ປະຖະກະຖາ ​ແລະ ​ແຜ່​ແຜ່​ເຊື່ອມ​ຊຶມ​ເອກະສານ​ຕ່າງໆທັງໝົດ 116 ຄັ້ງ ມີ​ຜູ້​ເຂົ້າ​ຮ່ວມ 24.929 ຄົນ, ຍິງ 6.513 ຄົນ;





ບັນດາຜູ່ເຂົ້າຮ່ວມ




ດ້ານ​ການຈັດ​ຕັ້ງ​ກໍ່​ໄດ້​ຕັ້ງໜ້າປັບປຸງ​ກໍ່ສ້າງ​ພັກ​ໃຫ້​ມີ​ຄວາມ​ປອດ​ໃສ, ​ເຂັ້ມ​ແຂງ ​ແລະ ໜັກ​ແໜ້ນ, ​ເອົາ​ໃຈ​ໃສ່​ຂະຫຍາຍ​ພັກ ​ໂດຍ​ຖື​ເອົາ​ຄຸນ​ນະພາ​ບ​ເປັນ​ກົກ ພ້ອມ​ທັງ​ປັບປຸງ​ກົງຈັກ​ໃຫ້​ມີ​ຄວາມ​ກະທັດ​ລັດ, ​ໂປງ​ໃສ ​ແລະ ໜັກ​ແໜ້ນ ມາ​ຮອດ​ປະຈຸ​ບັນ ທົ່ວ​ແຂວງ​ມີໜ່ວຍພັກ​ທັງໝົດ 1.021 ໜ່ວຍ, ຜ່ານ​ການ​ຕີ​ລາຄາໜ່ວຍພັກ​ເຂັ້ມ​ແຂງ-ຮູ້​ນຳພາ​ຮອບດ້ານ​ໄດ້ 672 ໜ່ວຍ, ໜ່ວຍພັກ​ແຂງ 223 ໜ່ວຍ, ໜ່ວຍພັກ​ກາງ 31 ໜ່ວຍ, ບໍ່​ໄດ້​ຈັດ​ແບ່ງ​ປະ​ເພດ 95 ໜ່ວຍ;









ຕີ​ລາຄາ​ຈັດ​ແບ່ງ​ປະ​ເພດສະ​ມາ​ຊິກ​ພັກ​ຄື: ສະມາຊິກ​ພັກ​ເຂັ້ມ​ແຂງ​ຮອບດ້ານ 9.875 ສະຫາຍ, ສະມາຊິກ​ພັກ​ແຂງ 3.577 ສະຫາຍ, ສະມາຊິ​ກພັກ​ກາງ 540 ສະຫາຍ, ສະມາຊິກ​ພັກອ່ອນ 36 ສະຫາຍ, ​ເສຍ​ທາດ 5 ສະຫາຍ ​ແລະ ບໍ່​ໄດ້​ຈັດ​ແບ່ງ​ປະ​ເພດ 2.404 ສະຫາຍ ປະຈຸ​ບັນ​ໄດ້​ອອກບັດ-ມອບ​ບັດ​ໃຫ້​ສະມາຊິກ​ພັກສົມບູນ​ທັງໝົດ 14.629 ສະຫາຍ, ຍິງ 3.577 ສະຫາຍ.









ວຽການ​ພະນັກງານ​ກໍ​ໄດ້​ເອົາ​ໃຈ​ໃສ່​ຊີ້​ນຳ-ນຳພາ​ຄະນະ​ພັກ​ແຕ່ລະ​ຂັ້ນ ​ໃນ​ການ​ຂຶ້ນ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ​ຢູ່​ແຕ່ລະ​ຂັ້ນ ​ແລະ ການ​ຂຶ້ນ​ແຜນ​ກຳນົດ​ບຳລຸງ​-ກໍ່ສ້າງ​ພະນັກງານ ​ເພື່ອ​ຮັບປະກັນ​ໃຫ້​ໄດ​ພະນັກງານ 3 ຮຸ້ນ ​ໃນ​ປີ 2018 ​ໄດ້​ສຳ​ເລັດ​ການ​ຂຶ້ນ​ແຜນ​ກຳນົດ​ພະນັກງານ 31 ຂະ​ແໜງການ ​ແລະ 7 ​ເມືອງ;









ພ້ອມ​ກັນ​ນັ້ນ ຍັງ​ໄດ້​ຈັດ​ຝຶກ​ອົບຮົມ​ການ​ສ້າງ​ແຜນ​ກຳນົດ​ພະນັກງານ​ນຳພາ-ຄຸ້ມ​ຄອງ​ຂັ້ນ​ບ້ານ ມີ​ຜູ້​ເຂົ້າ​ຮ່ວມ 32 ຄົນ, ຍິງ 2 ຄົນ ​ແລະ ​ໄດ້​ສຳ​ເລັດ​ແຜນ​ກຳນົດ​ຂັ້ນ​ບ້ານ ຈຳນວນ 113 ບ້ານ​ໃນ​ຈຳນວນ 477 ບ້ານ​ທົ່ວ​ແຂວງ; ​ຄະນະ​ຈັດ​ຕັ້ງ​​ແຂວງ​ໄດ້​ເປັນ​ເຈົ້າ​ການ​ປະສານ​ສົມທົບ​ລະຫວ່າງ​ອົງການ​ຈັດ​ຕັ້ງ​ສາຍ​ຕັ້ງ ​ແລະ ສາຍ​ຂວາງ​ໃນ​ການ​ຄັດ​ເລືອກ​ພະນັກງານ​ຫຼັກ​ແຫ່ງ​ແຕ່ລະ​ຂັ້ນ ລົງ​ທົດ​ສອບ​ຢູ່​ຮາກ​ຖານ​ໃນ​ຂະ​ບວນການ​ຕົວ​ຈິງ ຈຳນວນ 169 ຄົນ, ຍິງ 10ຄົນ









ພ້ອມ​ກັນ​ນັ້ນ, ກໍ​ໄດ້​ຄົ້ນຄວ້າ​ພະນັກງານ​ຜູ້​ທີ່​ມີ​ມາດຖານ​ເງື່ອນ​ໄຂ​ທີ່ຢູ່​ໃນ​ແຜນ ​ແລະ ນອກ​ແຜນ​ກຳນົດ​ສ້າງ​ໄປ​ຍົກ​ລະດັບຄວາມ​ຮູ້​ທາງ​ດ້ານ​ທິດ​ສະ​ດີກາ​ນ​ເມືອງ-ການ​ປົກຄອງ ​ແລະ ວິຊາ​ສະ​ເພາະ​ທັງ​ພາຍ​ໃນ ​ແລະ ຕ່າງປະ​ເທດ ​ໄດ້​ທັງໝົດ 120 ຄົນ, ຍິງ 19 ຄົນ; ທົ່ວ​ແຂວງ​ມີ​ພະນັກງານ​ທັງໝົດ 8.639 ຄົນ, ຍິງ 3.934 ຄົນ.









ພາຍຫຼັງ​ສຳ​ເລັດ​ສຳ​ຫຼວດກວດກາບັ້ນ​ດຳ​ເນີນ​ຊີວິດ​ການ​ເມືອງ ​ໂດຍ​ອີງ​ໃສ່​ຄວາມ​ຈຳ​ເປັນ​ຂອງໜ້າທີ່​ການ​ເມືອ​ຂອງ​ແຂວງ. ຄະນະ​ປະຈຳ​ພັກ​ແຂ​ວ​ໄດ້​ດຳ​ເນີນ​ການ​ປັບປຸງ​ກົງຈັກ​ການຈັດ​ຕັ້ງ​ສຳ​ເລັດ 10 ຂະ​ແໜງການ ​ແລະ 2 ​ເມືອງ ​ໄດ້​ມີ​ການ​ຍົກຍ້າຍ​ບ່ອນ​ປະຈຳການ​ພນັກ​ງານ​ນຳພາ-ຄຸ້ມ​ຄອງ ຈຳນວນ 7 ສະຫາຍ, ຍິງ 1 ສະຫາຍ ​ແລະ ສະ​ເໜີອະນຸມັດ​ແຕ່ງ​ຕັ້ງ​ຄະນະ​ປະຈຳ​ພັກ​ແຂວງ ​ເພີ່ມ​ເຕີມ 3 ສະຫາຍ, ກຳມະການ​ພັກ​ແຂງ 2 ສະຫາຍ ​ແລະ ອົງການ-ຂະ​ແໜງການອ້ອມ​ຂ້າງ​ແຂວງ​ຈຳນວນ​ໜຶ່ງ ​ເພື່ອ​ໃຫ້​ມີ​ຄວາມ​ສອດຄ່ອງ ​ແລະ ​ແທດ​ເໝາະຕາມ​ເງື່ອນ​ໄຂ​.









ຄຽງຄູ່​ກັບ​ຜົນສຳ​ເລັດ​ທີ່​ກ່າວ​ມາ​ນັ້ນ ຍັງ​ມີ​ບາງ​ຂໍ້ຄົງ​ຄ້າງ​ທີ່​ຈະ​ຕ້ອງ​ໄດ້​ສືບຕໍ່ຈັດປະຕິບັດ​ໃນຕໍ່ໜ້າ ​ໂດຍ​ສະ​ເພະ​ແມ່ນ​ຄະນະ​ພັກ, ຄະນະ​ນຳ​ຈຳນວນ​ໜຶ່ງຍັງ​ບໍ່ທັນ​ເອົາ​ໃຈ​ໃສ່​ໃນ​ການ​ສຶກສາ​ອົບຮົມ​ການ​ເມືອງ-​ແນວ​ຄິດ​ໃຫ້​ແກ່​ພະນັກງານ​ທີ່ຢູ່​ໃນ​ຄວາມ​ຮັບຜິດຊອບ​ຂອງ​ຕົນ​ຢ່າງ​ບໍ່ທັນ​ເລິກ​ເຊິ​ງ​ເຖິງ​ຖອງ ​ເຮັດ​ໃຫ້​ມີ​ພະນັກງານ-ສະມາຊິກ​ພັກ​ບາງ​ສະຫາຍ​ຂາດ​ຄວາມ​ເປັນ​ແບບຢ່າງ, ບໍ່ທັນ​ຮັກສາ​ໄດ້​ຄຸ​ນທາດ​ການ​ເມືອງ, ຄຸນສົມບັດ​ສິນ​ທຳ​ປະຕິວັດ ​ໄດ້​ເຮັດ​ໃຫ້​ເກີດ​ມີ​ປະກົດ​ການ​ຫຍໍ້​ທໍ້ ມີ​ພະນັກງານ​ຈຳນວນໜຶ່ງ ລ່ວງລະ​ເມີດຕໍ່ກົດ​ລະບຽບຂອງ​ພັກ, ກົດໝາຍຂອງ​ລັດ; ພະນັກ​ງານທີ່​ເຮັດ​ວຽກງານ​ຈັດ​ຕັ້ງ​ຈຳນວນໜຶ່ງຍັງ​ບໍ່ທັນ​ເອົາ​ໃຈ​ໃສ່​ໃນ​ການ​ປະຕິບັດ​ພາລະ​ບົດບາດ, ສິດ ​ແລະ ໜ້າທີ່​ຂອງ​ຕົນ​ເທົ່າ​ທີ່​ຄວນ, ຖື​ເບົາ​ໃນ​ການ​ຄົ້ນຄວ້າຮ່ຳຮຽນ ກຳ​ແໜ້ນພຶດຕິ​ກຳທີ່​ຕິດ​ພັນ​ກັບ​ຄວາມ​ຮັບຜິດຊອບ​ຂອງ​ຕົນ, ການ​ແກ້​ໄຂ​ປະກົດ​ການ​ຫຍໍ້​ທໍ້​ໃນ​









ໂດຍ: ເພັດສະລິນ


Post a Comment

0 Comments