Header Ads

ຢູນີເທວເຂົ້າຮ່ວມງານວາງສະແດງ ມືຖືລະດັບໂລກປີ 2019 ( Mobile World Congress )

- ນັບແຕ່ວັນທີ່ 25-28/2/2019, ບໍລິສັດ ສະຕາ ໂທລະຄົມ ດ້ວຍເຄື່ອງໝາຍການຄ້າຢູນີເທວ (Unitel) ເຂົ້າຮ່ວມກອງປະຊຸມມືຖືໂລກ ( Mobile World Congress ) 2019 ຢູ່ທີ່ ບາເຊໂລນາ ປະເທດ ສະເປນ. ເຊີ່ງກອງປະຊຸມດັ່ງກ່າວຖືກຈັດຂື້ນເປັນປະຈຳ ແລະ ເປັນກອງປະຊຸມ ດ້ານຂົງເຂດຂະແໜງມືຖື ທີ່ໃຫຍ່ທີ່ສຸດໃນໂລກ ດ້ວຍຫົວຂໍ້ກອງປະຊຸມ “Intelligent Connectivity”


- ດ້ວຍໜ້າທີ່ນອກເໜືອຈາກການນຳເອົາ ບັນດາ ບໍລິການທີ່ເປັນລະບົບຄຸ້ມຄອງວຽກງານ ທີ່ນຳໃຊ້ໃນບັນດາປະເທດກຳລັງພັດທະນາແລ້ວ, ຢູນີເທວ ຍັງຈະນຳເອົາ ບັນດາລະບົບເທັກໂນໂລຢີໃໝ່, ລ້ຳຍຸກສະໄໝທີ່ສຸດ ເພື່ອນຳມາໃຊ້ເຂົ້າໃນການພັດທະນາປະເທດ.




- ປະຈຸບັນ, ເຄືອຂ່າຍຢູນີເທວ ເປັນບໍລິສັດ ທີ່ນອນໃນອັນດັບແຖວໜ້າຂອງລາວ ທາງດ້ານລະບົບເຄືອຂ່າຍມືຖື ມີຫຼາຍກ່ວາ 6,800 ສູນສະຖານນີ, ລະບົບສາຍສົ່ງແກ້ວໄຍແສງ 34,000 ກິໂລແມັດ, ພື້ນທີ່ປົກຄຸມສັນຍານກວມເອົາ 100% ຂອງຈຳນວນເມືອງ ແລະ 94% ຂອງຈຳນວນພົນລະເມືອງ. ເຊີ່ງເປັນເງື່ອນໄຂພື້ນຖານ ໃຫ້ຢູນີເທວຈັດຕັ້ງຜັນຂະຫຍາຍໂຄງການຍຸດທະສາດ,ເພື່ອປະກອບສ່ວນເຂົ້າໃນການສ້າງສາພັດທະນາປະເທດຊາດ, ພິເສດແມ່ນຂົງເຂດ
ວຽກງານຂະແໜງໂທລະຄົມ.


- ດ້ານສ່ວນແບ່ງທ້ອງຕະຫລາດ ກວມ 54%, ມີລູກຄ້ານຳໃຊ້ຫຼາຍກ່ວາ 3,1 ລ້ານເລກໝາຍ. ຢູນີເທວໄດ້ລິເລີ່ມສະ ໜອງ ເຄືອຂ່າຍ 4G ນັບແຕ່ເດືອນ 6/2015, ສີ່ງດັ່ງກ່າວເປັນພື້ນຖານໃຫ້ແກ່ຢູນີເທວເອົາໃຈໃສ່ຄົ້ນຄ້ວາດ້ານບໍລິການດ້ານລະບົບຕ່າງໆ ບໍ່ວ່າຈະເປັນ ຂົງເຂດວຽກງານລັດ, ຂົງເຂດຄວາມປອດໄພດ້ານການເງິນ, ການທະນາຄານ.




ປີ 2017 ຢູນີເທວ ໄດ້ຮັບຄວາມໄວ້ວາງໃຈຈາກລັດຖະບານ ຜັນຂະຫຍາຍ ລະບົບ ຄຸ້ມຄອງພົນລະເມືອງ ເຊີ່ງເປັນລະບົບຄຸ້ມຄອງ ຂໍ້ມູນການເກີດ, ເສຍຊີວິດ, ການອອກໃບແຈ້ງເກີດ, ການແຈ້ງເສຍຊີວິດ, ສັງລວມຂໍ້ມູນ ສາເຫດການເສຍຊີວິດ, ການແຕ່ງງານ, ການຢ່າຮ້າງ, ການຮັບລູກລ້ຽງ, ການຍ້າຍຖີ່ນຖານ,... ລະບົບດັ່ງກ່າວນີ້ ບໍ່ແມ່ນເປັນລະບົບຍ່ອຍ ແລະ ເປັນເອກະລາດ ແຕ່ມັນຍັງເປັນລະບົບແບບສູນລວມດ້ານການຄວບຄຸມ, ຄຸ້ມຄອງພົນລະເມືອງພາຍໃນປະເທດ.

- ຄຽງຄູກັບການຂະຫຍາຍ ລະບົບຄຸ້ມຄອງ ພົນລະເມືອງແລ້ວ ຢູນີເທວຍັງໄດ້ ປະກອບສ່ວນຜັນຂະຫຍາຍລະບົບກອງ
ປະຊຸມທາງໄກ 3 ປະເທດ ອີນດູຈີນ ໃຫ້ແກ່ຫ້ອງການສໍານັກງານນາຍົກ , ຂະຫຍາຍລະບົບພື້ນຖານໂຄງລ່າງໃຫ້ແກ່ທະນາຄານແຫ່ງ ສປປລາວ , ບໍລິສັດ ນ້ຳປະປານະຄອນຫລວງ,ຊ່ວຍເຫລືອລັດຖະບານ ພັດທະນາແປ້ນພີມພາສາລາວໃນລະບົບມືຖື ແລະ ຄອມພີວເຕີ ປີ 2015






- ເປົ້າໝາຍເຖີງປີ 2020 ຢູນີເທວຈະນຳເອົາລະບົບອີນເຕີເນັດຄວາມໄວສູງກວມເອົາ 80% ຂອງປະຊາຊົນ, ຜັນຂະຫຍາຍບັນດາລະບົບໂຄງການຮັບໃຊ້ໃຫ້ແກ່ລັດຖະບານເອເລັກໂຕນິກຄື: ສ້າງລະບົບຂໍ້ມູນຂ່າວສານຂົງເຂດວຽກງານອາກອນ ແລະ ພາສີ, ຮັກສາຄວາມສະຫງົບ, ຮັກສາຄວາມປອດໄພດ້ານການເງິນ, ການທະນາຄານຢູ່ ສປປລາວ, ຜັນຂະຫຍາຍດ້ານບໍລິການກະເປົາເງິນເອເລັກໂທນິກ ແລະ ເຂົ້າຮ່ວມຂົງເຂດວຽກງານການເງິນຈຸລະພາກ (Micro Financial) ຢູ່ລາວ.

- ກອງປະຊຸມ ມືຖືລະດັບໂລກ ( MWC ) ເປັນກອງປະຊຸມຖືກຈັດຂື້ນເປັນປະຈໍາ ດ້ວຍສະມາຄົມ ມືຖືໂລກ GSMA ຈັດຂື້ນທີ່ ບາເຊໂລນາ, ປະເທດສະເປນ ( ເຊີ່ງເປັນບ່ອນຂື້ນຊື່ເລື່ອງ ນະຄອນຫລວງ ຂອງອຸດສະຫະກໍາມືຖື ໂລກ). ນີ້ເປັນ ງານດ້ານໂທລະຄົມທີ່ໃຫຍ່ທີ່ສຸດ ຖືກຈັດເປັນປະຈໍາ, ເປັນງານທີ່ ເປີດໂອກາດໃຫ້ບັນດາ ໂທລະຄົມ ໃຫ່ຍໆ ເຕົ້າໂຮມກັນ ແລະ ນຳສະເໜີ ບັນດາຜະລິດຕະພັນທີ່ໜ້າດືງດູດລູກຄ້າ, ການວາງແນວທາງປ່ຽນແປງໃໝ່. ພ້ອມດຽວກັນນັ້ນບຍັງມີບັນດາບູດ ວາງສະແດງ ຂອງບັນດາບໍລິສັດ ທົ່ວໂລກ. MWC ຍັງເປັນໂອກາດໃຫ້ບັນດາ ບໍລິສັດ ຂົງເຂດໂທລະຄົມໄດ້ພົບປະ, ຮ່ວມມື ແລະ ເປີດກ້ວາງດ້ານການຮ່ວມມື, ລົງທືນ. ງານກອງປະຊຸມ ມືຖືໂລກ 2019 ມີ 107,000 ພາກສ່ວນເຂົ້າຮ່ວມຈາກ 205 ປະເທດ, ມີ 2,400 ບູດວາງສະແດງ ແລະ 3,500 ສື່ໂຄສະນາ ຈາກຕ່າງປະເທດ.

No comments

Powered by Blogger.