ພິທີມອບ-ຮັບເງິນອຸດໜູນເສຍສະຫຼະຊີວິດປາງສົງຄາມຕາມດໍາລັດ 272/ລບ ເມືອງເງິນ ແລະ ຫົງສາ


ໄຊຍະບູລີ: ອີງຕາມແນວທາງນະໂຍບາຍຂອງພັກ-ລັດ ແລະ ເພື່ອເປັນການຕອບບຸນແທນຄຸນຕໍ່ຜູ້ທີມີຄຸນງາມຄວາມດີຕໍ່ປະເທດຊາດເສຍສະຫຼະຊີວິດປາງສົງຄາມ. ຕາມດໍາລັດ 272/ລບ. ດັ່ງນັ້ນມາໃນວັນທີ 13 ກຸມພາ 2019 ຢູ່ທີ່ສະໂມສອນ ເມືອງເງິນ ແຂວງໄຊຍະບູລີ ໄດ້ຈັດພິທີມອບ-ຮັບເງິນອຸນໜູນເສຍສະຫຼະຊີວິດປາງສົງຄາມຕາມດໍາລັດ 272/ລບ. ປະຈໍາປີ 2018 ທີ່ເມືອງເງິນ-ເມືອງຫົງສາ ຂື້ນຢ່າງເປັນທາງການ









ໂດຍເປັນກຽດເຂົ້າຮ່ວມ ຂອງທ່ານ ນາງເເພງຈັນ ແກ້ວມະນີວົງ ກຳມະການພັກແຂວງ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງໄຊຍະບູລີ, ມີທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງໆເງິນ ມີທີມງານຈາກພະແນກ ແຮງງານ ແລະ ສະຫວັດດີການສັງຄົມ ແຂວງ-ເມືອງ ແລະ ຍາດຕິພີ່ນ້ອງຜູ້ເສຍສະຫຼະຊີວິດປາງສົງຄາມຈາກເມືອງເງິນ ແລະ ເມືອງຫົງສາເຂົ້າຮ່ວມ.









ທ່ານ ສົມຈິດ ພິລະບຸດ ຮອງຫົວໜ້າພະແນກ ແຮງງານ ແລະ ສະຫວັດດີການສັງຄົມໄດ້ຂື້ນຜ່ານຂໍ້ຕົກລົງສະບັບເລກທີ 3436/ຮສສ. ວ່າດ້ວຍການປະຕິບັດນະໂຍບາຍເງິນອຸນໜູນເສຍສະຫຼະຊີວິດ, ສໍາລັບເມືອງເງິນມີຜູ້ໄດ້ຮັບເງິນອຸນໜູນ ເສຍສະຫຼະຊີວິດປາງສົງຄາມ ຈໍານວນ 36 ທ່ານ.ລວມເປັນເງິນທັງໝົດ 777,769.000 ກີບ, ເມືອງຫົງສາ ຈໍານວນ 11 ທ່ານ ເປັນເງິນທັງໝົດ 246,627.000ກີບ ເຊິ່ງໃຫ້ກຽດມອບໂດຍແມ່ນທ່ານ ນາງເເພງຈັນ ແກ້ວມະນີວົງ ກຳມະການພັກແຂວງ ຫົວໜ້າພະແນກ ແຮງງານ ແລະ ສະຫວັດດີການສັງຄົມ ແຂວງໄຊຍະບູລີ





ພາບແລະຂ່າວ: ອິນແປງ ແຫວນຄໍາ


Post a Comment

0 Comments