ເມືອງເງິນ ສຳເລັດການລົງດຳເນີນຊີວິດການເມືອງປົວແປງພັກ ຈຳນວນ 3 ບ້ານ

ໄຊຍະບູລີ: ໃນລະຫວ່າງວັນທີ 20 - 26 ກຸມພາ 2019 ນີ້ ທາງທີມງານລົງກໍ່ສ້າງຮາກຖານການເມືອງ ເມືອງເງິນ ແຂວງໄຊຍະບູລີ ໄດ້ສຳເລັດການລົງດຳເນີນຊີວິດການເມືອງປົວແປງພັກ ຈຳນວນ 3 ບ້ານ ຄື: ບ້ານເພຍງາມ, ບ້ານບີໝີ, ແລະ ບ້ານກາງ.



ການລົງດຳເນີນຊີວິດການເມືອງປົວແປງພັກ 3 ບ້ານໃນຄັ້ງນີ້ ທາງທີມງານແມ່ນໄດ້ປະຕິບັດຕາມບາດກ້າວ ແລະ ຂັ້ນຕອນຕ່າງໆດັ່ງນີ້.ຂັ້ນຕອນທີ່ໜຶ່ງແມ່ນໄດ້ເຕົ້າໂຮມເອົາການຈັດຕັ້ງຂອງບ້ານຕະຫຼອດຮອດປະຊາຊົນນັບແຕ່ອາຍຸ 18 ປີຂື້ນໄປເພື່ອເຂົ້າຮ່ວມເຊື່ອມຊືມເອກະສານທີ່ສໍາຄັນ.





ຈາກນັ້ນກໍ່ໄດ້ຈັດແບ່ງພະນັກງານລົງສູ່ໜວ່ຍຄຸ້ມຄອງພົນລະເມືອງ ເພື່ອເກັບກຳຂໍ້ມູນຂອງຄອບຄົວໃສ່ຕາຕະລາງແບບຟອມ f1 ແລະ f2 ກວດກາຂໍ້ແຂ່ງຂັນຮັກຊາດ ແລະ ພັດທະນາຂອງຄອບຄົວ, ໜ່ວຍ, ຂະແໜງການ, ແລະ ບ້ານ ໃນໄລຍະ 5 ປີຜ່ານມາ. ພອ້ມກັນຕີລາຄາແບ່ງປະເພດ, ຄອບຄົວ, ຂະແໜງການ, ໜ່ວຍພັກ, ແລະ ບ້ານ.ນຳພາດຳເນີນເປີດກອງປະຊຸມສະມາຊິກພັກ ຂອງບ້ານ ຈຳນວນ 3 ບ້ານ ແລະ ພ້ອມກັນໃຊ້ສິດປະຊາທິປະໄຕປ່ອນບັດຄັດເລືອກເອົາເລຂາໜ່ວຍພັກ, ບ້ານ ຊຸດໃໜ່ອີກດ້ວຍ.



ຕອນທ້າຍຂອງການລົງປັບປຸງປົວແປງພັກ ແມ່ນໄດ້ເປີດກອງປະຊຸມ ສະຫຼຸບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 5 ປີ ແລະ ທິດທາງ ແຜນການ 5 ປີຕໍ່ໜ້າ ທັງເປັນການສ້າງຂະບວນການ ແລະ ຜົນງານຮອບດ້ານ ໄວ້ຄໍານັບຮັບຕ້ອນກອງປະຊຸມໃຫຍ່ຂອງອົງຄະນະພັກເມືອງຄັ້ງທີ່ 5 ທີ່ຈະເປີດຂື້ນໃນຕໍ່ໜ້ານີ້.

ໂດຍ: ອິນແປງ ແຫວນຄຳ

Post a Comment

0 Comments