ສສຊ ລົງເຜີຍແຜ່ຜົນສຳເລັດກອງປະຊຸມ ສະໄໝສາມັນເທື່ອທີ 6 ຂອງສະແຫ່ງຊາດຊຸດທີ VIII ຢູ່ເມືອງເງິນ

ວັນທີ 20 ກຸມພາ 2019 ນີ້ ທ່ານ ພົນຈັດຕະວາ ຄໍາສຸກ ວິອິນທະວົງ ສະມາຊິກສະພາແຫ່ງຊາດ ປະທານກໍາມາທິການປກຊ-ປກສ ປະຈຳເຂດເລືອກຕັ້ງທີ 7 ແຂວງໄຊຍະບູລີ ພ້ອມດ້ວຍທີມງານ ໄດ້ລົງເຜີຍແຜ່ຜົນສຳເລັດກອງປະຊຸມ ສະໄໝສາມັນເທື່ອທີ 6 ຂອງສະແຫ່ງຊາດຊຸດທີ VIII ຢູ່ເມືອງເງິນ,


ການເຜີຍແຜ່ຜົນສຳເລັດຂອງກອງປະຊຸມ ສະໄໝສາມັນເທື່ອທີ 6 ຂອງສະແຫ່ງຊາດຊຸດທີ VIII ໃນຄັ້ງນີ້ ທົ່ວເມືອງ ແມ່ນໄດ້ແບ່ງອອກເປັນ 3 ຈຸດໃຫຍ່ຄື: ຈຸດທີ 1 ແມ່ນຢູ່ຫໍປະຊຸມບ້ານເພຍງາມ, ຈຸດທີ່ 2 ຢູ່ຫໍປະຊຸມບ້ານບີໝີ ແລະ ຈຸດທີ 3 ຢູ່ຫໍປະຊຸມບ້ານກາງ, ມີບັນດາທ່ານຄະນະປະຈໍາພັກເມືອງ, ກໍາມະການພັກເມືອງ; ຫົວໜ້າ, ຫ້ອງການ- ກົມກອງ, ເລຂາໜ່ວຍພັກນາຍບ້ານ , ແລະ ປະຊາຊົນ ທັງ 3 ບ້ານເຂົ້າຮ່ວມຮັບຟັງທັງໝົດ 601 ຄົນ, ຍິງ 309 ຄົນ.

ໂອກາດທີ່ລົງມາເຜີຍແຜ່ຜົນສໍາເລັດຂອງກອງປະຊຸມສະໄໜສາມັນເທື່ອທີ 6 ຂອງສະພາແຫ່ງຊາດຊຸດດທີ VIII,ເຊິ່ງ ທ່ານ ໄດ້ຍົກໃຫ້ເຫັນຜົນງານທີ່ພົ້ນເດັ່ນໃນໄລຍະຜ່ານມາ ເປັນຕົ້ນແມ່ນແຜນພັດທະນາເສດຖະກິດ-ສັງຄົມປະຈຳ 2018 ແລະ ທິກທາງແຜນການປີ 2019 ຂອງລັດຖະບານ ບົດລາຍງານຂອງອົງການກວດສອບແຫ່ງລັດປະຈໍາປີ 2018 ແລະ ທິດທາງແຜນການປີ 2019 ພິຈາລະນາ ແລະ ຮັບຮອງເອົາການສ້າງ ແລະ ປັບປຸງ ກົດໜາຍຈໍານວນ 9 ສະບັບ ແລະ ການຈັດຕັ້ງປະຕິບັດແຜນງົບປະມານແຫ່ງລັດ 9 ເດືອນ ຄາດຄະເນປີ 2018 ແລະ ທິດທາງປີ 2019 ຈາກນັ້ນກໍ່ໄດ້ເຜີຍແຜ່ຜົນສໍາເລັດຂອງກອງປະຊຸມສະໄໜສາມັນເທື່ອທີ 6 ຂອງສະພາປະຊາຊົນແຂວງ ຊຸດທີ່ 1 ເພື່ອແນໃສ່ເຮັດ ໃຫ້ພະນັກງານ,ທະຫານ,ຕໍາຫຼວດ ແລະ ປະຊາຊົນ ໄດ້ຮັບຮູ້ ບັນດາຄາດໜາຍຕ່າງໆ,ເພື່ອ ນໍາໄປຈັດຕັ້ງປະຕິບັດໃຫ້ເກີດດອກອອກຜົນ.

ໂດຍ:ອິນແປງ ແຫວນຄຳ

Post a Comment

0 Comments