Header Ads

ສປປ ລາວ ແລະ ສສ ຫວຽດນາມ ລົງນາມເອກະສານຮ່ວມມື 9 ສະບັບ


ໃນຕອນເຊົ້າຂອງວັນທີ 24/02/2019, ການນຳຂັ້ນສູງຂອງສອງປະເທດ ລາວ ແລະ ຫວຽດນາມ ໄດ້ມີພິທີລົງນາມບັນດາເອກະສານຮ່ວມມື ລະຫວ່າງ ສອງປະເທດ ຈຳນວນ 09 ສະບັບຄື:









1.ສັນຍາລະຫວ່າງກະຊວງການເງິນລາວ ແລະ ກະຊວງການເງິນຫວຽດນາມ ວ່າດ້ວຍການຮ່ວມມືດ້ານການເງິນ.





2. ສັນຍາວ່າດ້ວຍການຮ່ວມມືພັດທະນາພະລັງງານໄຟຟ້າ ແລະ ບໍ່ແຮ່ ລະຫວ່າງ ລັດຖະບານລາວ ແລະ ຫວຽດນາມ.





3. ຂໍ້ຕົກລົງລະຫວ່າງ ລັດຖະບານລາວ ແລະ ຫວຽດນາມ ວ່າດ້ວຍການຂຸດຄົ້ນທ່າແຮງບົ່ມຊ້ອນໃນການກໍ່ສ້າງທາງລົດໄຟວຽງຈັນ-ຫວຸງອາງ.





4. ບົດບັນທຶກການຮ່ວມມືລະຫວ່າງ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມລາວ ແລະ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມລາວຫວຽດນາມໃນຂົງເຂດຕ້ານການປ່ຽນແປງສະພາບດິນຟ້າອາກາດ ແລະ ອະນຸລັກຊີວະນາຯ ພັນ.









5. ບົດບັນທຶກມອບ-ຮັບຖານຂໍ້ມູນຂ່າວສານພູມສັນຖານຮັບໃຊ້ການວາງແຜນພັດທະນາເສດຖະ ກິດ-ສັງຄົມ ແລະ ຕິດຕາມຊັບພະຍາກອນທໍາມະຊາດ ແລະ ສິ່ງແວດລ້ອມຢູ່ລາວ ລະຫວ່າງກະຊວງພາຍໃນລາວ ແລະ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມລາວຫວຽດນາມ.









6. ບົດບັນທຶກການຮ່ວມມືວ່າດ້ວຍຈັດຕັ້ງຜັນຂະຫຍາຍປ່ຽນຖ່າຍອຸປະກອນໃຫ້ແກ່ວິທະຍຸກະ ຈາຍສຽງແຫ່ງຊາດລາວ ລະຫວ່າງ ກະຊວງ ຖະແຫລງຂ່າວ ວັດທະນະທຳ ແລະ ທ່ອງທ່ຽວລາວ ແລະ ວິທະຍຸກະຈາຍສຽງແຫ່ງຊາດຫວຽດນາມ.









7. ບົດບັນທຶກມອບ-ຮັບໂຄງການສ້າງສູນບໍລິການເຕັກນິກກະສິກຳແຂວງ ຫົວພັນ ລະຫວ່າງລັດຖະບານລາວ ແລະ ລັດຖະບານຫວຽດນາມ.





8. ຂໍ້ຕົກລັງລະຫວ່າງຄະນະຮັບຜິດຊອບພິພິດທະພັນໄກສອນ ພົມວິຫານ ແລະ ກະຊວງ ວັດທະນະທຳ ແລະ ທ່ອງທ່ຽວຫວຽດນາມ ວ່າດ້ວຍການປະຕິບັດໂຄງການສ້ອມແປງ, ຍົກລະດັບອະນຸສອນສະຖານປະທານ ໂຮຈິມິນ ຢູ່ ບ້ານ ຊຽງຫວາງ, ເມືອງໜອງບົກ ແຂວງ ຄຳມ່ວນ









9. ແລະ ບົດບັນທຶກການມອບ-ຮັບ ໂຄງການເພີ່ມທະວີຄວາມອາດສາມາດໃນການຄົ້ນຄ້ວາວິທະຍາສາດ ແລະ ພັດທະນາເຕັກໂນໂລຊີ ໃຫ້ແກ່ສະພາວິທະຍາສາດແຫ່ງຊາດລາວ ລະຫວ່າງສະພາວິທະຍາສາດແຫ່ງຊາດລາວ ແລະ ສະພາບັນດິດວິທະຍາສາດ-ເຕັກໂນໂລຊີຫວຽດນາມ.













ການລົງນາມເອກະສານຕ່າງໆນັ້ນ ແມ່ນໄດ້ດຳເນີນພາຍຫລັງທີ່ ສະຫາຍ ຫງວຽນຟູຈ້ອງ, ເລຂາທິການໃຫຍ່, ປະທານປະເທດ ແຫ່ງ ສສ ຫວຽດນາມ ແລະ ຄະນະຜູ້ແທນຂັ້ນສູງພັກ-ລັດ ຫວຽດນາມ ຢ້ຽມຢາມສັນຖະວະໄມຕີ ສປປ ລາວ ຢ່າງເປັນທາງການ ລະຫວ່າງ ວັນທີ 24-25 ກຸມພາ, ຕາມຄຳເຊີນຂອງ ສະຫາຍ ບຸນຍັງ ວໍລະຈິດ, ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ.


No comments

Powered by Blogger.