ເປີດການນຳໃຊ້ຂົວອູ່ລະຫວ່າງບ້ານຟ້າ ແລະ ບ້ານໂຄ້ງເມືອງນ້ຳບາກ


ຫຼວງພະບາງ: ໃນວັນທີ 9 ກຸມພາ 2019, ທີ່ສົ້ນຂົວບ້ານໂຄ້ງ, ໄດ້ຈັດພິທີ ມອບ-ຮັບ ແລະ ເປີດການນຳໃຊ້ ຂົວອູ່ຂ້າມນ້ຳບາກ ລະຫວ່າງ ບ້ານຟ້າ ແລະ ບ້ານໂຄ້ງເມືອງນ້ຳບາກ, ໂດຍມີ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍການນຳຂອງແຂວງຫຼວງພະບາງ, ຜູ້ຕາງໜ້າກຸ່ບໍລິສັດພົງສະຫວັນ ແລະ ບໍລິສັດຮັບເໝົາກໍ່ສ້າງ, ອົງການປົກຄອງເມືອງ ຕະຫຼອດຮອດ ປະຊາຊົນທັງ 2 ບ້ານເຂົ້າຮ່ວມ.









ໃນພິທີ, ທ່ານ ສົມພອນ ສີອຸດົມພັນ, ເຈົ້າເມືອງນ້ຳບາກ ໄດ້ຂຶ້ນມີຄຳເຫັນ ໂດຍທ່ານໄດ້ສະແດງຄວາມຂອບໃຈເປັນຢ່າງສູງ ທີ່ໄດ້ຮັບຂອງຂັວນອັນລ້ຳຄ່າຈາກພັກ-ລັດຖະບານ ໂດຍສະເພາະແມ່ນ ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ ກໍ່ຄື ກຸ່ມບໍລິສັດພົງສະຫວັນ ທີ່ໄດ້ມອບທືນຮອນເຂົ້າໃນການກໍ່ສ້າງຂົວອູ້ຂ້າມນຳບາກ ຊຶ່ງຈະຊ່ວຍເຮັດໃຫ້ການໄປມາຫາສູ່ກັນຂອງປະຊາຊົນເມືອງນ້ຳບາກ ໂດຍສະເພາະປະຊາຊົນບ້ານໂຄ້ງ ແລະ ບ້ານຟ້ານັ້ນ ມີຄວາມສະດວກຫຼາຍຂື້ນ, ເປັນການສ້າງເງື່ອນໄຂໃຫ້ແກ່ການພັດທະນາຄອບຄົວ ແລະ ບ້ານໃນອານາຄົດໄດ້ເປັນຢ່າງດີ.









ໃນໂອກາດນີ້, ທ່ານ ສອນໄຊ ສີພັນດອນ, ຮອງນາຍົກລັດຖະມົນຕີ, ທ່ານຄຳຂັນຈັນທະວີສຸກ, ເຈົ້າແຂວງ ແຂວງຫຼວງພະບາງ ພ້ອມດ້ວຍຜູ້ຕາງໜ້າກຸ່ມບໍລິສັດໃຫ້ທືນ ໄດ້ຮ່ວມກັນຕັດແຖບຜ້າ ແລະ ປ່ອຍປຸມເປົ້າ ເພື່ອເປັນການມອບຮັບ ແລະ ເປີດການນຳໃຊ້ ຢ່າງເປັນທາງການ.









ຂົວອູ່ຂ້າມນ້ຳບາກ ລະຫວ່າງບ້ານຟ້າ ຫາ ບ້ານໂຄ້ງ ເມືອງນ້ຳບາກ ໄດ້ເລີ່ມກໍ່ສ້າງຂື້ນໃນເດືອນເມສາປີ 2018, ໂດຍທີ່ສອງສົ້ນຂອງຂົວແມ່ນຕັ້ງດ້ວຍເສົາເບຕົງເສີມເຫຼັກ, ແລະ ມີສາຍກາບຂະໜາດໃຫຍ່ຈ້ອງດືງ, ໂຕຂົວເປັນເຫຼັກ ຂະໜາດກ້ວາງ 2 ແມັດ, ຍາວ 125 ແມັດ ຊຶ່ງອຳນວຍຄວາມສະດວກໃຫ້ແກ່ການສັນຈອນສະເພາະຄົນຍ່າງ, ລົດຖີບ ແລະ ລົດຈັກ.









ທືນກໍ່ສ້າງໃນເບື້ອງຕົ້ນ ແມ່ນ 1 ຕື້ 259 ລ້ານກ່ວາກີບ ແຕ່ເນື່ອງຈາກໂຄງລ່າງໄດ້ຮັບຜົນກະທົບຈາກລະດູຝົນຜ່ານມາ ແລະ ມີໜ້າວຽກເພີ່ມ ຈື່ງໄດ້ເພີ່ມມູນຄ່າການກໍ່ສ້າງເປັນ 1 ຕື້ 800 ລ້ານກ່ວາກີບ ຊຶ່ງເປັນທືນສະໜັບສະໜູນຈາກ ບໍລິສັດປີໂຕຣລ່ຽມເທຣດດີ່ງ ລາວມະກາຊົນ ໃນກຸ່ມບໍລິສັດພົງສະຫວັນ ແລະ ຮັບເໝົາກໍ່ສ້າງໂດຍບໍລິສັດ ລືໄຊ ໄຊຊະນະ.





ຂ່າວ: ອາພຸດເດດ ບຸບຜາ






Post a Comment

0 Comments