ເມືອງເງິນ ກໍານົດເອົາບ້ານຂອນເປັນບ້ານທົດລອງດຳເນີນຊີວິດການເມືອງປົວແປງພັກ, ຕິດພັນກັບການດໍາເນີນກອງປະຂຸມໃຫຍ່


ໄຊຍະບູລີ: ກອງປະຊຸມເຊື່ອມຊືມດຳເນີນຊີວິດການເມືອງປົວແປງພັກ, ຕິດພັນກັບການດໍາເນີນກອງປະຂຸມໃຫຍ່ໜ່ວຍພັກຮາກຖານບ້ານຂອນ. ໄດ້ຈັດຂື້ນໃນວັນທີ່ 7 ກຸມພາ 2019 ນີ້ ຢູ່ທີ່ຫໍປະຊຸມບ້ານຂອນ ເມືອງ ເງິນ ແຂວງ ໄຊຍະບູລີ ເຂົ້າຮ່ວມເປັນກຽດ ມີ ທ່ານ ດວງຕາ ໄຊວຸດ ກຳມະການປະຈຳພັກແຂວງ ປະທານກວດກາພັກແຂວງ ທັງເປັນຫົວໜ້າຊີ້ນຳການລົງກໍ່ສ້າງຮາກຖານການເມືອງ ຢູ່ເມືອງເງິນ, ມີ ທ່ານ ບຸນມີ ຈັນທິບ ກຳມະການພັກແຂວງ ເລຂາຄະນະບໍລິຫານງານພັກເມືອງ ເຈົ້າເມືອງໆເງິນ, ມີທີມງານຂອງແຂວງ, ເມືອງ ອົງການປົກຄອງບ້ານ, ຂະແໜງການຂອງບ້ານ ແລະ ປະຊາຊົນເຂົ້າຮ່ວມ.









ທ່ານ ສອນສຸກ ພວງແກ້ວ ຮອງເລຂາພັກເມືອງ ຮອງເຈົ້າເມືອງ ໄດ້ຂື້ນເຜີຍແຜ່ເຊື່ອມຊຶມ ເອກກະສານ ປະເທດລາວຄົນລາວເປັນເຈົ້າຂອງ ແລະ ເອກກະສານອື່ນໆທີ່ສຳຄັນຈຳນວນໜຶ່ງເພື່ອແນໃສ່ເຮັດໃຫ້ປະຊາຊົນຄົນລາວຮູ້ຮັກບ້ານເມືອງນອນຂອງຕົນ ເພື່ອພ້ອມກັນປົກປັກຮັກສາ ແລະ ພັດທະນາປະເທດຊາດໃຫ້ກ້າວຂື້ນ.









ຈາກນັ້ນກໍ່ໄດ້ຈັດແບ່ງພະນັກງານ ລົງສູ່ໜ່ວຍຄຸ້ມຄອງພົນລະເມືອງ ເພື່ອເກັບກໍາຂໍ້ມູນໃສ່ຕາຕະລາງແບບຟອມເອັບ1 ເອັບ 2, ກວດກາຂໍ້ແຂງຂັນຮັກຊາດພັນທະນາ,ຂອງບ້ານ,ຂອງຂະແໜງການ,ຂອງໜ່ວຍ ແລະ ຄອບຄົວ,ໃນໄລຍະ5 ປີຜ່ານມາ ພ້ອມກັນຕີລາຄາແບ່ງປະເພດ,ບ້ານ,ຂະແໜງການ,ຄອບຄົວ ແລະ ບຸກຄົນ ທັງເປັນການກວດກາຕີລາຄາຄືນຜົນງານການຈັດຕັ້ງປະຕິບັດບັນດາຄາດໜາຍຂອງບ້ານ ແລະ ຄອບຄົວ ຊອກໃຫ້ເຫັນຈຸດອ່ອນຂໍ້ຄົງຄ້າງເພື່ອພ້ອມກັນປັບປຸງແກ້ໄຂໃນຕໍ່ໜ້າເຮັດໃຫ້ບ້ານດັ່ງກ່າວມີຄວາມເຂັ້ມແຂງໜັກແໜ້ນຂື້ນກວ່າເກົ່າ









ຕອນທ້າຍແມ່ນຈະໄດ້ດໍາເນີນຊີວິດການເມືອງ,ດໍາເນີນກອງປະຊຸມໃຫ່ຍໜ່ວຍພັກຮາກຖານບ້ານ,ພ້ອມກັນບ່ອນບັດຄັດເລືອກເອົາຄະນະບ້ານຊຸດໃໜ່









ໂດຍ:ສຸລີຍາ ແສງເດືອນ






Post a Comment

0 Comments