ຮ່ວມປະຊຸມສານສາຍສັມພັນພຸດທະສາສະໜາລາວ-ຈີນ ແລະ ທ່ຽວຊົມຄວາມຍີ່ງໃຫຍ່ງົດງາມຂອງ ວັດນານຊ່ານ


ໃນວັນ ຈັນ ທີ 18 ກຸມພາ 2019. ຮ່ວມປະຊຸມສານສາຍສັມພັນພຸດທະສາສະໜາລາວ-ຈີນ ແລະ ທ່ຽວຊົມຄວາມຍີ່ງໃຫຍ່ງົດງາມຂອງ ວັດນານຊ່ານ ເມືອງເໝົ່າໝີ໋ງ ແຂວງກວ່າງຕຸງ ສປ.ຈີນ









ໃນວາຣະໂອກາດດັ່ງກ່າວ ພຣະອາຈານໃຫຍ່ ປອ. ມະຫາຄຳມາ ປັນຍາວິຈິດ ຮອງປະທານສູນກາງ ອພສ, ອົງຜູ້ຊີ້ນຳລວມວຽກງານກັມມາທິການສາທາລະນຸປາການສູນກາງ ທົ່ວປະເທດ ໄດ້ເມດຕາໃຫ້ ພຣະອາຈານໃຫຍ່ ສີຊ່ຽງຊູ໋ ປະທານອົງການຄະນະສົງເມືອງເໝົ່າໝີ໋ງ ແຂວງກວາງຕຸງ ພ້ອມຄະນະຢ້ຽມຢາມທ່ຽວຊົມຕາມສະຖານທີ່ຕ່າງໆ ແລະຮ່ວມສົນທະນາແລກປ່ຽນຫຼາຍໆດ້ານຢ່າງເປັນກັນເອງກ່ອນເຂົ້າຮ່ວມພົບປະໂອລົມຢ່າງເປັນທາງການໃນຫ້ອງປະຊຸມ…









ທ່າມກາງບັນຍາກາດສອງອົງການຄະນະສົງລາວ-ຈີນ ກໍ່ຄືສາຍສັມພັນມິດຕະພາບອັນດີງາມສອງຊາດຈີນ-ລາວ ກຳລັງພວມສ້າງມິດຕະພາບອັນຍາວນານໃຫ້ນັບມື້ນັບທະວີຄູນຂື້ນໄປເລື່ອຍໆ…





ພຣະອາຈານໃຫຍ່ຮອງປະທານສູນກາງ ອພສ, ໄດ້ກ່າວວ່າ ອາຕະມາໄດ້ມາຢ້ຽມຢາມ ແລະຮ່ວມປະຊຸມຢູ່ ສປ.ຈີນ ຫຼາຍຄັ້ງແຕ່ໃນການເດີນທາງມາຄັ້ງນີ້ແມ່ນພິເສດ ໄດ້ຮັບຕ້ອນຢ່າງອົບອຸ່ນ ແລະເປັນກັນເອງຮູ້ສຶກໄດ້ເຖີງຄວາມຮັກກໍ່ຄື ຄວາມສັດທາໃນບໍວອນພຣະພຸດທະສາສະໜາ ເປັນການສະແດງອອກວົງການຄະນະສົງທັ້ງສອງຊາດລາວ-ຈີນ…









ພຣະອາຈານໃຫຍ່ ສີຊ່ຽງຊູ໋ ໃນນາມປະທານອົງການຄະນະສົງເມືອງເໝົ່າໝີ໋ງ ແຂວງກວ່າງຕຸງ ກ່າວຕ້ອນຮັບ ແລະຮູ້ສຶກດີອົກດີໃຈໃນການຢ້ຽມຢາມພົບປະຂອງຄະນະສົງລາວໂດຍມີພຣະອາຈານໃຫຍ່ຮອງປະທານສູນກາງ ອພສ, ໄດ້ມານັບວ່າເປັນນິມິດໝາຍອັນດີງາມຂອງຊາວພຸດຈີນ ແລະຊາວພຸດລາວບັນດາເຜົ່າ ການມາຄັ້ງນີ້ພວກເຮົາໄດ້ຈັດກຽມຕ້ອນຮັບຢ່າງສົມກຽດ ແລະອົບອຸ່ນຫວັງວ່າພຣະອາຈານໃຫຍ່ ພ້ອມຄະນະຈະປະທັບໃຈ ຖ້າມີໂອກາດຢາກນິມົນເຊີນມາຢ້ຽມຢາມຢູ່ເລື້ອຍໆ…









ພ້ອມດຽວກັນກອງປະຊຸມພົບປະແລກປ່ຽນໄດ້ໂອ້ລົມຍົກ້ຫັນບັນຫາຕ່າງໆ ຈຸດດີ ຈຸດອ່ອນ ພ້ອມທັ້ງພ້ອມທີ່ຈະແລກປ່ຽນວັດທະນະທຳກໍ່ຄືທາງດ້ານສາສະໜາລາວ-ຈີນ ໃຫ້ມີສາຍສັມພັນແໜ້ນແຟ້ນກັນສືບຕໍ່ໄປ ໆລໆ…





ໃນຕອນທ້າຍກອງປະຊຸມ ພຣະອາຈານໃຫຍ່ຄະນະສົງເມືອງເໝົ່າໝີ໋ງແຂວງກວ່າງຕຸງ ສປ.ຈີນ ໄດ້ມອບຂອງທີ່ລະນືກໃຫ້ແກ່ຄະນະສົງລາວ, ໃນໂອກາດດຽວກັນພຣະອາຈານໃຫຍ່ຮອງປະທານສູນກາງ ອພສ, ຍັງໄດ້ມອບຂອງທີ່ລະນືກເປັນຄ້ອງທອງເຫຼືອງທີ່ຫຼໍ່ສຳເລັດຮູບແບບລາວ ມອບໃຫ້ເປັນການສະແດງຄວາມຂອບໃຈໃນການເດີນທາງຢ້ຽມຢາມຄັ້ງນີ້ເຊັ່ນກັນ…









ພາບ ແລະ ຂໍ້ມູນໂດຍ: ພຣະ ອາລຸນຕະຊາດ ເທບທິລາດ


Post a Comment

0 Comments