ເມືອງເງິນ ຈັດການສອບເສັງແຂ່ງຂັນນັກຮຽນເກັ່ງ ແລະ ຖາມ-ຕອບ ຄວາມຮູ້ວິທະຍາສາດ ສາຍສາມັນສຶກສາທົ່ວເມືອງ


ໄຊຍະບູລີ: ເພື່ອເປັນການສ້າງໂອກາດໃຫ້ນັກຮຽນສະແດງອອກທາງດ້ານຄວາມຮູ້-ຄວາມສາມາດ, ພອນສະຫວັນ,ຫົວຄິດປະດິດສ້າງຂອງຕົນເອງ ທັງເປັນການປັບປຸງຄຸນນະພາບການສຶກສາໃຫ້ນັບມື້ນັບດີຂື້ນ.









ໃນລະຫວ່າງ ວັນທີ່ 7 – 8 ກຸມພາ 2019 ນີ້ ຢູ່ທີ່ສະໂມສອນຂອງເມືອງເງິນ ແຂວງໄຊຍະບູລີ ໄດ້ຈັດການສອບເສັງແຂ່ງຂັນນັກຮຽນເກັ່ງ ແລະ ຖາມ-ຕອບ ຄວາມຮູ້ວິທະຍາສາດ ສາຍສາມັນສຶກສາ ຊັ້ນ ປ5, ມ4 ແລະ ມ 7, ພາຍໃຕ້ການເປັນປະທານຂອງທ່ານ ຊູລີສິດ ຄຳພູວົງ ກຳມະການພັກເມືອງ ຫົວໜ້າຫ້ອງການສຶກສາທິການ ແລະ ກິລາ ເມືອງ, ມີຄະນະຫ້ອງການສຶກສາທິການ ແລະ ກິລາ, ມີອຳນວຍການໂຮງຮຽນ ປະຖົມ, ມັດທະຍົມ, ຄູອາຈານ ແລະ ຕົວແທນນັກຮຽນເກັ່ງ ເຂົ້າຮ່ວມ.









ການສອບເສັງແຂ່ງຂັນນັກຮຽນເກັ່ງໃນຄັ້ງນີ້ ມີ 3 ຊັ້ນຮຽນຄື: ປ5, ມ4, ແລະ ມ7. ເຊີ່ງເປັນຕົວແທນນັກຮຽນເກັ່ງຈາກ 25 ໂຮງຮຽນທົ່ວເມືອງ, ມີ ນັກຮຽນເກັ່ງ ເຂົ້າຮ່ວມສອບເສັງທັງໝົດ 105 ນ້ອງ, ຍິງ 43 ນ້ອງ. ແລະ ມີທີມຖາມ-ຕອບ ຄວາມຮູ້ວິທະຍາສາດ ຈຳນວນ 28 ທີມ, ໃນນີ້ປະຖົມ 19 ທີມ,ມັດທະຍົມຕອນຕົ້ນ ແລະ ຕອນປາຍ 9 ທີມ.









ສຳລັບຊັ້ນປະຖົມສຶກສາແມ່ນມີ 3 ວິຊາສອບເສັງ ຄື:ວິຊາພາສາລາວ, ຄະນິດສາດ, ໂລກອ້ອມຕົວ. ຊັ້ນມັດທະຍົມສຶກສາຕອນຕົ້ນ-ຕອນປາຍ ມີ 4 ວິຊາຄື: ວິຊາ ພາສາລາວ-ວັນນະຄະດີ, ຄະນິດສາດ, ຟີຊິກສາດ, ແລະ ເຄມີສາດ.









ສຳລັບຜົນການແຂ່ງຂັນ ຖາມ-ຕອບ ຄວາມຮູ້ວິທະຍາສາດ ຊະນະເລີດ ຊັ້ນປະຖົມສຶກສາ ແມ່ນໂຮງຮຽນປະຖົມສົມບູນ ນາງົວ, ຊະນະເລີດຊັ້ນມັດທະຍົມສຶກສາ ແມ່ນຂັ້ນມ 4 ຈາກໂຮງຮຽນ ມັດທະຍົມສົມບູນເມືອງເງິນ , ຜົນການສອບເສັງແຂ່ງຂັນນັກຮຽນເກັ່ງ ສາມາດຄັດເລືອກໄດ້ຕົວແທນນັກຮຽນເກັ່ງຊັ້ນປະຖົມສຶກສາ ຈຳນວນ 3 ນ້ອງ, ຊັ້ນມັດທະຍົມຕອນຕົ້ນ ແລະ ຕອນປາຍ ຈຳນວນ 8 ນ້ອງ ລວມເປັນ 11 ນ້ອງ ທີ່ໄດ້ອັນດັບທີ 1 ແຕ່ລະວິຊາ ເພື່ອສົ່ງເຂົ້າຮ່ວມແຂ່ງຂັນນັກຮຽນເກັ່ງລະດັບແຂວງ ໃນວັນທີ 27 ກຸມພາ 2019 ທີ່ຈະມາເຖີງນີ້.





ໂດຍ: ອິນແປງ ແຫວນຄຳ






Post a Comment

2 Comments

  1. Hi, i feеl that i noticed you visited my weƅЬ site thus i got here to return the choose?.I'm tryіng to find things to
    improve my site!I ɑssume its good enougһ to use some of your ideas!! https://jdwcdblog.blogspot.com/

    ReplyDelete
  2. Thіs infolrmation іs pricеless. Hoow can I find out morе? https://jdwcdblog.blogspot.com/

    ReplyDelete