Header Ads

ຜົນວິໄຈພົບລູກຄ້າຫລາຍຄົນຍັງບໍ່ເຄີຍໃຊ້ຫລາຍອຸປະກອນໃນລົດ...


ຄຣິສຕິນ ໂຄລອດ ຜູ້ອຳນວຍການອາວຸໂສຝ່າຍຕິດຕໍ່ຜູ້ຂັບຂ່ີ ເຈດີ ພາຍເວີ (JD Power) ເປີດເຜີຍວ່າ: ເຈດີ ພາວເວີ ໄດ້ ເຮັດການວິໄຈຫລ້າສຸດວ່າອຸປະກອນ ຫລື ອັອບຊັ່ນໄຮເທັກທີ່ຕິດມາກັບລົດໄດ້ໃຊ້ ຫລື ມີແລ້ວບໍ່ໃຊ້ ປະກົດວ່າ: ຫລາຍກ່ວາ 50 ເປີເຊັນ ເກືອບບໍ່ເຄີຍຖືກໃຊ້ງານໃນຍາມລູກຄ້າເອົາລົດໄປໃຊ້ໂຕຈິງໃນຊີວິດປະຈຳວັນ ໂດຍຫລາຍກ່ວາ 20 ເປີເຊັນ ຂອງລູກຄ້າບໍ່ເຄີຍໃຊ້ລະບົບທັນສະໄໝໃນລົດໃໝ່ຂອງຕົນ.









ການສຳຫລວດຍັງເຈາະເລິກໄປຕື່ມວ່າລະບົບໃດແດ່ຖືກໃຊ້ງານໜ້ອຍທີ່ສຸດຈາກໂຕຜູ້ໃຊ້ງານ ພົບວ່າຜູ້ໃຊ້ກ່ວາ 43 ເປີເຊັນ ຄິດວ່າລະບົບຜູ້ຊ່ວຍພາຍໃນລົດຖືກໃຊ້ງານໜ້ອຍທີ່ສຸດ, ຮອງລົງມາແມ່ນລະບົບເຊື່ອມຕໍ່ຕ່າງໆ ຄິດໄລ່ເປັນ 38 ເປີເຊັນ ຂອງຜູ້ໃຊ້ງານທັງໝົດທີ່ຄິດວ່າພວກເຂົາບໍ່ເຄີຍໄດ້ໃຊ້ງານ ຕະຫລອດຈົນລະບົບຊ່ວຍຈອດອັດຕະໂນມັດ ຜູ້ໃຊ້ກ່ວາ 35 ເປີເຊັນ ກ່າວວ່າບໍ່ເຄີຍໄດ້ໃຊ້ ແລະ ທ້າຍສຸດ ໜ້າຈໍສະແດງຜົນແບບເຮດອັບ ດິສເພລ ຫລື ຈໍສະແດງຜົນຕ່າງໆເທິງແວ່ນໜ້າລົດເບື້ອງຄົນຂັບ ຄິດໄລ່ເປັນ 33 ເປີເຊັນ ແລະ ທ້າຍສຸດແມ່ນແອັບພລິເຄເຊິນພາຍໃນລົດ ຫລື ເຄື່ອງສຽງ ຜູ້ໃຊ້ກ່ວາ 32 ເປີເຊັນ ຄິດວ່າ ພວກເຂົາບໍ່ມີໂອກາດໄດ້ໃຊ້ງານມັນ.










ຄຣິສຕິນ ໂຄລອສ ກ່າວວ່າ: ຫລາຍເທື່ອພົບວ່າຄົນສ່ວນຫລາຍຍັງຄົງໃຊ້ໂທລະສັບມືຖືໃນເວລາຂັບລົດຫລາຍກ່ວາຈະເຊື່ອມຕໍ່ລະບົບເຂົ້າກັບລະບົບພາຍໃນລົດ ເນື່ອງຈາກລຶ້ງເຄີຍກັບລະບົບໃນອຸປະກອນຫລາຍກ່ວາ ແລະ ສະໜອງຄວາມຕ້ອງການໃຊ້ງານໄດ້ໄວກ່ວາໃນສະມ໊າດໂຟນ. ໃນຂະນະທີ່ທາງດ້ານຜູ້ຜະລິດລົດ ແລະ ໂທລະສັບມືຖືພະຍາຍາມຫລາຍໃນການເຮັດໃຫ້ລະບົບສາມາດເຊື່ອມຕໍ່ໄດ້ງ່າຍ, ແຕ່ຊຳ້ພັດເປັນການເສຍເງິນຫລາຍລ້ານໂດລາເພື່ອພະຍາຍາມເຮັດໃຫ້ລູກຄ້າເຂົ້າມາເຊື່ອມຕໍ່.
ຕາມລາຍງານລະບຸວ່າ: ລູກຄ້າສ່ວນຫລາຍສະແດງຄວາມຄິດເຫັນວ່າລະບົບທີ່ລຳ້ສະໄໝຕ່າງໆເຫລົ່ານີ້ຈຳເປັນຕ້ອງໃຫ້ຄຳແນະນຳກັບລູກຄ້າໃນຕອນຊື້ລົດຈາກໂຊຣູມອອກລົດໃໝ່ ເຖິງວ່າລະບົບເຫລົ່ານີ້ເບິ່ງຄືວ່າຈະເກີນຄວາມຈຳເປັນໃນການໃຊ້ງານແດ່ບາງອັນ, ແຕ່ຜູ້ໃຊ້ກໍ່ຍັງຕ້ອງການລະບົບຊ່ວຍໃຫ້ພວກເຂົາຂັບລົດໄດ້ງ່າຍຂຶ້ນ ແລະ ເພື່ອຄວາມປອດໄພໃນລະຫ່ວາງການຂັບຂີ່ ເຊັ່ນ: ລະບົບ Adaptive Cruise Control ຫລື ລະບົບເບຣກກ່ອນຕຳ Blind Spot Warning ຫລື ສັນຍານເຄື່ອນລົດດ້ານຂ້າງໃນມູມແອອັດ ເຊິ່ງໃນໄລຍະ 30 ມື້ທໍາອິດເປັນໄລຍະທີ່ຍາກລໍາບາກສໍາລັບຜູ້ໃຊ້ ພວກເຂົາຈະພະຍາຍາມຮຽນຮູ້ເຕັກໂນໂລຊີໃໝ່ໃນລົດເອງ ລູກຄ້າຈະພະຍາຍາມຢ່າງຍິ່ງຈະໃຊ້ງານລະບົບໃຫ້ເປັນ.










ການສຳຫລວດດັ່ງກ່າວຂອງ ເຈດີ ພາວເວີ ນີ້ໄດ້ສຳຫລວດກັບເຈົ້າຂອງລົດໃໝ່ກ່ວາ 3.200 ຄົນ ທີ່ເປັນເຈົ້າຂອງລົດໃໝ່ໃນໄລຍະເວລາບໍ່ເຖິງ 90 ມື້ ເຊິ່ງເປັນຜົນການສຳຫລວດຈາກປີ 2018 ທີ່ຜ່ານມາ.
ຂອບໃຈທີ່ມາ: .blogspot.com


No comments

Powered by Blogger.