ກອງປະຊຸມສະຫຼຸບຜົນງານ 1 ປີ ຂອງວິທະຍຸກະຈາຍສຽງແຫ່ງຊາດລາວ

ວິທະຍຸກະຈາຍສຽງແຫ່ງຊາດລາວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ຈັດກອງປະຊຸມສະຫຼຸບການເຄື່ອນໄຫວວຽກງານປະຈຳປີ 2018 ແລະ ວາງທິດທາງແຜນການ 2019 ໃນວັນທີ 28 ກຸມພາ 2019 ທີ່ຫ້ອງປະຊຸມໃຫຍ່ ວິທະຍຸກະຈາຍສຽງແຫ່ງຊາດລາວ ນະຄອນຫຼວງວຽງຈັນ ພາຍໃຕ້ການເປັນປະທານຂອງ ທ່ານ ໂພສີ ແກ້ວມະນີວົງ ຜູ້ອຳນວຍການໃຫຍ່ ວິທະຍຸກະຈາຍສຽງແຫ່ງຊາດລາວ, ມີຄະນະອຳນວຍການ, ຫົວໜ້າພະແນກ, ຮອງຫົວໜ້າພະແນກ ພ້ອມດ້ວຍພະນັກງານວິຊາການ ພາຍໃນວິທະຍຸກະຈາຍສຽງແຫ່ງຊາດລາວເຂົ້າຮ່່ວມ.


ທ່ານ ໂພສີ ແກ້ວມະນີວົງ ຜູ້ອຳນວຍການໃຫຍ່ ວິທະຍຸກະຈາຍສຽງແຫ່ງຊາດລາວ ມີຄຳເຫັນໄຂກອງປະຊຸມວ່າ: ການຈັດກອງປະຊຸມຄັ້ງນີ້ ເພື່ອສະຫຼຸບການເຄື່ອນໄຫວວຽກງານປະຈຳປີ 2018 ແລະ ວາງທິດທາງແຜນການປະຈໍາປີ 2019 ທົບທວນຄືນຈຸດດີ, ຈຸດອ່ອນ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນໄລຍະຜ່ານມາ ເພື່ອເປັນບ່ອນອ້າງອີງການຈັດຕັ້ງປະຕິບັດວຽກງານໃນຕໍ່ໜ້າ ໃຫ້ມີປະສິດທິຜົນສູງກວ່າເກົ່າ ໄລຍະຜ່ານມາກໍ່ຄືປະຈຸບັນ ວິທະຍຸກະຈາຍສຽງແຫ່ງຊາດລາວໄດ້ປະກອບສ່ວນຢ່າງຕັ້ງໜ້າ ເປັນກະບອກສຽງໃຫ້ພັກ ແລະ ລັດ

ເຜີຍແຜ່ໂຄສະນາຂໍ້ມູນຂ່າວສານຕ່າງໆໃຫ້ສັງຄົມຮັບຮູ້ເຂົ້າໃຈຂອງລັດແຕ່ລະໄລຍະ ພ້ອມທັງປະກອບສ່ວນສຳຄັນໃຫ້ສັງຄົມມີຄວາມສະຫງົບໂດຍພື້ນຖານ ແລະ ວຽກງານສຳຄັນອື່ນໆ.


ກອງປະຊຸມສະຫຼຸບການເຄື່ອນໄຫວວຽກງານປະຈຳປີ 2018 ແລະ ວາງທິດທາງແຜນການປະຈຳປີ 2019 ຂອງວິທະຍຸກະຈາຍສຽງແຫ່ງຊາດລາວ ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວຄັ້ງນີ້ ຜູ້ເຂົ້າຮ່ວມໄດ້ຮັບຟັງບົດສະຫຼຸບການເຄື່ອນໄຫວວຽກງານ ຂອງວິທະຍຸກະຈາຍສຽງແຫ່ງຊາດໃນໄລຍະ 1 ປີຜ່ານມາ ລວມເຖິງວຽກງານວິຊາສະເພາະໃນແຕ່ລະດ້ານ ຍົກໃຫ້ເຫັນດ້ານດີ, ດ້ານອ່ອນ, ຂໍ້ຄົງຄ້າງ ລວມທັງທິດທາງການແກ້ໄຂໃນຕໍ່ໜ້າ ແລະ ຮັບຟັງທິດທາງແຜນການປີ 2019 ເພື່ອໃຫ້ການຈັດຕັ້ງປະຕິບັດວຽກງານວິຊາສະເພາະ ໃນແຕ່ລະດ້ານ ພາຍໃນວິທະຍຸກະຈາຍສຽແຫ່ງຊາດ ໄດ້ຮັບການພັດທະນາດີຂຶ້ນກວ່າເກົ່າ. ຕອນທ້າຍໄດ້ມອບໃບຍ້ອງຍໍໃຫ້ຜູ້ທີ່ມີຜົນງານດີເດັ່ນໃນການຈັດຕັ້ງປະຕິບັດວຽກງານວິຊາສະເພາະໃນໄລຍະໜຶ່ງປີຜ່ານມາຕື່ມອີກ.

ຂ່າວ: ເດດອາລຸນ ແກ້ວວິໄລວົງ
ຮູບພາບ: ຕາລີເຊຍ

Post a Comment

0 Comments