ເມືອງນານ ຈັດພິທີປາຖະກະຖາວັນແມ່ຍິງສາກົນຄົບຮອບ 109 ປີ

ໃນຕອນເຊົ້າພີທີປາຖະກາຖາວັນແມ່ຍີງສາກົນຄົບຮອບ 109 ປີ ໃນຕອນເຊົ້າຂອງວັນທີ 7/3/2019 ສະຫະພັນແມ່ຍີງເມືອງນານ ແຂວງຫຼວງພະບາງ ໄດ້ຈັດພິທີປາຖະກະຖາ ວັນແມ່ຍີງສາກົນຄົບຮອບ 109 ປີ ວັນທີ່ 8/3/1910-8/3/2019 ຂື້ນຢູ່ທີ່ສະໂມສອນເມືອງນານ ໂດຍໃຫ້ກຽດເປັນປະທານຂອງ ທ່ານ ບູນທີ ມະນີວົງ ຮອງເຈົ້າເມືອງໆນານ,ມີຫົວໜ້າ-ຮອງຫົວໜ້າຫ້ອງການ,ຄະນະໜ່ວຍສະຫະ ພັນແມ່ຍິງ ອ້ອມຂ້າງ ເມືອງ ຕະຫຼອດຮອດສະມະຊິກສະຫະ ພັນແມ່ຍິງພາຍ ໃນເມືອງເຂົ້າຮ່ວມຢ່າງພ້ອມພຽງ ມີຈຳນວນພົນເຂົ້າຮ່ວມ 280 ທ່ານ, ຍິງ 279 ທ່ານ.


ໃນພິທີ ທ່ານ ນາງດາວວຽງ ສີປະເສີດ ປະທານສະຫະພັນແມ່ຍິງເມືອງ ໄດ້ຜ່ານແຈ້ງການຂອງປະທານສະຫະພັນແມ່ຍິງແຂວງ, ຜ່ານຂໍ້ຕົກລົງຂອງທ່ານ ເຈົ້າເມືອງໆນານ ວ່າດ້ວຍການອະນຸມັດເປີດພິທີປາຖະກະວັນແມ່ຍິງສາກົນ. ໃນພິທີທີ່ມີຄວາມໜາຍຄວາມສຳຄັນ ທ່ານ ບູນທີ ມະນີວົງ ຮອງເຈົ້າເມືອງໆນານ ໄດ້ເລົ່າມູນເຊື້ອການເປັນມາຂອງແມ່ຍິງ ທ່ານໄດ້ຍົກໃຫ້ເຫັນວ່າຂະບວນການແມ່ຍິງແມ່ນເຫດການ ການເມືອງທີ່ສຳຄັນເປັນຂີດໜາຍແຫ່ງໄຊສະນະອັນເປັນພື້ນຖານຂອງຂະບວນການແມ່ຍິງສາກົນໃນການຕໍ່ສູ້ທວງເອົາສິດຜົນປະໂຫຍກອັນເປັນທຳໃຫ້ແກ່ແມ່ຍິງຊາວຜູ້ອອກແຮງງານໃນທົ່ວໂລກເປັນວັນລະນືກເຖີງການຕໍ່ສູ້ຂອງແມ່ຍິງເພື່ອປົດປ່ອຍຕົນເອງ ແລະ ທວງໃຫ້ມີສິດສະເໜີພາບປະຊາທິປະໄຕຄືກັນກັບຜູ້ຊາຍ.


ພິທີປາຖະກະຖາວັນແມ່ຍິງສາກົນຄົບຮອບ 109 ປີໃນເທື່ອນີ້ເພື່ອເປັນການປຸກລະດົມໃຫ້ສະຫະພັນແມ່ຍິງລາວບັນດາເຜົ່າໄດ້ເຂົ້າຮ່ວມຂະບວນການຈັດຕັ້ງປະຕິບັດແຜນພັດທະນາເສດຖະກິດສັງຄົມ, ແຜນພັດທະນາແມ່ຍິງລາວ ປະກອບສ່ວນເຂົ້າໃນການກະກຽມໃຫ້ແກ່ກອງປະຊຸມໃຫຍ່ 3 ຂັ້ນທັງເປັນການທົບທວນຄືນປະຫວັດການເຄື່ອນໄຫວຂອງຂະບວນ ການແມ່ຍິງທົ່ວໂລກ. ຈາກນັ້ນໃນພິທີຍັງໄດ້ຜ່ານຂໍ້ຕົກລົງຂອງເຈົ້າເມືອງໆນານວ່າດ້ວຍອານຸມັດຮັບຮອງເອົາໜ່ວຍສະຫະພັນແມ່ຍິງ 3 ດີ ໜ່ວຍ, ຄື:ໜ່ວຍໂຮງຮຽນປະຖົມສົມບູນ ນານວນ, ໂຮງຮຽນປະຖົມນາລີນ ແລະ ໂຮງຮຽນປະຖົມຄົກຕົມ, ຜ່ານຂໍ້ຕົກລົງຂອງທ່ານ ເຈົ້າແຂວງຫຼວງພະບາງ ວ່າດ້ວຍການອານຸມັດປະກາດເມືອງນານເປັນເມືອງສະຫະພັນແມ່ຍີງ 3 ດີປະຈຳປີ 2018.

Post a Comment

0 Comments