Header Ads

ເມືອງວັງວຽງ ປີ 2018 ເກັບລາຍຮັບໄດ້ລື່ນແຜນການ 2.24%

ຫ້ອງການ-ການເງິນ ເມືອງວັງວຽງ ຈັດກອງປະຊຸມ ສະຫຼຸບວຽກງານ
ແຜນການ-ການເງິນປະຈຳປີ 2018 ແລະ ທິດທາງແຜນການປະຈຳປີ 2019

ໃນຕອນເຊົ້າຂອງວັນທີ 12 ມີນາ 2019 ນີ້ ຢູ່ທີສະໂມສອນເມືອງວັງວຽງ ແຂວງວຽງຈັນ. ໄດ້ຈັດກອງປະຊຸມ ສະຫຼຸບວຽກງານ ປະຈຳປີ 2018 ແລະທິດທາງແຜນການ ປະຈຳປີ 2019 ຂື້ນຢ່າງເປັນທາງການ. ໃຫ້ກຽດເປັນປະທານໂດຍ ທ່ານ ຄຳຜອງ ດວງວິໄລ ກຳມະການພັກແຂວງ ເລຂາພັກເມືອງ ເຈົ້າເມືອງໆວັງວຽງ, ມີທ່ານ ກ້ຽນທອງ ເທບທິດາ ກຳມະການພັກເມືອງ ຫົວໜຫ້ອງການ-ການເງິນເມືອງວັງວຽງ, ເຂົ້າຮ່ວມມີທ່ານ ສົມບູນ ລັດຕະນະພອນ ຮອງຫົວໜ້າພະແນກການເງິນແຂວງວຽງຈັນ, ມີບັນດາທ່ານຄະນະປະຈຳ, ກຳມະການພັກເມືອງ, ຫົວໜ້າຫ້ອງການ, ການເງິນຫ້ອງການ, ເລຂາພັກບ້ານນາຍບ້ານ ແລະ ການເງີນບ້ານເຂົ້າຮ່ວມຢ່າງພ້ອມພຽງ.

ກອງປະຊຸມ ທ່ານ ກ້ຽນທອງ ເທບທິດາ ຫົວໜ້າຫ້ອງການ-ການເງິນເມືອງວັງວຽງໄດ້ຂື້ນຜ່ານບົດລາຍງານການຈັດຕັ້ງປະຕິບັດແຜນງົບປະມານປີ 2018 ແລະ ທິດທາງແຜນການປີ 2019, ເມືອງວັງວຽງໄດ້ຮັບແຜນແບ່ງຕົວເລກລາຍຮັບທີ່ຂັ້ນເທີງມອບໃຫ້ເມືອງຈັດຕັ້ງປະຕິບັດປີ 2018ໄດ້ທັງໝົດ: 11.653 ລ້ານກວ່າກີບ, ປະຕິບັດໄດ້ 11.914 ລ້ານກວ່າກີບ, ເທົ່າກັບ 102,24% ໃນນັ້ນມີ ສວ່ຍສາອາກອນແຜນການປີ 10.853 ລ້ານກວ່າກີບ, ປະຕິບັດໄດ້ 11.131 ລ້ານກວ່າກີບ, ເທົ່າກັບ 102,56 %ຂອງແຜນການປີ, ຄ່າທຳນຽມແຜນການປີ 108 ລ້ານກີບ, ປະຕິບັດໄດ້ 181 ລ້ານກວ່າກີບ, ເທົ່າກັບ 100,68% ຂອງແຜນການປີ, ພາສີທີ່ດິນແຜນປີ 661 ລ້ານກວ່າກີບ, ປະຕີບັດໄດ້ 649 ລ້ານກວ່າກີບ, ເທົ່າກັບ 98,20%, ວິຊາການແຜນການປີ 6.012 ລ້ານກວ່າກີບ, ປະຕິບັດໄດ້ 6.012 ລ້ານກວ່າກີບ, ເທົ່າກັບ 100 %, ຊັບສີນແຜນການປີ 800 ລ້ານກີບ, ປະຕິບັດ 783 ລ້ານກີບ, ເທົ່າກັບ 97,89 %ຂອງແຜນການປີ, ປີ 2018 ເບີກຈ່າຍທັງໝົດ 14.735 ລ້ານກວ່າກີບ, ທິດທາງ 2019 ເມືອງວັງວຽງ ສູ້ຊົນປະຕິບັດເກັບລາຍຮັບໃຫ້ໄດ້ຕາມແຜນທີ່ພະແນກການເງິນແຂວງວຽງຈັນມອບໝາຍໃຫ້ເມືອງວັງວຽງ ທັງໝົດ 11.050 ລ້ານກວ່າກີບ. ລາຍຮັບສ່ວຍສາອາກອນແຜນການ ປີ 10.300 ລ້ານກວ່າກີບ, ລາຍຮັບຄ່າທຳນຽມແຜນການປີ 185 ລ້ານກີບ, ລາຍຮັບທີ່ດິນ 650 ລ້ານກີບ,ລາຍຮັບວິຊາການ 1.465 ລ້ານກວ່າກີບ, ລາຍຮັບຊັບສິນຂອງລັດ ແຜນການປີ 750 ລ້ານກີບ.





ກອງປະຊຸມຍັງໄດ້ຄົ້ນຄ້ວາປະກອບຄຳຄິດຄຳເຫັນຕໍ່ບົດລາຍງານຢ່າງກົງໄປກົງມາເພື່ອເຮັດໃຫ້ການປະຕິບັດວຽກງານດັ່ງກ່າວມີຄວາມສະດວກ,ວ່ອງໄວ,ໂປ່ງໃສຮັບປະກັນຄວາມຖືກຕ້ອງດ້ານລະບຽບຫຼັກການ, ໂດຍສະເພາະແມ່ນການຈັດຕັ້ງປະຕິບັດການຈັດເກັບລາຍຮັບງົບປະມານເຊິ່ງສາມາດປະຕິບັດໄດ້ຕາມແຜນ ແລະ ເກີນແຜນການທີ່ວ່າງໄວ້,ເຊິ່ງເປັນເງື່ອນໄຂທີ່ສະດວກໃຫ້ແກ່ການເບີກຈ່າຍງົບປະມານປະຈຳປີ.





ພ້ອມນີ້ກອງປະຊຸມຍັງໃດ້ຮັບຟັງການຜ່ານເອກະສານຕ່າງໆຄໍາ ສັ່ງແນະນຳທ່ານເຈົ້າແຂວງເລກທີ 142 /ຈຂ.ວຈລົງວັນທີ 14.2.2019ວ່າດ້ວຍການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2019, ຂໍ້ຕົກລົງລັດຖະມົນຕີກະຊວງການເງິນເລກທີ 4000/ກງ, ວ່າດ້ວຍກໍານົດກົດໝາຍໃຊ້ຈ່າຍງົບປະມານ. ແຈ້ງການແນະນຳ ເລກທີ 1984/ກງ, ລົງວັນທີ 27 ມິຖຸນາ 2018 ກ່ຽວກັບການແກ້ໄຂຄະດີລົດລັກລອບນຳເຂົ້າໜີພາສີ , ຄໍາແນະນໍາເພີ່ມຕື່ມຂອງກະຊວງການເງີນເລກທີ 3909/ກງ, ລົງວັນທີ 4 ທັນວາ 2018 ກ່ຽວກັບການແຈ້ງແລະຊຳລະພາສີທີ່ດິນຜ່ານລະບົບທະນາຄານ.ພ້ອມນີ້ກອງປະຊຸມຜູ້ເຂົ້າຮ່ວມຍັງໄດ້ຮັບການຂື້ນໂອ້ລົມຂອງທ່ານເຈົ້າເມືອງຕື່ມອີກ.
020 28266719 ທັນວາ ພິມມະສອນ
ໝາຍເຫດ: 11.653 ລ້ານກວ່າກີບ ( ສິບເອັດພັນຫົກຮ້ອຍຫ້າສິບສາມລ້ານກວ່າກີບ

No comments

Powered by Blogger.