Header Ads

ເມືອງລະມາມ ສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ2018




#ຂ່າວ:ດາວສະຫວັນ
           ກອງປະຊຸມສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ2018 ແລິ ວາງທິດທາງແຜນການງົບປະມານປະຈຳປີ2019 ຂອງວຽກງານຫ້ອງການ-ການເງິນ ໄດ້ຈັດຂຶ້ນໃນຕອນເຊົ້າຂອງວັນທີ 22 ມີນາ 2019 ທີ່ສະໂມສອນຫ້ອງວ່າການເມືອງ ພາຍໄຕ້ການເຂົ້າຮ່ວມເປັນປະທານຂອງທ່ານ ຂັນຕີ ສີລະວົງສາ ເຈົ້າເມືອງລະມາມ ມີບັນດາຄະນະປະຈຳພັກ,ກຳມະການພັກເມືອງ ຫົວໜ້າ,ຮອງ ພະແນກການກ່ຽວຂ້ອງແຂວງ, ຫົວໜ້າ,ຮອງ ຫ້ອງການ ,ອຳນາດການປົກຄອງບ້ານ ພ້ອມດ້ວຍພະນັກງານວິຊາການເຂົ້າຮ່ວມ.



         ທ່ານ ນ.ສຸກມະນີ ໄຊຍະວົງຄຳດີ ກຳມະການພັກ ຫົວໜ້າຫ້ອງການ-ການເງິນເມືອງລະມາມໄດ້ຂຶ້ນສະຫຼຸບການຈັດຕັ້ງປະຕິບັດແຜນງົບປະມານແຫ່ງລັດປະຈຳປີ 2018 ແລະ ທິດທາງແຜນງົບປະມານປະຈຳປີ2019 ເຊິ່ງທ່ານກ່າວວ່າ:ຕະຫຼອດໄລຍະ 1ປີຜ່ານມາອຳນາດການປົກຄອງທຸກຂັ້ນ,ຄະນະນຳຫ້ອງການ-ການເງິນພ້ອມດ້ວຍພະນັກງານວິຊາການຕະຫຼອດຮອດອຳນາດການປົກຄອງ ແມ່ນໄດ້ສຸມທຸກສະຕິປັນຍາເຂົ້າໃນວຽກຂຸດຄົ້ນລາຍຮັບງົບປະມານຕາມຕົວເລກທີ່ແຂວງຈັດສັນແບ່ງຄວາມຮັບຜິດຊອບໃຫ້ເມືອງ 31,81 ຕື້ກີບ.



ໃນນັ້ນລາຍຮັບຈາກການດຸ່ນດ່ຽງຂອງແຂວງ26,79 ຕື້ກີບ,ລາຍຮັບພູດຂອງເມືອງ 5,01 ຕື້ກີບ,ເຊິ່ງສາມາດຈັດຕັ້ງປະຕິບັດໄດ້ທັງໝົດ31,37 ຕື້ກີບ,ທຽບໃສ່ແຜນການປີປະຕິບັດໄດ້98%,ຮັບຈາກດຸ່ນດ່ຽງຈຳນວນ27,05ຕື້ກີບທຽບໃສ່ແຜນການປີປະຕິບັດໄດ້101%,ລາຍຮັບພາຍໃນເມືອງ4,32 ຕື້ກີບ ທຽບໃສ່ແຜນການປີປະຕິບັດໄດ້86%.ສ່ວນທິດທາງແຜນການງົບປະມານແຫ່ງລັດປະຈຳປີ2019 ສູ້ຊົນເຮັດໃຫ້ການເງິນ-ງົບປະມານມີຄວາມໝັ້ນທ່ຽງ,




ສ້າງຄວາມເຂັ້ມແຂງຂຶ້ນເທືອລະກ້າວ,ສາມາດກຳຈັດການຮົ່ວໄຫຼຂອງລາຍຮັບໄດ້ຢ່າງເດັດຂາດດຄຸ້ມຄອງລາຍຈ່າຍຢ່າງຮັດກຸ່ມ ແລະ  ມີປະສິດທິຜົນສູງ,ສູ້ຊົນເກັບລາຍຮັບທີ່ແຂວງມອບໃຫ້ເມືອງຈັດຕັ້ງປະຕິບັດໃນປີ2019 ໃຫ້ໄດ້ 4,491 ຕື້ກີບ ເທົ່າກັບ 86% ທຽບໃສ່ປີຜ່ານມາຫຼຸດລົງ 14%ຂອງແຜນຕົວເລກລາຍຮັບທັງໝົດໃນນັ້ນລາຍຮັບພາຍໃນເມືອງຮັບຈາກສ່ວຍສາອາກອນ 3,000,000,000 ກີບ ເທົ່າກັບ82% ທຽບໃສ່ປີຜ່ານມາຫຼຸດລົງ18%,ຮັບຈາກພາສີທີ່ດິນ 600,000,000 ກີບ ເທົ່າກັບ 105%ທຽບໃສ່ປີຜ່ານມາເພີ່ມຂຶ້ນ 5%,ຮັບຈາກຄ່າບໍລິການ 241,000,000 ກີບ ເທົ່າກັບ120%ທຽບໃສ່ປີຜ່ານມາເພີ່ມຂຶ້ນ 20%,ຮັບຈາກຄ່າທຳນຽມ 200,000,000 ເທົ່າກັບ 100%,ຮັບຈາກຊັບສິນຂອງລັດ 450,000,000 ກີບ ເທົ່າກັບ 75%ທຽບໃສ່ປີຜ່ານມາຫຼຸດລົງ25% ແລະ ຮັບຈາກລາຍຮັບແຂວງເຄື່ອນຍ້າຍ31,218,842,000 ກີບເທົ່າກັບ117%ທຽບໃສ່ປີຜ່ານມາເພີ່ມຂຶ້ນ 13%.



        ໂອກາດນີ້,ທ່ານ ຂັນຕີ ສີລະວົງສາ ເຈົ້າເມືອງລະມາມກໍ່ໄດ້ໃຫ້ກຽດໂອ້ລົມຕໍ່ກອງປະຊຸມເຊິ່ງກ່ອນອື່ນທ່ານກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການຈັດຕັ້ງປະຕິບັດວຽກງານການເງິນໄລຍະຜ່ານມາ ພ້ອມນີ້ແລ້ວທ່ານກໍ່ໄດ້ຮຽກຮ້ອງໃຫ້ບັນດາບ້ານ,ຫ້ອງການທີ່ມີລາຍຮັບພາຍໃນເມືອງ ເພີ່ມທະວີການຕິດຕາມກວດກາ ແລະ ປະເມີນຄວາມຮັບຜິດຊອບໜ້າທີ່ການເມືອງຂອງພະນັກງານທີ່ປະຕິບັດໜ້າວຽກຕົວຈິງໃນແຕ່ລະໄລຍະ,ພະນັກງານການເງິນຕ້ອງໄດ້ເອົາໃຈໃສ່ ແລະ ຖືຄວາມສຳຄັນດ້ານການເມືອງແນວຄິດຮັບຜິດຊອບວຽກງານຂອງຕົນຢ່າງໜັກແໜ້ນ ແລະ ເລິກເຊິງ,ສືບຕໍ່ຮັບປະກັນໃນການຈັດຕັ້ງປະຕິບັດວຽກງານງົບປະມານແຫ່ງລັດປະຈະປີ 2019 ໃຫ້ໄດ້ຮັບຜົນສຳເລັດຕາມລະດັບຄາດໝາຍ.ພ້ອມນີ້ແລ້ວໃນກອງປະຊຸມກໍ່ໄດ້ມອບໃບຍ້ອງຍໍໃຫ້ບຸກຄົນທີ່ມີຜົນງານໃນການຈັດຕັ້ງປະຕິບັດວຽກງານໄລຍະ1ປີຜ່ານມາ ແລະ ກົມກອງທີ່ສາມາດເກັບລາຍຮັບເຂົ້າງົບປະມານປະຈຳປີ2018ໄດ້ຕາມຄາດໝາຍຕື່ມອີກ.

No comments

Powered by Blogger.